MATEYO 23 - Disambi Dipyadipya

¹ KU kikondo kieki kwakakwambila Yisu bimbukuma yi beyi banci

² ene, Bafundi ba mikanda yi baFalixi bamaxikama mu nkwasa a Mosese ;

³ mbwôso bintu bioso binwatôyelabo, nubikisi, nubinami. Kaninga kanwelekyexi makisa abo, bwalo bwatôyabo yi kabasokisa ;

⁴ kaninga basuka malo a maxitu adi kukola kucwala, yi babaka kulu kwa makyepa a bantu, kaninga mikyeabo kabana-endesa isa yi lulembu Iwabo.

⁵ Mo bencenca makisa abo moso ndo kumonebwa kudi bantu ; bwalo bwencencabo filakatele minene, yi balundisa miembangi ya bilamba biabo,

⁶ bananga lolo kidi kia kulu ku mbaki yi nkwasa ya ku buxi mu bixingidilu,

⁷ yi kunemekyebwa ku mabanca a bisalu, yi kubikidibwa kudi bantu ene, Labi, Labi.

⁸ Kaninga nonu kanubikidibwi ene, Labi ; bwalo budi muntu umoumwe Mweyexi enu ; yi nonu bungi bwenu badi bana ba tete.

⁹ Yi kanubikidi muntu tetenu paxi ; bwalo budi umoumwe Tetenu, You utani mu diulu.

¹⁰ Kanubikidibwi kabidi ene, baxiyi, bwalo budi umoumwe muxiyi enu, Kalistu.

¹¹ Kaninga you adika munene kunudi, unakala musadi enu.

¹² Yi muntu mwoso unadibandisa mikyenci unapwexebwa, yi muntu mwoso unadipwesa mikyenci unabandixibwa.

^13-14 Mo mpeya kunudi, bafundi ba mikanda yi baFalixi, bena mancanga, bwalo bunwabukila bufumu bwa diulu ku mpala ya bantu ; bwalo bunutasobwela nonu, yi kanusobwesa bantu baxebwela munda.

¹⁵ Mpeya kunudi bafundi ba mikanda yi baFalixi bena mancanga, bwalo bunwatanga mai yi mbata ndo kutulola muntu abene umoumwe akali buna Yuda, yi panakala amakulumuka, nonu numwalekolesa yi mwosambu ă mwana a dilundu, biamanudikayi mikyenu.

¹⁶ Mpeya kunudi bax yañani ba mafofo, batôya ene, Muntu mwoso unateya kiteyi kia tempelo, kidi kanana ; kaninga muntu mwoso unateya kiteyi kia ôlo ă tempelo, udi muna mbata.

¹⁷ Badibi yi bafofo, kintu kai kiamadika, ndo ôlo ? sungu tempelo amateka ôlo babala ?

¹⁸ Yi muntu mwoso unateya kiteyi kia kilongolelu, kidi kanana ; mo muntu mwoso unateya kiteyi kia dilongi didi kulu kwakio udi muna mbata.

¹⁹ Bafofo, kiñani kiamadika, ndo dilongi ? sungu kilongolelu kiamateka dilongi babala ?

²⁰ Mbwôso you ateya kiteyi kia kilongolelu, amateya kiteyi kia kieki noku yi bintu bioso bidi kulu kwakio.

²¹ You lolo ateya kiteyi kia tempelo, amateya kiteyi kia you noku yi kia you apwakala momu.

²² Yi you ateya kiteyi kia diulu amateya kiteyi kia lukwasa lwa Ncembi, yi kia you amaxikama papo.

²³ Mpeya kunudi bena mikanda, yi baFalixi bena mancanga bwalo bunwalambula mulambu ă minti yi anise yi kumini, yi nwamakadeya mambi a bwadi adika buxitu, kusambola, yi mwengo, yi kwetabusa ; nuxekwenca aa noku kutena kukadeya yia.

²⁴ Baxiyanani ba mafofo bankankamanina lubembeli kaninga bamina xamo.

²⁵ Mpeya kunudi bena mikanda yi baFalixi, bena mancanga, bwalo bunwakusula kunci kwa mpamba yi kwa dilonga, kaninga munda mwamakwolubila yi bukitu yi nkolwa.

²⁶ MuFalixi a bufofo, kusula munda mwa mpamba buxi, yi mwa dilonga, bixekusuka kunci kwabio kabidi.

²⁷ Mpeya kunudi, bena mikanda yi baFalixi, bena mancanga bwalo bunulexi yi luna nkita yamasusudibwa, yamoneka yi lwoxixi kunci, kaninga yamakwolubila munda yi mifwa ya bafu yi mbindu mioso.

²⁸ Mo nako nonu kabidi, kunci nwamoneka yi nkwami ku meso a bantu, mo nwamakwolubila munda yi mancanga yi bubi.

²⁹ Mpeya kunudi, bena mikanda yi baFalixi, bena mancanga, bwalo bunwabaka abaka nkita ya badimuxi yi nwabongesa nkita ya bena nkwami,

³⁰ yi nwatôya ene, Ximbi coco twakadi paxi ku matuku a batetecu, katuxesangilañana yinabo ku maxi a badimuxi.

³¹ Mbwôso nwamaditôbôlela mikyenu, ene, nudi bana babo ba bantu bakaxipa badimuxi.

³² Nwombudisi, nonu lolo, Iwedi lwa batetenu.

³³ Nyoka, bana ba matulambwa, nunalubukwa kupanda lopelo lwa dilundu beci ?

³⁴ Mbwôso numoni, meme nakunutumina badimuxi yi bena bwinu yi bafundi ba mikanda ; yi banga nunabonda yi nunabakopeka ku nkulusu, banga lolo nunabakuma mu bixingidilu bienu, yi nunabakolomona pôi bula bumobumwe pôi bunga ;

³⁵ bixenulula maxi moso a nkwami amacakibwa paxi, pôi maxi a Ebele a nkwami pôi ku maxi a Sakalia mwana a Balakia, unwakaxipa pakacikaci pa tempelo yi kilongolelu.

³⁶ Nwatôyela sôsôlwo ene, Bintu bebe bioso binalwa pa mwociya ou.

³⁷ Yelusaleme, Yelusaleme, axipa xipa badimuxi, ubelela bobo mabwe bamatumibwa kudi, matuku mangi nxekokyeya bana bebe bea biakokyeya ncolo twana twanci muxi mwa bipambwi bienci ; yi nonu nwamanyañana.

³⁸ Numoni, ncibo enu amanukalemena kanana ;

³⁹ bwalo bunwatôyela ene, Kanunangumona pô pôi nkyekyu pôi kikondo kinunatôya ene, Mulwangwasanibwi you ulolwa ku dina dia Yeoba.