LUKA 8 - Disambi Dipyadipya

¹ YI kunyuma kwakatanga tangayi mala ndo manene ndo mabende, udi mu kwambila bantu yi kucwala losangu lunengela lwa bufumu bwa Ncembi. Yi beyi disangi yi babidi bakadi yinanci,

² yi banga babakaxi bakapandixibwa bidimu bibi yi mabombu ; Mali akabikidibwa ene, Mangadalene, akapauka bidimu bibi sambwali munda mwanci,

³ yi Yoano mukasa a Cusa, nkôngôlo a Elodo, yi Susana, yi banga babakaxi bangi bakamusadila yi madidi abo.

⁴ Yi pakasangila kimbukuma kinene, yi bena bula bwoso bakasangañana kuya kudiyi, akatôya ku mwele ene,

⁵ Mukuni akaya kuna mitongu yenci ; yi pakakunayi, minga yakapona pa ncila yi yakanyacibwa muxi mwa makasa a bantu, yi nyonyi ya kulu yakalwa yidya nya.

⁶ Yi minga yakapona kulu kwa lubwe ; yi pakadi yamamena yakakwoma bwalo bwakasakayo yi mai.

⁷ Yi minga yakapona pakacikaci pa mieba, yi mieba yakalunda yinayo, yi yakayifina.

⁸ Yi minga yakapona mu loboko lunengela yakamena yi yakalelañana nkama nkama. Yi pakatôyayi bintu bebi, akakwamena ene, You udi yi macu a kwombwa, aombwi.

⁹ Yi beyi banci bakamwapangusa ene, Mwele ou udi beci ?

¹⁰ Yi akatôya ene, Kwamanupebwa nonu ndo kulubukwa malo masokoka a bufumu bwa Ncembi, mo kudi banga bantu ku miele ; mbwôso pa kumona kabaxemona, yi pa kwombwa, kabaxelembetela.

¹¹ Kaninga mwele kaou. Mitongu idi diyi dia Ncembi.

¹² Mo yei idi pa ncila idi bantu i bamakwombwa ; kunyuma kulolwa diabolo yi diamancula diyi mu mucima ăbo bitaxekwetabusalo ndo kupandixibwa.

¹³ Yi yei idi ku lubwe idi bantu baba bangata diyi yi kiango pombombwabo ; yi baba noku kabena yi dicina, bamakwetabusa kakondo kabende, yi ku kikondo kia kwelekyexebwa bamasaluka.

¹⁴ Yei lolo yakapona pakacikaci pa mieba, kayei idi bantu bamakwombwa, yi biendendabo, bamalwa finibwa muxi mwa maxitu, yi madidi, yi biango bia môyo ou, yi kabasopya dyendeli.

¹⁵ Kaninga yei mu loboko lunengela, kayei idi bantu bamabamba diyi diombombwabo, mu mucima ă nkwami yi unengela, yi belelafiana yi bwika.

¹⁶ Kakuna muntu umoumwe amanamika mwinda unauncibika muxi mwa lusala, ndo unauteka muxi mwa ntangi kumoni, kate unauteka kulu kwa muci ă mwinda bixemonabo obo babwela munda.

¹⁷ Bwalo butenako kintu kioso kisokoka kinakala kakisomoneka ololwo, ndo bwalo bwa bwisa kumoni, bunakala kabusolubukibwa yi kabusolwa ku obo.

¹⁸ Mbwôso nutebeli munwombombwa ; bwalo bwa muntu mwoso apwangata, unapebwa bintu ; yi muntu mwoso utasoangata, unancudibwa isanga bintu biencencayi ene, Napwangata.

¹⁹ Yi mamanci yi bakunyi banci bakalwa kudiyi, yi bakadi kabasolubukwa kufika kudiyi bwalo bwa bantu bangi.

²⁰ Yi bakamwambila ene, Mabebe yi bakunyi bebe badi mu kwemana kunci, bakyeba kukumona.

²¹ Mo yei akapingasa yi akabambila ene, Mamami yi bakunyi bamene badi bantu baba bombombwa diyi dia Ncembi yi badiencenca.

²² Yi ku dinga dituku papa noku kwakakondelayi mu kibusu, mikyenci yi beyi banci ; yi akabatôyela ene, Tusabuki ku dixia dia yikwa dia kitelenena ; yi bakancuka ku mbongo.

²³ Yi pakayabo, yei akalala tulu ; yi ngiembi yakapweka mangwoso ku kitelenena, yi kibusu kiakadi kitanakwolubixibwa mai, yi baxefwa.

²⁴ Yi bakalwa kudiyi yi bakamubisa ene, Fumu, Fumu, tutanafwa. Mo yei akabika, akakama lupepele yi diputo dia diele ; yi biakalekyela, yi biakadi polo tebai.

²⁵ Yi akabatôycla cnc, Kwetabusa kwenu kudi kupai ? Yi bobo bakacina, yi bakakama kama, yi bakakwambilafiana ene, Ñani lolo muntu you ambila isanga mpepele yi mai, yi biamamwedeya ?

²⁶ Yi bakafika mu mbata a BaNgelasa udi ku mpala a Ngalili.

²⁷ Yi pakadi amasabuka ku mbata, mwamulumi a ku bula akapomana yinanci akadi yi bidimu bibi kikondo kingi ; yi akadi kasolata, yi akadi kasoakala mu ncibo, kate mu kidi kia nkita.

²⁸ Mo pakamonayi Yisu, akakwamena diyi yi akapona paxi ku mpala anci, yi akatôya yi diyi dikola ene, Ndi yinebe bwalo kai, Yisu Mwana a Ncembi you adika kulu ? Nkwalomba, kungutatixi.

