MATEYO 11 - Disambi Dipyadipya

¹ PAKADI Yisu amamana kutôyela beyi banci disangi yi babidi, akancuka koku kuya eyesa yi kwambila mu mala abo.

² Kaninga pakakwombwa Yoano mu ncibo a lukanu dia makisa a Kalistu, akatuma diyi kudi beyi banci babidi,

³ yi akamwambila, ene, Owe ndo you ulolwa ? Sungu tudingidili munga ?

⁴ Yisu akabapingasa ene, Nuyi sakolela Yoano binwombombwa yi binwamona.

⁵ Bafofo bamamona, yi bena bitumbi bamakwenda ; bena sudi bamakusuka, yi bena bicu bamakwombwa ; bafu lolo bamabixibwa, yi bakombi badi yi losangu lunengela Iwamabambidibwa.

⁶ Muiwangwasanibwi ndo muntu mwoso utasongunyungudila.

⁷ Kaninga pakadi batanancuka, Yisu akabanga kutôyela bimbukuma dia Yoano ene, Kinani kinwakaya ku mbata a kisobe kuya mona ? Muxembi amanyingixibwa ku lupepele ?

⁸ Kate kiñani kinwakaya kuya mona ? Muntu amalata bilamba bia lwoxixi ? mona, bobo baiata bintu bia lwoxixi badi mu ncibo ya bafumu.

⁹ Kate kiñani kinwakaya kuya mona ? Mudimuxi ? Ya, nwatôyela ene, muntu you amadika mudimuxi ;

¹⁰ you ndo yei akafundidibwa ene, Mona, meme ngwatuma mukyenci amene ku mpala ebe, unalungika ncila ebe ku mpala ebe.

¹¹ Nwatôyeia sôsôlwo ene, kudi bantu bamalelebwa kudi babakaxi, kakuna muntu amadika Yoano Munumeyi. Kaninga muntu mwoso udi mwamuki mu bufumu bwa diulu amamudika.

¹² Kaninga pôi matuku a Yoano Munumeyi pôi nkyekyu, bufumu bwa diuiu ndo bwanyengebwa ku ngulu, yi bena ngulu babwanyenga.

¹³ Bungi bwa badimuxi bamadimusa, yi bwadi, pôi Yoano.

¹⁴ Aka lolo nwananga kwangata, you ndo Eliya ulolwa.

¹⁵ You udi yi macu a kwombwa, aombwi.

¹⁶ Kaninga nakwelekyesa mwociya ou yi luna kifiani ? Ulexi yi luna babaki bamaxikama ku dibanca dia kisaiu, bamabikila bena kwabo

¹⁷ ene, Twamanukumina mixembi, mo nonu kanusosa ; twamanudidila bidilu, mo nonu kanusodikuma biedi.

¹⁸ Bwalo bwakalwa Yoano kumoni yi kudya yi kunwa, yi bobo ene, Udi yi kidimu kibi.

¹⁹ Mwana a Muntu pako amalwa yi kudya yi kunwa ; yi bobo ene, Mona muna ndôi ya kudya yi muna nkolwa ya malufu, kimbila kia basangi ba milambu yi kia boni ; yi bwinu bwamasuwixibwa kudi bana banci.

²⁰ Kunyuma akabanga kukama mala akafwombudibwa makisa anci a ngulu kwencebwa, bwalo butadibelabo.

²¹ Mpeya kudi, Kolasini ! Mpeya kudi, Betesaida i Bwalo bwa makisa a ngulu amakwencebwa kwenu, ximbi akakwencebwa ku Tile yi ku Xidono, baxedibela mikyeabo kalikali yi makutu yi macu.

²² Kaninga nwatôyela ene, Kubelebwa kwenu kunadika kubelebwa kwa Tile yi Xidono ku dituku dia lopelo.

²³ Owe lolo, Kapenaumu wamabandixibwa kulu ku diulu, unapwexebwa isanga ku adese. (Luna-Ngiliki “  hades  ”). Bwalo bwa makisa a ngulu amakwencebwa kwebe, ximbi akakwencebwa ku Sodomo, bula bobu buxesala pôi dituku dedi.

²⁴ Kaninga nwatôyela ene, Kubelebwa kwenu kunadika kubelebwa kwa mbata a Sodomo ku dituku dia lopelo.

²⁵ Ku kikondo kieki, Yisu akakulumuna ene, Nkwatumbisa, Tete, Fumu a diulu yi loboko, bwalo bwakasokoka bintu bebi kudi bena bwinu yi bena nkanyi, yi wakabiebesa kudi babaki.

²⁶ Mo nako Tete, bwalo bwa kukisa nako kwapwakala bimpe ku meso ebe.

²⁷ Bintu bioso biamangulongolebwa kudi Tetemi, yi kakuna muntu amalubukwa Mwana utena Tete ; kumoni muntu kabidi amalubukwa Tete utena Mwana, yi muntu mwoso ananga Mwana kumwebesa.

²⁸ Nulwi kundi, bungi bwenu bakamba, badi yi maxitu yina, yi meme nakunwomowesa.

²⁹ Nwombuiuli mwosangi ămene, nweyi lolo kundi ; bwalo bundi yi diedya yi polo ku mucima ; yi nonu nunasañana kwomowa ku micima yenu.

³⁰ Bwalo budi mwosangi ămene loko, yi mwosokye ămene udi bosala.