LUKA 3 - Disambi Dipyadipya

¹ YI ku mbula a disangi yi itano a bufumu bwa Kyesa Tibelio, ku kikondo kiakadi Pontio Pilata mulopwe a Yudiya, yi Elodo Tetelaka a Ngalili, yi Filipi mwakunyenci Tetelaka a mbata a Itulea yi a Takoniti, yi Lusania Tetelaka a Abilene,

² ku kikondo kia bubokanda bwa Anasa yi bwa Kayafa, kwakalwa diyi dia Ncembi kudi Yoano, mwana a Sakalia, mu mbata a kisobe.

³ Yi akalwa ku bungi bwa mbata udi pepe yi Yôdana, udi mu kwambila bantu dia kunumeyebwa kwa kudibela, ku kulekyelebwa kwa mabi ;

⁴ bea biamafundibwa mu mukanda ă meyi a Esaya mudimuxi ene, Diyi dia muntu adila mu mbata a kisobe ene, Nulungiki ncila a Fumu, nuxembeyi bidikilu bienci swi.

⁵ Kibetibeti kioso kinakwolubixibwa, yi kipongopongo kioso yi lupongo lwoso binapwexebwa, yi makoko anakala miexembekyeli, yi miembomboko yinalwangwasanibwa,

⁶ yi munyu mwoso unamona kipandilu kia Ncembi.

⁷ Mbwôso akakwambila bimbukuma bia bantu bakabatuka kuya numeyebwa kudiyi ene, Bana ba nyoka, ñani amanudimusa ene, Nucini bisusu bilolwa ?

⁸ Mbwôso nukami mamoma alelekyela yi kudibela ; yi kanubangi kuditôyela munda ene, Coco tudi yi Abalami ku tetecu ; bwalo bunwatôyela ene, Ncembi ubili kubixila Abalami bana kudi mabwe aa.

⁹ Isanga nkyekyu soka amatekyebwa ku dicina dia mici ; mbwôso muci mwoso utasokama mamoma anengela ămaxindibwa, amakwelebwa lolo mu mudilu.

¹⁰ Yi bimbukuma bia bantu bakamwapangusa ene, Coco lolo tuxekwenca beci ?

¹¹ Yei akapingasa yi akabambila ene, You udi yi micwala ibidi api you udi kanana ; yi you udi yi bidya, aenci nako kabidi.

¹² Yi basangi ba milambu bakaiwa kabidi kuiwa numeyebwa, yi bakamwambila ene, Mweyexi, coco tuxekwenca beci ?

¹³ Yi akabambila ene, Kanudiki lwedi iwa milambu kusanga iwamanwambidibwa.

¹⁴ Yi masalai akamwapangusa kabidi ene, Yi coco, coco tuxekwenca kai ? Yi akabambila ene, Kanunyengi muntu mwoso ; yi kanudimbididi muntu mwoso ; yi micima yenu yabakami bwalo bwa mafuto enu.

¹⁵ Mo pakadi bantu badi mu kudingila, yi bungi bwabo badi mu kwelafiana nkanyi mu micima yabo bwalo bwa Yoano, ndo ambeci udi Kalistu,

¹⁶ Yoano akapingasa yi akabambila bungi bwabo ene, Meme nwanumeya sôsôlwo yi mai, kaninga you ulolwa ungwadika meme ngulu, untasolelekyela yi kusula muxinga ă sabato yenci ; kayou unanunumeya yi Mwoxixi a babala yi mudilu ;

¹⁷ udi yi kipumbuxilu kienci mu kianca kienci, yi unakupulula kixengelu kienci dyendeli paxi ; unasanga lolo muxekye ănci mu kibumbilu kienci, mo unakwosa mangu mudilu utasoncimibwa.

¹⁸ Mbwôso akakwambila bantu losangu lunengela yi kubonda bonda kwa manga malo mangi.

¹⁹ Kaninga Elodo, Tetelaka, akakamibwa makamu kudiyi bwalo bwa Elodiasa, mukasa a mwakunyenci, yi bwalo bwa malo moso mabi akakwenca Elodo,

²⁰ akabodeya bunga bwalo kulu, bwalo bwakakwelayi Yoano mu ncibo a lukanu.

²¹ Yi pakadi bungi bwa bantu bamanumeyebwa, yi pakadi Yisu kabidi amanumeyebwa, yei akadi mu kulomba, yi diulu diakadipudibwa,

²² yi Mwoxixi a babala akapweka kulu kwanci yi mwocindu ă mumbidi, bea kimbenga ; yi diyi diakalwa ku diulu ene, Owe udi Mwanami munangibwi ; kudi owe ndo kunamaxekyelela.

²³ Yi Yisu mikyend, pakabangayi, akadl yi lwedi lwa bea mbula masangl asatu, yi bakamwenca ene, udl mwana a Yosefe, mwana a Eli,

²⁴ mwana a Matata, mwana a Lebi, mwana a Meleki, mwana a Yana, mwana a Yosefe,

²⁵ mwana a Matatiasa, mwana a Amoso, mwana a Naumu, mwana a Eseli, mwana a Nangai,

²⁶ mwana a Mata, mwana a Matatiasa, mwana a Semei, mwana a Yosekye, mwana a Yoda,

²⁷ mwana a Yoañana, mwana a Lesa, mwana a Selubabele, mwana a Salatiele, mwana a Neli,

²⁸ mwana a Meleki, mwana a Adi, mwana a Kosama, mwana a Elemadama, mwana a Ele,

²⁹ mwana a Yose, mwana a Eliesa, mwana a Yolini, mwana a Matata, mwana a Lebi,

³⁰ mwana a Ximeono, mwana a Yuda, mwana a Yosefe, mwana a Yonama, mwana a Eliakimi,

³¹ mwana a Melea, mwana a Mena, mwana a Matata, mwana a Natana, mwana a Dafidi,

³² mwana a Yese, mwana a Obede, mwana a Boasa, mwana a Salamono, mwana a Nasono,

³³ mwana a Aminadaba, mwana a Alama, mwana a Eselono, mwana a Pelese, mwana a Yuda,

³⁴ mwana a Yakobo, mwana a Isaka, mwana a Abalami, mwana a Tela, mwana a Naolo,

³⁵ mwana a Selungu, mwana a Leu, mwana a Pelenge, mwana a Ebele, mwana a Xela,

³⁶ mwana a Kyenana, mwana a Afakasada, mwana a Xeme, mwana a Noa, mwana a Lamekye,

³⁷ mwana a Metusela, mwana a Enoko, mwana a Yalede, mwana a Malalele, mwana a Kyenana,

³⁸ mwana a Enoxo, mwana a Sete, mwana a Adami, mwana a Ncembi.