MAKU 16 - Disambi Dipyadipya

¹ PAKADI Sabado amadika, Mali a Mangadala, yi Mali Yakobo mamanci, yi Salome, bakacwala nana a manonu bixelwabo muxinga ku mumbidi ănci.

² Yi ku dituku dia buxi dia lumingu, ku butwatuku pexe, kwakalwabo ku lukita, pakadf diba diamancuka.

³ Yi bakakwambilañana ene, Ñani unatubunguluxila dibwe dia ku mbelo a lukita ?

⁴ Yi pakatebelabo, bakamona dibwe diamabunguluxibwa ; diakadi lolo bunene bwa bubi.

⁵ Yi pa kubwela mu lukita pakamonabo dipulwa ditanaxikama ku kidyo, yi kifunda kienci kia susu, yi bakakama kama.

⁶ Mo yei akabambila ene, Kanucini. Nwapalala Yisu, muna Nasalete akakopekyebwa ku nkulusu. Amabika kudi bafu ; kiena kunu ; numoni kidi kiakamuladikabo.

⁷ Kate nuyi, nwambili beyi banci yi Pita ene, Uyeya ku buxi bwenu ku Ngalili ; koku ndo kununamumona bea biakanwambilayi.

⁸ Yi bakabatuka yi bakacina mbilu mu lukita. Lukomba lolo Iwakabakwata yi dikamu dingi, yi bakadi kabasotôyela muntu mwoso kintu, bwalo bwakacinabo bowa.

⁹ Pakadi amabika kudi bafu ku butwatuku pexe ku dituku dia buxi dia lumingu, akamoneka buxi kudi Mali a Mangadala akatenyekayi bidimu bibi sambwali munda mwanci.

¹⁰ Yei akaya ambila bantu bakadi bamasangila yinanci, pakadibo yi buxitu ku micima yi masonci ku mpala.

¹¹ Yi bobo, pakakwombwabo ene, udi yi môyo yi amamonebwa kudiyi, bakadi kabasokwetabusa pô.

¹² Yi kunyuma kwa bintu bebi kwakakwebexebwayi yi munga mwebexelu kudi bena kwabo babidi pakakwendabo, badi mu kuya munda mwa mbata ;

¹³ yi bobo bakaya ambila banga ; kaninga bakadi kabasokwetabusa bobo kabidi.

¹⁴ Kunyuma lolo akakwebexebwa kudi beyi disangi yi umoumwe mikyeabo pakadi batanaxikama ku mesa ; yi akabakama makamu bwalo bwa mwoxituxitu ăbo yi kukola kwabo kwa ku micima, bwalo butakwetabusabo bobo bamamumona kunyuma kwakabikayi kudi bafu.

¹⁵ Yi akabatôyela ene, Nuyi ku loboko luncimancima, nwambili bantu boso losangu lunengela.

¹⁶ You amakwetabusa yi amanumeyebwa, unapandixibwa môyo ; yi you anyañana unabelebwa lopelo.

¹⁷ Yi bilayixilu bebi binasangila yi bobo bamakwetabusa ; banatenyeka bidimu bibi mu dina diamene ; banatôya yi ndimi mipyamipya ;

¹⁸ banakwongula nyoka ; yi ndo baxenwa mai moso a lufu kanabatatisa pô ; banabaka bianca biabo kulu kwa batati ba masama yi banancincila.

¹⁹ Mbwôso Fumu Yisu, pakadi amabatôyela, akangacibwa munda mwa diulu, yi akaxikama ku kidyo kia Ncembi.

²⁰ Yi bobo bakancuka, yi bakakwambila losangu lunengela mu bidi bioso, Fumu udi mu kwencañana yinabo, yi udi mu kusubisa diyi ku bilayixilu biakasangila yinadlo. Amen.