MATEYO 2 - Disambi Dipyadipya

¹ PAKALELEBWA Yisu lolo mu Beteleme a Yudiya ku matuku a Elodofumu, mona, bena bwinu ba kulolwa munyinya bakafika ku Yelusaleme

² ene, You amalelebwa Fumu a bena Yuda udi kupai ? bwalo butwamamona mutoto ănci kulolwa munyinya, yi twamalwa kulwa muxingila.

³ Elodo pako, fumu, pakakwombwayi, akatepexebwa, yi bungi bwa Yelusaieme yinanci ;

⁴ biakasangisayi makanda moso manene, yi bafundi ba mikanda ba bantu, yi akabapangusa kidi kixelelebwa Kalistu.

⁵ Bakamwambila ene, ku Beteleme a Yudiya, bwalo bwakafundibwa noku kudi mudimuxi

⁶ ene, Owe Beteleme, ku mbata a Yuda, kuna mubende pô kudi bana ba bafumu ba Yuda ; bwalo bunancuka you Fumu kudi unanama bantu bamene ba Isalele.

⁷ Elodo lolo akabikila bena bwinu ku busoko yi akabapangusa sôsôlwo dia kikondo kia mutoto ăkadi mu kumoneka ;

⁸ yi akabatuma ku Beteleme, ene, Nuyi kwakwala sôsôlwo dia mwamuki ; oka nwamamusokolola, nungupingasi diyi, binselwa muxingila mikyemi kabidi.

⁹ Pakakwombwabo fumu, bakaya ku lwendo lwabo ; yi mona, mutoto ăkamonabo kulolwa munyinya, ăkaya ku buxi bwabo, biakalwau emana kulu kwa kidi kiakadi mwana mubende.

¹⁰ Pakamonabo mutoto bakaxekyelela yi kiango kingi.

¹¹ Yi bakabwela mu ncibo, yi bakamona mwana mubende yi Mali mamanci, yi bakadiponesa yi bakamuxingila. Yi pakadipulabo ngombo yabo bakamulonga malongi, ôlo yi ncobo a libano yi a mô.

¹² Yi pakadimuxibwabo kudi Ncembi mu dilu ene, kabapinani kudi Elodo, bakancuka kuya ku mbata abo ncila munga.

¹³ Pakadi bamaya lolo, mona, mwangele a Fumu akamoneka kudi Yosefe mu dilu ene, Bika, angata mwana mubende yi mamanci, yaka mangwoso ku Ecipito, yi ikala momu binakukutôyela ; bwalo bunapalala Elodo mwana mubende kumuxipa.

¹⁴ Yi akabika, akangata mwana mubende yi mamanci ku butuku yi akaya ku Ecipito.

¹⁵ Yi akadi koku pôi ku lufu lwa Elodo, bixefikixibwa diyi diakatôyebwa kudi Fumu ku musuku ă mudimuxi ene, Ku Ecipito ndo kunamabikila mwanami.

¹⁶ Pakamona Elodo lolo mwakakixibwayi kudi bena bwinu, akanyungula kungi ku mucima ; yi akatuma bantu kuya xipa bana boso ba babalumi bakadi mu Beteieme yi ku mbata yenci mioso, ba mixipo ibidi yi muxi, bea Iwedi lwakakwapangusayi sôsôlwo kudi bena bwinu.

¹⁷ Ku kikondo kieki kwakafikixibwa diyi diakatôyebwa kudi Yelemia mudimuxi, ene,

¹⁸ Diyi dianiakwombwebwa ku Lama, masonci yi bidilu bingi ; Lakyele udi mu kudidila bana banci, kasobondebwa, bwalo butasoakalabo yi môyo.

¹⁹ Kaninga pakamafwa Elodo, mona, mwangele a Fumu akamoneka mu dilu kudi Yosefe mu Ecipito,

²⁰ ene, Bika, angata mwana mubende yi mamanci, enda ku mbata a Isalele, bwalo bwamafwa bantu bakapalala môyo ă mwana mubende.

²¹ Yi akabika yi akangata mwana mubende yi mamanci, yi akalwa ku mbata a Isalele ;

²² kaninga pakakwombwayi ene, Akyelayu udi fumu a Yudiya mu kidi kia Elodo tetenci, akacina kuya koku ; yi pakadimuxibwayi mu dilu kudi Ncembi, akacimba ku mwanca ă Ngalili,

²³ yi akalwa xikama mu bula bwabikifabo ene, Nasalete, bixefikixibwa diyi diakatôyebwa kudi badimuxi ene, unatambibwa ene, muna Nasalete.