MAKISA 23 - Disambi Dipyadipya

¹ YI Paulu akatebela kikokye sosonyi, yi akatôya ene, Bena kwami, namakwenda ku mpala a Ncembi yi kilubukilu kioso kinengela pôi dituku dedi.

² Yi bokanda bunene Anania bwakabatôyela bamakwemana pepe yinanci bamukumi ku musuku.

³ Paulu lolo akamutôyela ene, Ncembi unakukuma owe, kididi kixinga lupemba ; owe waxikama kungusambola bea bialelekyela yi bwadi, kaninga watôya ene, akumibwi bea bitasolelekyela yi bwadi ?

⁴ Yi bobo bakakwemana pepe bakatôya ene, Wakisa bokanda bunene bwa Ncembi ?

⁵ Yi Paulu akatôya ene, Kiamulubukwa, bena kwami, ene, udi bokanda bunene ; bwalo bwamafundibwa ene, Kutôyi bubi bwalo bwa muntu munene a bubila bwebe.

⁶ Kaninga pakamona Paulu badi kicini kimokimwe baSaduki, kimo kicini pako baFalixi, akakwamena mu kikokye ene, Bena kwami, meme ndi muFalixi, mwana a baFalixi ; meme namasanyibwa ku bwalo bwa mudingidilu ă bafu yi kubika kwabo,

⁷ Yi pakadi amatôya nako, pakalwa mbata yi baFalixi yi baSaduki, yi kikokye kiakanamukanana.

⁸ Bwalo bwatôya baSaduki ene, kakuna kubika kwa bafu, ndo mwangele, ndo kidimu ; kaninga baFalixi basakola malo aa bubidi bwao.

⁹ Kwakalwa lolo muyengi bongonco, yi bafundi ba mikanda ba ku kicini kia baFalixi bakakwemana, yi bakafwilañana, ene, Katusomona bubi yi muntu you ; yi ndo kidimu kiapumutôyela, ndo mwangele, beci ?

¹⁰ Pakafika muyengi mungi, kiliaka kiakacina, ximbi Paulu uxepancolebwa kudibo, yi akatôyela masalai ene, bapweki, bamunculi ku ngulu kudibo, bamubwesi mu lumbu lwa masalai.

¹¹ Kaninga ku butuku bobu, kwakakwemana Fumu padiyi, yi akatôya ene, Kolesa mucima ; bea biapungutôbôlela ntôbô ku Yelusaleme, bixengutôbôlela ku Loma kabidi.

¹² Pakalwa munyinya, pakakwetabusañana bena Yuda, bakafingañana difingu ene, kabanadya, kabananwa, buxi butaxipabo Paulu.

¹³ Yi bakadika masangi anai bamaputolañana ku difingu dedi ;

¹⁴ yi bakalwa kudi makanda manene yi kudi babakulu ene, Twamafingañana difingu ene, katunakikisa kintu kioso buxi bututaxipili Paulu.

¹⁵ Mbwôso nonu yi kikokye nutôyeli kiliaka, ene, amupwesi kunudi, bea binuxesambola bimpe ku bwalo bwanci ; coco lolo, buxi butakokyelayi pepe, twamakunga kumuxipa.

¹⁶ Kaninga mwana a Paulu ngasananci akakwombwa dia kupolama kwabo, yi akalwa bwela mu lumbu lwa masalai yi akatôyela Paulu.

¹⁷ Yi Paulu akabikila kanga kapalai ka masalai, yi akatôya ene, Fikisa dipulwa dedi kudi kiliaka, bwalo budiyi yi diyi dia kumwambila.

¹⁸ Biakamwangatayi, yi akamucwala kudi kiliaka, yi akatôya ene, Paulu musungi, apungubikila, apungulomba ncwali dipulwa dedi kudi, udi yi diyi dia kukwambila.

¹⁹ Yi kiliaka kiakamukwata ku kianca, akaya ku dituku yi akamwapangusa ku busoko ene, Kiñani kieki kiakyeba kungwambila.

²⁰ Yi akatôya ene, Bena Yuda bamakwetabusañana dia kukulomba ene, wapwesapo Paulu mankyelo ku kikokye, bea ndo kumwapanguxila kintu sôsôlwo ku bwalo bwanci.

²¹ Mbwôso owe kubetabuxidi ; bwalo bwamamupolamina bantu badika masangi anai, bamafingafiana difingu kumoni kudya kumoni kunwa biamamuxipabo ; nkyekyu lolo bamakunga, badi mu kudingidila kilaka kudi.

²² Kiliaka kiakapingasa dipulwa papa noku, kiakamutôyela ene, Kusakoledi muntu mwoso bwalo bwapungwambila bintu bebi.

²³ Yi akabikila tupalai tubidi twa masalai, yi akatôya ene, Nulungiki masalai nkama ibidi, bayi pôi ku Kyesalia, yi bena tubala masangi sambwali, yi bena makonga nkama ibidi, pa ola amusatu a butuku ;

²⁴ balungiki lolo nyama ya kwombulula Paulu kulu, ndo kumucwala bimpe kudi Felixi mulopwe.

²⁵ Yi akafunda mukanda ă kutôya noku, ene,

²⁶ Kolôdyo Lisiasa kudi mulopwe unengela Felixi, môyo.

²⁷ Mwamulumi you akakwacibwa kudi bena Yuda, uxexipibwa kudibo, mo nakalwa yi masalai, yi nakamupaula, bwalo bunakakwombwa ene, udi muna Loma.

²⁸ Binakapalala kulubukwa bwalo bwamamusanyabo, nakamupwesa mu kikokye kiabo ;

²⁹ unakasafiana amasanyibwa ku malo a bwadi bwabo, kaninga kiena yi bwalo bwamamubakibwa bwalelekyela yi ndo lufu ndo lukanu.

³⁰ Mo papungwebexebwa ene, baxekwela mwamulumi ndambu, napumutuma kudi mangwoso, yi namatôyela kabidi bantu bamwasanya, ene, batôyi ku mpala ebe dia malo amakwencayi.

³¹ Mbwôso masalai akangata Paulu bea biakabambidibwa, yi bakamu-cwala ku butuku ku Antipatili,

³² yi ku diba dia mankyelo bakaxiya bena tubala bayi yinanci, yi bakapifiana ku lumbu lwa masalai.

³³ Yiba lolo, pakafikabo ku Kyesalia, baka-longola mukanda kudi mulopwe, yi bakateka kabidi Paulu ku mpala anci.

³⁴ Pakamanayi kubala aka-kwapangusa pa mbata anci, yi paka-lembetelayi ene, udi muna Kilikia,

³⁵ akatôya ene, Nakwombwa bwalo bwebe papulwa bantu bakwasanya kabidi. Yi akatôya ene, anamibwi mu kimana kia Elodo.