MATEYO 14 - Disambi Dipyadipya

¹ KU kikondo kieki kwakakwombwa Elodo Tetelaka lotumbu lwa Yisu,

² yi akatôyela basadi banci ene, You udi Yoano Munumeyi : yei amabika kudi bafu ; mbwôso makisa aa a ngulu encenca munda mwanci.

³ Bwalo bwakakwata Elodo Yoano, yi akamusuka, yi akamuteka mu ncibo a lukanu ku mucwe ă Elodiasa, mukaxi a Filipi mwakunyenci.

⁴ Bwaio bwakamutôyela Yoano ene, Kakusolelekyela yi bwadi, owe kumwangata.

⁵ Pakakyebayi lolo kumuxipa, akacina bantu, bwalo bwakamwencabo ene, udi mudimuxi.

⁶ Mo pakalwa diba diakakwelabo kulelebwa kwa Elodo lukanyi, mwana a Elodiasa a babakaxi akasa masa ku mpala yabo, akaxekyelesa Elodo ;

⁷ mbwôso akaxiya kilaka yi kiteyi ndo kumupa isa kintu kioso kixelombayi.

⁸ Yei lolo akakwebexebwa kudi mamanci, akatôya ene, Mpi kunu pa dilonga mucwe ă Yoano munumeyi.

⁹ Yi fumu akakwombwa mwengo ; kaninga ku bwalo bwa biteyi, yi ku micwe ya bantu bakaxikama yinanci ku mesa, kwakatôyayi ene, bamupi.

¹⁰ Yi akatuma, akaxaka Yoano mucwe mu ncibo a lukanu ;

¹¹ yi mucwe ănci ăkacwadibwa pa dilonga, ăkapebwa muxika, yi yei akaucwala kudi mamanci.

¹² Yi beyi banci bakalwa angata mumbidi ănci, yi bakauncika, yi bakalwa cwala diyi kudi Yisu.

¹³ Pakakwombwa Yisu akancuka koku lwa kibusu ku kidi kia kisobe kitena bantu. Pakakwombwa bimbukuma, bakamulanda lwa mukidi mu mala.

¹⁴ Yi akabatuka, akamona kimbukuma kinene, yi akabombwela mwengo yi akapandisa bena mabombu bakadi yinabo.

¹⁵ Mo pakalwa bwelu, beyi banci bakalwa kudiyi ene, Kidi kidi kisobe, yi kikondo kiamadika nkyekyu ; ncula bimbukuma, bayi ku tunkyenda kuya diodila mikyeabo bidya.

¹⁶ Kaninga Yisu akabambila ene, Kabaxencuka ; nonu nubapi, badi.

¹⁷ Mo bakamwambila, ene, Twapwangata kunu mampa atano matupu yi yixi ibidi.

¹⁸ Yi akabambila, ene, Nucwali kunu kundi.

¹⁹ Yi akatôyela bimbukuma baxikami paxi pa bilo, yi akangata mampa atano yi yixi ibidi, akakwela meso anci kulu Iwa diulu, yi akalomba ; akanyowa lolo mampa, akapa beyi, yi beyi bakapa bantu.

²⁰ Yi bakadya bungi bwabo yi bakakwokuta, yi bakakwongula bicini biakasala bibata disangi yi bibidi tô.

²¹ Mo bobo bakadya bakadi pepe yi nkone itano ya babalumi, yi babakaxi yi bana matolo.

²² Yi akabamba beyi dibambu mangwoso dia kukondela mu kibusu, kuya mulwangwala ku dixia, bixenculayi bimbukuma.

²³ Yi pakadi amancula bimbukuma akabanda ku lupongo kuya lomba mikyenci ; yi pakalwa butuku, akadi koku mc mikyenci.

²⁴ Mo kibusu kiakadi nkyekyu pakacikaci pa mai, kitanatepexebwa ku diele, bwalo bwakapupuyalupepele ku mpala yabo.

²⁵ Kaninga ku kilo kiamunai kia butuku kwakayayi kuya kudibo udi mu kwenda pelu pa mai.

²⁶ Yi pakadi beyi bamamumona endenda pa mai, bakatepa ku micima ene, Koku ndc muncengi. Yi bakakwamena yi bowa.

²⁷ Mo Yisu akatôya yinabo mangwoso ene, Nukolesi micima ; meme kayou ; kanucini.

²⁸ Yi Pita akamupingasa ene, Fumu, ndo Owe udi koku, ungutôyeli ndwi kudi pelu pa mai,

²⁹ Yi akatôya ene, Lwaka. Yi Pita akabatuka mu kibusu, akakwenda pelu pa mai kuya kudi Yisu.

³⁰ Kaninga pakamonayi lupepele lwa ngulu akacina ; yi pakabangayi kudiya akakwamena, ene, Fumu ungupandisi.

³¹ Yi Yisu akaxombola kianca kienci mangwoso, akamukwata, akamwambila ene, Owe, muna kwetabusa kubende, kukai wamaxitaxita ?

³² Yi pakabwelabo mu kibusu, lupepele lwakalekyela.

³³ Kaninga bobo bakadi mu kibusu bakamuxingila, ene, Sôsôlwo, Owe udi Ncembi Mwananci.

³⁴ Pakadi bamasabuka ku dixia bakalwa ku mbata a Ngenesalete.

³⁵ Pakamulembetela bantu ba kidi kieki, bakatuma ku bungi bwa mbata koku, yi bakamucwadila bantu boso bakadi yi masama,

³⁶ yi bakamuxengula babaki isa mwombangi ă kifunda kienci bianca ; yi bantu boso bakabaka bianca bakancincidixibwa nya.