MAKISA 5 - Disambi Dipyadipya

¹ KANINGA muntu umoumwe, dina dienci ene, Anania, yi Safila mukasanci, akakwodisa kidi,

² yi akadiximbila kicini kia diso, (mukasanci lolo akabucika bwalo), yi akacwala kimo kicini, akakiteka ku makasa a batumibwi.

³ Mo Pita akatôya ene, Anania, kukai Satana amakwolubisa mucima ebe bixedimbila Mwoxixi a babala, yi bixediximbila kicini kia diso dia kidi ?

⁴ Pakadi kikiasala, kakiakadi kiebe ? pakadi lolo kiamakwodixibwa kakiakadi bwalo bwebe mikyebe ? Kukai wapwela bwalo bobu lukanyi mu mucima ěbe ? Kwadimbila bantu, kate Ncembi.

⁵ Anania lolo, biakakwombwayi meyi aa, akapona paxi yi akakica, yi bowa bungi bwakaponena bungi bwa bantu bakakwombwa nako.

⁶ Yi mapulwa akakwombuluka, akamudinga mbuxa, akamwombulula kunci yi akamuncika.

⁷ Kunyuma, pakadi ola isatu yamadika, pakabwela mukasanci, akadi kasolubukwa bwalo bwakapona.

⁸ Yi Pita akamukulumuna ene, Ungwambili ndo nwakakwodisa kidi ku diso diaku dedi ? Yei akatôya ene, Ya, kadedi.

⁹ Pita lolo akamwambila ene, Kukai nwamakwetabusañana ndo kwelekyesa Mwoxixi a Fumu ? Mona, makasa a bantu bapuncika bayebe adi ku mbelo, yi banakucwala kunci.

¹⁰ Yei lolo akapona mangwoso ku makasa anci, yi akakica. Yi pakabwela mapulwa munda, bakamusañana afufwa yi bakamwombulula kunci, bakamuncika ku lubalu lwa bayenci.

¹¹ Yi bowa bungi bwakaponena kikokye bungi bwaklo, yi bantu boso bakakwombwa bintu bebi.

¹² Ku makaci a batumibwi lolo kwakakwencebwa bilayixilu bingi yi bikamakama kudi bantu ; yi bakadi bungi bwabo yi lukanyi lumolumwe ku mbalanda a Solomono.

¹³ Mo ku bwalo bwa banga bantu, kakwakadi muntu umoumwe a kusangila yinabo bwalo bwa bowa, kate bantu bakabatumbisa ;

¹⁴ yi betabuxi bakadika kubodeyebwa bungi kudi Fumu, yi babalumi yi babakaxi ;

¹⁵ biakabatusabo bena masama munda mwa ncila, yi bakabateka pa ntangi yi pa malelo, bixeponena munga abo isanga mudingidingi ă Pita, paxedikayi papa.

¹⁶ Yi kimbukuma kabidi kiakasangila kia mu mala adi pepe yi Yelusaleme, bamacwala bena masama yi bantu bamafinibwa kudi bidimu bia mbindu ; yi bakapandixibwa bungi bwabo.

¹⁷ Kaninga bokanda bunene bwakakwemana yi bantu boso bakadi yinanci kabadi ba butonga bwa baSaduki, yi bakakwolubixibwa bisusu,

¹⁸ bakakwata batumibwi yi bakababwesa mu ncibo a lukanu.

¹⁹ Kaninga mwangele a Fumu akadipula mbelo ya ncibo a lukanu ku butuku, akabaxiya kunci ene,

²⁰ Nuyi emana, nutôyeli bantu munda mwa tempelo meyi moso a môyo ou.

²¹ Pakakwombwabo, bakabwela mu tempelo ku butwatuku pexe, yi bakakweyesa. Yi bokanda bunene bwakalwa yi bantu bakadi yinanci, yi bakabikila kikokye yi bungi bwa bwabukulu bwa bana ba Isalele, yi bakatuma ku ncibo a lukanu, ene, bacwadibwi.

