MATEYO 1 - Disambi Dipyadipya

¹ MUKANDA ă kulelebwa kwa Yisu Kalistu, mwana a Dafidi, mwana a Abalami.

² Abalami akalela Isaka, yi Isaka akalela Yakobo, yi Yakobo akalela Yuda yi bena kwanci ;

³ yi Yuda akalela Pelese yi Sela kudi Tamala ; yi Pelese akalela Eselono, yi Eselono akalela Alama,

⁴ yi Alama akaiela Aminadaba, yi Aminadaba akalela Nasono, yi Nasono akalela Salamono,

⁵ yi Salamono akalela Boasa kudi Layaba ; yi Boasa akalela Obede kudi Lutu ; yi Obede akaleia Yese,

⁶ yi Yese akalela Dafidi fumu. Dafidi akaleia Solomono kudi you a Uliya ;

⁷ yi Solomono akalela Loboama, yi Loboama akalela Abiya, yi Abiya akalela Asa,

⁸ yi Asa akalela Yosafata, yi Yosafata akalela Yolama, yi Yolama akalela Usia,

⁹ yi Usia akalela Yotama, yi Yotama akalela Ayasa, yi Ayasa akalela Esekia,

¹⁰ yi Esekia akalela Manase, yi Manase akalela Amono, yi Amono akalela Yosia,

¹¹ yi Yosia akaiela Yekonia yi bena kwanci ku kikondo kia kuncudibwa kwabo kuya ku Babelono.

¹² Yi kunyuma kwa kuncudibwa kwabo kuya ku Babelono, Yekonia akalela Salatiele, yi Salatiele, akalela Selubabele,

¹³ yi Selubabele akalela Abiudu, yi Abiudu akalela Eliakimi, yi Eliakimi akalela Asôlo,

¹⁴ yi Asôlo akalela Sadoko, yi Sadoko akalela Akimi, yi Akimi akalela Eliudu,

¹⁵ yi Eliudu akalela Eleasa, yi Eleasa akalela Matana, yi Matana akalela Yakobo,

¹⁶ yi Yakobo akalela Yosefe mwamulumi a Mali, akalelebwa Yisu kudiyi, amatambibwa ene, Kalistu.

¹⁷ Mbwôso mieciya mioso pôi Abalami pôi Dafidi yakadi disangi yi mieciya inai ; yi pôi Dafidi pôi kuncudibwa ku Babelono pakadi mieciya disangi yi mieciya inai ; yi pôi kuncudibwa ku Babelono pôi Kalistu pakadi mieciya disangi yi mieciya inai.

¹⁸ Kulelebwa lolo kwa Yisu Kalistu kwakalwa noku ; pakadi mamanci Mali amasukibwa kudi Yosefe, buxi bwakadi kabasangidili kidi kimokimwe, akasananibwa yi difu kudi Mwoxixi a babala.

¹⁹ Mo Yosefe bayenci, akadi yi nkwami, akadi kasokyeba kumuxipa bundu ku meso a bantu, akakwenca ndo kumuncula ku busoko ;

²⁰ kaninga pakakwelayi bintu bebi lukanyi, mona, mwangele a Fumu akamoneka ku meso anci mu dilu, ene, Yosefe, mwana a Dafidi, kucini kuditekyela Mali mukaxebe, bwalo budi you amakwembitayi kudi Mwoxixi a babala.

²¹ Yi unalela mwana yi owe unamwenyika dina dienci ene, Yisu, bwalo bunapandisayi bantu banci mabi abo.

²² Bintu bioso bebi noku biakapona lolo, bixefikixibwa diyi diakatôyebwa dia Fumu, kudi mudimuxi, ene,

²³ Mona, munciki unakala yi difu, yi unalela mwana, yi banatamba dina dienci ene, Emanuele (sakolo anci ene, Ncembi yinecu).

²⁴ Yosefe lolo pakabikayi mu tulu, akakwenca mwakamutôyela mwangele a Fumu, yi akateka mukasanci,

²⁵ yi kamulubukwa pô buxi butalelayi mwananci a buxi ; yi akamwenyika dina dienci ene, Yisu.