MATEYO 20 - Disambi Dipyadipya

¹ BWALO budi bufumu bwa diulu bea luna muntu, muna ncibo, akabatuka ku butwatuku pexe kuya angata basadi ba kukisa mu kibidi kienci kia finyo.

² Yi pakakwetabusañanayi yi basadi dia denalio umoumwe ku dituku, akabatuma mu kibidi kienci kia finyo.

³ Yi akabatuka pa ola amusatu, yi akamona banga bamakwemana mu dibanca dia kisalu mo kanana ;

⁴ yi akabambila, ene, Nonu kabidi nuyi mu kibidi kia finyo, yi kintu kioso kidi yi nkwami, meme nakunupelakio. Yi bakaya biabo.

⁵ Yi akabatuka kabidi pa ola amusambomo, yi a dibwa, yi akakwenca mo nako.

⁶ Kaninga pa ola a disangi yi umoumwe, akabatuka kabidi, yi akasañana bamo bamakwemana ; yi akabambila, ene, Ku bwalo kai nwamakwemana kunu mo kanana dituku dincimancima ?

⁷ Bakamwambila ene, Bwalo butasotwangata muntu. Akabatôyela ene, Nuyi kabidi mu kibidi kia finyo.

⁸ Mo pakakwela butuku fumu a kibidi kia finyo akatôyela nkôngôlo anci, ene, Bikila basadi, ubafuti mafuto abo, unabanga yi bena nyuma pôi bena buxi.

⁹ Yi pakalwa bena ola disangi yi umoumwe, bakangata muntu anci denalio muntu anci denalio.

¹⁰ Yi pakalwa bena buxi, bakakisa ene, baxedika kwangata ; yi bobo kabidi bakangata muntu anci denalio, muntu anci denalio.

¹¹ Yi pakangatabo, bakapindudila fumu a ncibo

¹² ene, Baba bena nyuma bamakwenca ola umoumwe, yi owe wamabelekyesa lwedi lumolumwe yinecu bamakwombwa buxitu bwa munyinya yi kilungu.

¹³ Kaninga yei akapingasa muntu umoumwe akadi yinabo, ene, Mbai, kisokufina. Owe kwapwetabusañana yinami dia denalio umoumwe ?

¹⁴ Angata difuto diebe, yaka. Kaninga kudi nyinga yamene ndo kupa you muna nyuma isa bea mikyebe ;

¹⁵ ka loko meme kwenca mwamene munapunanga yi bintu biamene ? Diso diebe didi dibi, bwalo bundi meme kunengela ?

¹⁶ Mo nako bena nyuma banakala ku buxi ; yi bena buxi ku nyuma.

¹⁷ Yi pakakwenda Yisu lwa Yelusaleme, akangata beyi disangi yi babidi yinanci mikyeabo mu ncila, yi akabambila ene,

¹⁸ Numoni, tutanaya ku Yelusaleme, yi Mwana a Muntu unalongolebwa kudi makanda manene yi bafundi ba mikanda, yi banamubela lopelo lwa kufwa ;

¹⁹ yi banamulongola kudi mabila ndo kumukyeca, yi kumukuma, yi kumukopeka ku nkulusu, yi ku dituku diamusatu kunabikayi kabidi.

²⁰ Ku kikondo kieki kwakalwa bana ba Sebede mamabo, yi bana banci, udi mu kumuxingila, umwalomba kintu.

²¹ Yi akamwambila ene, Wakyeba kai ? Yei akamwambila ene, Tôya, ene, bana bamene babidi baba baxikami munga ku kidyo kiebe, yi munga ku kimoso kiebe ku bufumu bwebe.

²² Yi Yisu akapingasa ene, Kanusolubukwa binwălomba. Nonu nwaponyañana yi kunwa mpamba untananwa meme ? Bakamwambila ene, Twamaponyafiana.

²³ Yi akabambila ene, Nunanwa amene mpamba sôsôlwo ; kaninga ndo kuxikama ku kidyo kiamene, yi ku kimoso kakuna kwamene ndo kupa, kutena kudibo bamalungikidibwaku kudi Tetemi.

²⁴ Yi pakakwombwa disangi, bakanyungula bwalo bwa bana ba mama babidi.

²⁵ Mo Yisu akababikila, ene, Nwalubukwa bafumu ba mabila ene, badi yi bumanya kulu kwabo, yi bantu babo banene babadika bumanya.

²⁶ Kakunakala nako kunudi, kate muntu mwoso unakala munene kunudi unakala musadi enu ;

²⁷ yi muntu mwoso unakala ku buxi bwenu akali mupika enu ;

²⁸ bea biakalwa Mwana a muntu kumoni kusadidibwa kate kusala, yi kupa môyo ănci mpiku ya kupikula bantu bangi.

²⁹ Yi pakancukabo ku Yeliko, kimbukuma kinene kiakamulanda.

³⁰ Yi mona, bafofo babidi bakaxikama ku mwanca ă ncila, pakakwombwabo ene, Yisu udi mu kudika papa, bakakwamena ene, Utwombwelipo mwengo Fumu, Mwana a Dafidi.

³¹ Mo kimbukuma kiakabalanga bakali polo. Kaninga bakakolesa kwamena ene, Utwombwelipo i mwengo, Fumu, Mwana a Dafidi.

³² Yi Yisu akakwemana, yi akababikila ene, Kinani kinwakyeba meme nwenceli ?

³³ Bakamwambila ene, Fumu, meso ecu adipudibwi.

³⁴ Yi Yisu akakwombwa mwengo, akabaka meso abo bianca, yi bakapingaxibwa meso abo mangwoso, yi bakamulandudila.