MATEYO 18 - Disambi Dipyadipya

¹ KU ola you kwakalwa beyi kudi Yisu ene, Nani lolo adika munene mu bufumu bwa diulu ?

² Yi akabikila kana kabende kudiyi, akakaxikika pakacikaci pabo,

³ yi akatôya ene, Nwatôyela sôsôlwo ene, Kutena nwamakulumuka, yi nwamalwa bea bana babende, kanunabwela mu bufumu bwa diulu pô.

⁴ Mbwôso muntu mwoso unadipwesa mikyenci luna kaka kana kabende, kayou amadika munene mu bufumu bwa diulu.

⁵ Yi muntu mwoso angata mwana umoumwe a noku ku dina diamene, ungwangata meme.

⁶ Kaninga muntu mwoso unaponesa mwana umoumwe a babaki baba babende bamangwetabuxila, kwamadika loko ku bwalo bwanci ndo dibwe dinene dixemusukibwa ku xingu anci, uxediyixibwa lolo mu ngidi ya mai.

⁷ Mpeya ku loboko bwalo bwa biponexelu. Biponexelu binalwa, kaninga mpeya kudi muntu you ulolwa kiponexelu kudiyi.

⁸ Yi ndo kianca kiebe ndo dikasa diebe kiamakuponesa, ukikali, ukiecikisi kudi ; kudi loko yinebe ndo kubwela mu môyo yi kitumbi ndo yi kikomo, kumoni kwelebwa yi bianca bibidi ndo makasa abidi mu mudilu ă kô kô.

⁹ Yi ndo diso diebe diamakuponesa, udipokoli, udiecikisi kudi ; kudi loko yinebe ndo kubwela mu môyo yi kipoko, kumoni kwelebwa mu dilundu dia mudilu yi meso abidi.

¹⁰ Nutebeli, kanutamuni umoumwe a babaki baba babende ; bwalo bunwatôyela ene, bangele babo mu diulu bamona mpala a Tetemi matuku moso udi mu diulu.

¹¹ Bwalo bwamalwa Mwana a Muntu kulwa pandisa you amabungwa.

¹² Nonu nwakisa beci ? Akali muntu udi yi mikwakwa nkama, yi umoumwe amabungwa, ki yei unaxiya masangi dibwa yi dibwa ku mpongo kuya palala you amabungwa ?

¹³ Akali lolo umwasokolola, meme nwatôyela sôsôlwo ene, kuxekyelela kwanci kwa you kwamadika kuxekyelela kwanci kwa masangi dibwa yi mikwakwa dibwa yitasobungwa.

¹⁴ Mo nako kakuna nyinga ya Tetenu udi mu diulu, umoumwe kufwa a babaki babende baba.

¹⁵ Mo ndo muna kwebe onona ku bwalo bwebe, yaka ya mwebesi mikyebe yinanci ku busoko. Ndo unakwombwa wamapandisa muna kwebe.

¹⁶ Mo ndo kasokwombwa, cwala yinebe ndo umoumwe ndo babidi, bixesubixibwa diyi dioso ku misuku ya batobodi ndo babidi ndo basatu.

¹⁷ Kaninga ndo anyañana kubombwela, utôyeli kikokye ; yi ndo anyafiana kwombwa kikokye kabidi, akali yinebe bea luna muna mabila ndo bea musangi a mulambu.

¹⁸ Nwatôyela sôsôlwo ene, Bwalo bwoso bununabamba paxi bunabambibwa mu diulu, yi bwalo bwoso bununasula paxi bunasudibwa mu diulu.

¹⁹ Nwatôyela kabidi ene, ndo babidi badi yinenu banakwetabusafiana dia bwalo, isa bwalo bwoso bunalombabo, bunabafikixibwa kudi Tetemi utani mu diulu.

²⁰ Bwalo kwoso kwakokama ndo babidi ndo basatu ku dina diamene, meme ndi koku, pakacikaci pabo.

²¹ Ku kikondo kieki kwakalwa Pita kudiyi ene, Fumu mwakunyami unangwonena mona anga yi nakumulekyela ? Mona sambwali ?

²² Yisu akamwambila ene, Kisokwambila ene, pôi sambwali, kate pôi masangi sambwali a mona sambwali.

²³ Mbwôsô bufumu bwa diulu bwamafwañanana yi luna fumu uxebala yi basadi banci.

²⁴ Yi pakadi ama banga kubala, muntu umoumwe aka cwadibwa kudiyi, akadi muna mbat a talente nkone disangi.

²⁵ Ka ninga bwalo bwakadiyi kiena y kintu kia kufuta, fumu akatôya ene aodixibwi, yi mukasanci, yi bana band, yi bintu bioso biakadi yinanci mbata kusombolebwa.

²⁶ Musad lolo akapona paxi yi akamuxingik ene, Fumu ungukungi, yi nakukusombola nya.

²⁷ Yi fumu a musadi you akakwombwa mwengo, akamusula yi akamulekyela mbata you

²⁸ Kaninga musadi you akabatuka akasañana munga musadi muna kwanci akadi yinanci mbata a denalic nkama. Yi akamukwata, yi akamufina xingu ene, Ungusomboli mbata.

²⁹ Muna kwanci lolo akapona paxi, akamulomba ene, Ungukungi, yi nakukusombola.

³⁰ Mo yei akanyañana kate akaya mwela mu ncibo a lukanu bixesombolayi mbata.

³¹ Kaninga banga basadi bena kwanci, pakamonabo mwakakwencebwa, bakadila kungi, yi bakaya sakolela fumwabo bintu bioso biakapona.

³² Fumwanci lolo akamubikila, akamwambila ene, Musadi mubi ! Meme nakakulekyela bungi bwa mbata you, bwalo bwakanguxengula ;

³³ ki owe lolo uxekwo mbwela muna kwebe mwengo, byaka luna binakakwombwela owe mwengo ?

³⁴ Yi fumwanci akadi yi bituku akamulongola kudi banami bixesombolayi mbata muncimancima uxemusombolayi.

³⁵ Mo nako kabidi Tetemi utani mu diulu unanwencela nonu, ndo kanusolekyela muntu muna kwanci muntu muna kwanci ku micima yenu.