²⁹ Bwalo bwakalangayi kidimu kia mbindu kiapauki munda mwa muntu you. Bwalo bwakamunyengakio kikondo kingi ; yi akadi amasukibwa yi amabumbibwa yi nkanu yi bipiko ku makasa ; yi akatula nkanu tu, yi akakwapacibwa kudi kidimu kibi mu mbata a kanana.

³⁰ Yi Yisu akamwapangusa ene, Dina diebe didi ñani ? Yei ene, Kibumbu ; bwalo bwakamamubwela bidimu bingi munda mwanci.

³¹ Yi biakamubondabonda ene, Yei kabilangi dia kuncuka ku dina kibi.

³² Yi koku kwakadi kibumbu kia ngulubi ya mbuxi mingi mingi idi mu kudya kulu kwa lupongo, yi biakamubondabonda abilekyeli biabweli munda mwayo. Yi akabilekyela.

³³ Yi bidimu bibi biakapauka munda mwa muntu, biakabwela mu ngulubi ya mbuxi ; yi kibumbu kiakatuka mbilu kwa ku mpulumuku, munda mwa kitelefiena, yi yakafwa mu mai.

³⁴ Yi bobo bakayidisa, pa kumona kipoma kiakapona, bakacina yi bakakwambila bantu mu bula yi ku mbata.

³⁵ Yi bakabatuka kuya mona kipoma kieki ; yi bakalwa kudi Yisu, yi bakasafiana muntu you akapauka bidimu bibi munda mwanci, udi mu kuxikama ku makasa a Yisu, udi yi bilamba, yi lukanyi lwa loko ; yi bakacina.

³⁶ Bobo lolo bakamona bakabambila mwakapandixibwa muntu akakwacibwa kudi bidimu bibi.

³⁷ Yi bungi bwa bantu ba ku mbata a BaNgelasa koku bakamulomba ancuki kudibo, bwalo bwakakwacibwabo yi bowa bungi ; yl akabwela mu klbusu yl akaplfiana.

³⁸ Kaninga mwamulumi akapauka bidimu bibi munda mwanci akamulomba bixesangilayi yinanci. Mo yei akamuncula ene,

³⁹ Pifiana ku ncibo ebe, ubambili dia bintu binene biamakwencela Ncembi. Yi akancuka yi akakwambila mu bungi bwa bula dia bintu binene biakamwencela Yisu.

⁴⁰ Yi pakapinana Yisu, kimbukuma kiakamuxekyelela, bwalo bwakamudingidilabo bungi bwabo.

⁴¹ Yi mona, mwamulumi akalwa, dina dienci ene, Yailusu, akadi fumu a kixingidilu ; yi akapona ku makasa a Yisu yi akamubonda bonda ene, alwi ku ncibo anci ;

⁴² bwalo bwakadiyi yi mwananci a ditôi a babakaxi, udi yi mbula yenci bea disangi yi ibidi, utanalanda kufwa. Yi pakayayi, bimbukuma bia bantu biakamufina.

⁴³ Yi mwamukaxi akatata kusama kutanancuka ncuka maxi mbula disangi yi ibidi, yi akadi amamana bima bienci bioso kudi bananga, yi akadi kabiyi kupandixibwa kudi muntu mwoso,

⁴⁴ akalwa kunyuma kwanci, yi akabaka kianca ku mwombangi ă kifunda kienci ; yi kuncuka kwa maxi anci kwakalekyela mangwoso.

⁴⁵ Yi Yisu akatôya ene, Ñani apungubaka kianca ? Mo pakanyañana bungi bwabo, Pita akatôya, yi bobo bakadi yinanci, ene, Fumu, bimbukuma biamakufina yi biamakunyaka.

⁴⁶ Yi Yisu ene, Muntu apungubaka kianca, bwalo bunapulubukwa meme ene, ngulu yamancuka kundi.

⁴⁷ Yi pakalubukwa mwamukaxi ene, kiena musokoka, akalwa udi mu kulukuta lukomba, yi akapona ku mpala anci, yi akasakola ku mpala a bantu boso bwalo bwakamubakayi kianca ; yi mwakapandixibwayi mangwoso.

⁴⁸ Yi yei akamwambila ene, Mwana, kwetabusa kwebe kwapukupandisa ; yaka polo.

⁴⁹ Pakadi ukiatôya, muntu akalwa kwa fumu a kixingidilu akatôya ene, Mwanebe amafwa, kunyingixi Mweyexi.

⁵⁰ Mo Yisu pakakwombwayi, akamupingasa ene, Kucini, mo etabusa, yi unapandixibwa.

⁵¹ Yi pakafikayi ku ncibo, akadi kasobwesa munga muntu mwoso yinanci utena Pita yi Yoano yi Yakobo, yi mwana tetenci yi mamanci.

⁵² Yi bungi bwa bantu bakadi mu kuncula masonci yi kumudidila bidilu. Mo yei ene, Kanudidi, bwalo butenayi mufu, kate amalala tulu.

⁵³ Yi bakamukyeca, bwalo bwakalubukwabo ene, amafwa.

⁵⁴ Kaninga yei akakwata kianca kienci, yi akakwamena ene, Muxika, bika.

⁵⁵ Yi kidimu kienci kiakapinana, yi akakwemana mangwoso ; yi yei akatôya ene, bamupi kintu kia kudya.

⁵⁶ Yi tetenci yi mamanci bakakama kama ; kaninga akabalanga ene, kabambidi muntu mwoso dia kipoma kieki.