²² Mo pakalwa tupalai, bakadi kabasobasañana mu nabo a lukanu, yi bakapiñana, yi bakatôya

²³ ene, Twapusañana ncibo a lukanu muncibika nkô nkô nkô, yi banami bamakwemana ku mbelo ; kaninga bitwapudipula, katusosafiana muntu munda.

²⁴ Pakakwombwabo meyi aa, bokanda, yi kapitene ka tempelo, yi makanda manene bakadi yi nkanyi ibidi ku bwalo bwabo, muxelunda bwalo bobu.

²⁵ Yi muntu akalwa bambila ene, Mona, babalumi banwakateka mu ncibo a lukanu badi mu tempelo, bamakwemana yi badi mu kweyesa bantu.

²⁶ Yi kapitene ka tempelo kakaya yi tupalai, yi akabacwala kutena yi ngulu, bwalo bwakacinabo bantu, ximbi baxekwelebwa mabwe.

²⁷ Yi pakadi bamabacwala, bakabateka ku mpaia a kikokye yi bokanda bunene bwakabapangusa lolo

²⁸ ene, Twakanupangukila yi ngulu ene, kanweyexi mu dina dedi ; yi mona, nwamakwolubisa Yelusaleme yi kweyesa kwenu, nwencenca ndo kutuponexela bwalo bwa maxi a muntu you.

²⁹ Kaninga Pita yi batumibwi bakapingasa ene, Kudi yi nkwami kwedeya Ncembi, kumom bantu.

³⁰ Ncembi a batetecu akabisa Yisu, unwakaxipa nonu, nwakamukopeka ku muci.

³¹ Yei, Ncembi akamubandisa yi kianca kienci kia kidyo, mwembu yi mupandixi, ndo kupa bena Isalele kwela kwa lwombixi yi kulekyelebwa kwa mabi.

³² Coco lolo badi batôbôdi ba malo aa, yi Mwoxixi kabidi a babala, amapela Ncembi bantu bamwedeya.

³³ Kaninga bobo, pakakwombwabo, bakakadibwa ku micima yi bakakwelañana nkanyi ndo kubaxipa.

³⁴ Kaninga muntu umoumwe, muFalixi, dina dienci ene, Ngamaliele, mweyexi a bwadi akanemekyebwa kudi bungi bwa bantu, akakwemana ku kikokye, yi akatôya ene, babatusi babalumi kakondo.

³⁵ Yi akabatôyela ene, Bantu ba Isalele, nudimuki ku bwalo bwa bantu baba, ku mucwe ă bintu binutanakyeba kwenca.

³⁶ Buxi bwa matuku aa noku bwakakwombuluka Teudasa, amaditôyela mikyenci ene, udi muntu munene ; kibumbu kia bantu bakasangañana yinanci lwedi lwa nkama inai ; mikyenci akaxipibwa, yi bantu boso bakamwedeya bakacakanixibwa, bakancimina nya.

³⁷ Kunyuma kwanci kwakakwombuluka Yudaxi muna Ngalili ku matuku akabalabo bantu mbadi, akasaiula bantu bamulandi ; yei lolo akafwa, yi bantu boso bakamwedeya bakacakana ca.

³⁸ Nkyekyu lolo meme nwambila ene, Nuncuki kudi bantu baba nubalekyeli ; ndo lukanyi lwa noku, ndo kukisa kwa noku kutani yi dicina munda mwa bantu, kunancimibwa ;

³⁹ kaninga akali kwapwakala kudi Ncembi, kanunalubukwa kubapwesa, ximbi nuxesananibwa nwamatanda yi Ncembi.

⁴⁰ Yi bakamwombwela diyi dienci, yi pakadi bamabikila batumibwi, bakabakuma, yi bakabapangukila ene, kabatôyi mu dina dia Yisu, yi bakabalekyela.

⁴¹ Mbwôso bakancuka ku mpala a kikokye, badi mu kuxekyelela bwalo bwamabadibwabo bamalelekyela yi kukyesolebwa ku mucwe ă Dina.

⁴² Yi ku diba dioso, ku tempelo yi ku ncibo, bakadi kabasolekyela kweyesa yi kwambila ene, Yisu udi Kalistu.