MAKISA 18 - Disambi Dipyadipya

¹ KUNYUMA kwa bintu bebi kwakancukayi ku Atene, yi akalwa ku Kolinti.

² Yi akasañana muna Yuda dina dienci ene, Akwila, muna Ponto, akadi amalwa mankyelonkyelo ku Italia yi Pilisikila mukasanci, (bwalo bwakatôyela Kolôdyo bena Yuda boso ene, bancuki mu Loma) ; yi akalwa kwabo ;

³ yi bwalo bwakadiyi yinabo mudimo umoumwe ndo bwakasalayi yinabo yi bakakwenca. Bwalo bwakadibo yi mudimo ă bapangi ba ncibo ya mbuxa.

⁴ Yi akakwambila mu kixingidilu ku sabado mwoso, yi akakwetabuxisa yi bena Yuda yi bena Ngiliki.

⁵ Mo pakapweka Silasa yi Timoteo ku Makyedonia, Paulu akakixixibwa ku diyi, akasakolela bena Yuda ene, Yisu udi Kalistu.

⁶ Kaninga pakanyañanabo biabo yi pakatangolabo mietangu, yei akakupulula bilamba bienci, yi akabambila ene, Maxi enu akali kulu kwa micwe yenu ; meme namasuwa ; pôi nkyekyu nakuya kudi mabiia.

⁷ Yi akancuka koku yi akabwela munda mwa ncibo a muntu dina dienci ene, Yustu, muxingidi a Ncembi, akadi yi ncibo anci amabakama yi kixingidilu.

⁸ Yi Kilisipo, munami a kixingidilu akakwetabuxila Fumu yi bungi bwa ncibo anci ; yi bena Kolinti bangi, pakakwombwabo, bakakwetabusa, yi bakanumeyebwa.

⁹ Yi Fumu akatoyela Paulu ku dilu ku butuku ene, Kudni, kate tôya, kupudikidi ;

¹⁰ bwalo buntani meme yinebe, yi muntu kanakusangila ndo kukutatisa ; bwalo buntani yi bantu bangi mu bula bobu.

¹¹ Yi akakala koku mbula muncima yi ngondo isambomo, udi mu kweyesa eyesa diyi dia Ncembi kudibo.

¹² Mo pakakala Ngalio mulopwe munene a Akaya, bena Yuda bakakwombuluka yi lukanyi lumolumwe bwalo bwa Paulu, yi bakamucwala ku kisambolelu

¹³ ene, You muntu axingidisa bantu Ncembi munga muxingidilu utena ă bwadi.

¹⁴ Ka ninga paxedipuia Paulu musuku ănci, Ngalio akatoyela bena Yuda ene, Ximbi bwalo bwapwakala bwa bubi, ndo bwa kwona kubi, nonu bena Yuda, nxenwombwela ku bwalo bwa nkwami ;

¹⁵ mo ndo bwaio butani miapangusu ya meyi, yi mena, yi bwadi bwenu, nubudingili mikyenu ; meme kisoli kwakaia musambodi a maio aa.

¹⁶ Yi akabapiya ku kisambolelu.

¹⁷ Yi bakakwata Sostene bo-a-bwoso, munami a kixingidilu yi bakamukuma buxi bwa kisambolelu Yi Ngalio akadi kasodinyingisa dia bintu bebi pô.

¹⁸ Yi Paulu, pakadi amasala matuku mangi kunyuma, akaxiya bakunyi, yi akancuka koku lwa kibusu kuya ku Silia, yi Pilisikila yi Akwila yinand, pakadi amakulula mucwe ănd mu Kyenkyelea, bwalo bwakakalayi yi kiteyi.

¹⁹ Yi bakalwa ku Efeso, yi akabaxiya koku ; mo mikyenci akabwela mu kixingidilu yi akakwambilañana yi bena Yuda.

²⁰ Yi pakamulombabo asali kikondo, akanyañana,

²¹ kate pakabaxiyayi, akatôya, ene, Nakupiñana kabidi kunudi ndo Ncembi ananga ; yi akancuka ku Efeso lwa kibusu

²² Pakasabukayi ku Kyesalia akaximuna kuya ela kikokye môyo, yi akapweka ku Antioko.

²³ Yi pakadi amamana kikondo koku, akancuka, yi akatanga mbata ya Ngalatia yi Filingia ku bula ku bula, udi mu kukolesa bungi bwa beyi.

²⁴ Yi munga muna Yuda akalwa ku Efeso, dina dienci ene, Apolo, muna Alesandalia, mulubukwi a bwinu, akadi yi ngulu mingi mu mikanda ya Ncembi.

²⁵ You muntu akakweyexebwa mu ncila a Fumu ; yi bwalo bwakakalayi yi mucima mungi, akatôya yi akakweyesa mambi a Yisu bikyebikye, akadi amalubukwa kunumeya kwa Yoano kutupu ;

²⁶ yi akabanga kutôya yi mucima mu kixingidilu. Mo pakamwombwa Pilisikila yi Akwila, bakamwangata kwabo yi bakamusakolela ncila a Ncembi dyendeli.

²⁷ Yi pakakyebayi kuya ku Akaya, bakunyi bakamuxindikisa yi bakafundila beyi dia kumwangata ; yi pakadi amafika akabakwacisa kungi bamakwetabusa bwalo bwa lwoxixi ;

²⁸ bwalo bwakatongolayi bena Yuda yi ngulu mingi ku meso a bantu, akakwebesa ku mikanda ya Ncembi ene, Yisu udi Kalistu.