MATEYO 16 - Disambi Dipyadipya

¹ YI baFalixi yi baSaduki bakalwa mwelekyesa, bakamulomba abebesi kilayixilu kia mu diulu.

² Mo yei akabapingasa ene, Papulwa bwelu nonu ene, Dituku dinalwa babala ; bwalo budi diulu telelelele ;

³ yi ku lubangu ene, Lelo ngiembi, bwalo bwamalenga diulu, diamapinda ; nwamalubukwa kuxixima mpala a diulu, mo kanubiyi kuxingulula bilayixilu bia mieciya.

⁴ Mwociya mubi yi ă budibi ndo ăpalala kilayixilu, yi kilayixilu kakinaupebwa kitena kilayixilu kia Yona. Yi akabaxiya yi akancuka.

⁵ Yi beyi banci bakafika ku dixia bamakwelwa kucwala mampa.

⁶ Yi Yisu akabambila ene, Numoni, nudimuki bwalo bwa kiolubixilu kia baFalixi yi baSaduki.

⁷ Yi bakakwelesañana mbata ene, Bwalo bututasocwala mampa.

⁸ Yi Yisu akalubukwa yi akatôya ene, Kukai nwelesañana mbata, nonu bena kwetabusa kubende, bwalo bunutasocwala mampa ?

⁹ Kanusolubukwa nkyekyu, ndo kanusokwela mampa atano lukanyi a nkone itano, yi bibata binwakakwongula ?

¹⁰ ndo mampa sambwali a nkone inai, yi bisakwa binwakakwongula ?

¹¹ Ape nonu kanusolubukwa beci ? ene, kisonutôyela dia mampa, ene, Nudimuki bwalo bwa kiolubixilu kia baFalixi yi baSaduki ?

¹² Kunyuma bakakyendula ene, kasotôya dia kudimuka bwalo bwa kiolubixilu kia mampa, kate bwa kweyesa kwa baFalixi yi baSaduki.

¹³ Mo pakadi Yisu amafika ku mwanca ă Kyesalia Filipi ; akakwapangusa beyi banci ene, Bantu batôya beci dia Mwana a Muntu, ene, udi ñani ?

¹⁴ Yi bobo ene, Banga ene, Yoano Munumeyi ; banga ene, Eliya ; bamo ene, Yelemia, ndo munga mudimuxi.

¹⁵ Akabambila ene, Ape nonu, nonu nwatôya beci, ndi ñani ?

¹⁶ Ximono Pita akamupingasa ene, Owe ndo Kalistu, Mwana a Ncembi a môyo.

¹⁷ Yi Yisu akamupingasa ene, Mulangwasanibwi owe Ximono a Yona, bwalo butasokweyesa nako munyu yi maxi, kate Tetemi udi mu diulu.

¹⁸ Yi meme kabidi, nkwatôyela ene, Owe udi Pita, yi pelu pa lubwe lolu ndo panakwabaka kiamene kikokye, yi mbelo ya adese (luna Ngiliki, “  hades  ”) kayinakidika bumanya.

¹⁹ Yi nakukupa owe fungula ya bufumu bwa diulu ; kintu kioso lolo kinabamba owe paxi kinabambibwa mu diulu ; yi kintu kioso kinasula owe paxi, kinasudibwa mu diulu.

²⁰ Kunyuma akalanga beyi banci kabatôyedi muntu mwoso ene, udi Kalistu.

²¹ Pôi kikondo kieki pakabanga Yisu kwebesa beyi banci, ene, uyexa ku Yeiusaleme, kuya tata bintu bingi kudi bankolomo yi makanda manene yi bafundi ba mikanda, yi kuxipibwa, yi kubixibwa ku dituku diamusatu.

²² Yi Pita akamwangata, yi akabanga kumukama ene, Ncembi akumoni bimpe, Fumu ; nako kakunakuponena pô.

²³ Kaninga akakulumuka, yi akatôyela Pita ene, Ncuka kunyuma kwamene, Satana ; owe udi kiponexelu ku meso amene ; bwalo butasoakala lukanyi iwebe lwa bintu bia Ncembi, kate lwa bintu bia bantu.

²⁴ Yisu lolo akakwambila beyi banci ene, Aka muntu mwoso akyeba kulwa kunyuma kwamene, adinyañani mikyenci, aonguli nkulusu anci, angulandudili.

²⁵ Muntu mwoso unakyeba kubumba môyo ănci unauncimisa ; mo muntu mwoso unancimisa môyo ănci ku bwalo bwamene unausañana.

²⁶ Muntu atetowa kiñani, ndo amangata loboko luncimancima, yi amancimisa môyo ănci ? ndo muntu unasumbanya môyo ănci ku kintu kai ?

²⁷ Bwalo bunalwa Mwana a Muntu yi dikai dia Tetenci yi bangele bancl, yi ku kikondo kieki kunasayilayi muntu mwoso bea bidi makisa anci.

²⁸ Nwatôyela sôsôlwo, ene, Banga bamakwemana kunu, kabanakikisa lufu pô binakala bamamona Mwana a Muntu ulolwa ku bufumu bwanci.