LUKA 22 - Disambi Dipyadipya

¹ KITULA lolo kiakakokyela pepe kia mampa atena kiolubixulu, kiamabikidibwa ene, Kidikixilu.

² Yi makanda manene yi bafundi ba mikanda bakapalala muxemuxipabo ; bwalo bwakacinabo bantu.

³ Yi Satana akabwela munda mwa Yudaxi, akabikidibwa ene, Ixikalioto, akadi muntu a disangi yi babidi.

⁴ Yei akancuka yi akakwambila yi makanda manene yi tupalai muxemulongolayi kudibo.

⁵ Yi bakaxekyelela, yi bakasambikañana disambi dia kumupa mpalata.

⁶ Yi yei akakwetabusa, yi akapalala kipoma kia kumulongola kudibo ku kikondo kixeakala bantu kabenako.

⁷ Yi dituku diakafika dia mampa atena kiolubbdlu, dixexipibwa nyama ya Kidikixilu.

⁸ Yi akatuma Pita yi Yoano ene, Nuyi tulungikila Kidikixilu bituxedya.

⁹ Mo bakamutôyela ene, Wananga kidi kai kituxekulungikila koku ?

¹⁰ Yi akabatôyela, ene, Mona, panunabwela mu bula, muntu unapomana yinenu udi mu kucwala dibungu dia mai ; numulandi mu ncibo mwabwelayi.

¹¹ Yi nunatôyela fumu a ncibo ene, Mweyexi ukwatôyela ene, Ncibo a benyi udi kupai kunadya Kidikixilu yi beyi bamene ?

¹² Yi yei unanwebesa ncibo munene a kulu mulungika ; nulungiki momu noku.

¹³ Yi bakaya yi bakasañana bea biakabatôyelayi ; yi bakalungika Kidikbdlu.

¹⁴ Yi pakalwa ola, akaxikama yi batumibwi yinanci.

¹⁵ Yi akabatôyela ene, Namakyeba kudya Kidikiiilu kieki yinenu kukyeba kungi buxi bwa kutata.

¹⁶ Bwalo bunwatôyela ene, Kinakidya kabidi pô, binafikixibwakio mu bufumu bwa Ncembi.

¹⁷ Yi akangata mpamba, yi pakadi amaxinga biloba akatôya ene, Nwangati mpamba you, nwabanyañani mikyenu.

¹⁸ Bwalo bunwatôyela ene, Kinanwa mamona a finyo pô pôi nkyekyu, pôi kikondo kinalwa bufumu bwa Ncembi.

¹⁹ Yi akangata dimpa, yi pakadi amaxinga biloba akadinyowa, yi akabalongola ene, Dedi ndo mumbidi imene ămanupelebwa ; nwenci nako ndo kungwela nkanyi.

²⁰ Yi mo nako kabidi mpamba pakadi bamamana kidilu kudya, ene, Mpamba you udi disambi dipyadipya mu maxi amene, amancudibwa ku micwe yenu.

²¹ Kaninga mona, kianca kia you ungwengenga kidi yinami ku mesa.

²² Bwalo buyeya Mwana a Muntu sôsôlwo bea biamalungikibwa, kaninga mpeya kudi muntu you amakwengebwayi kudiyi.

²³ Yi bakabanga kwapangusañana dia ñani udi yinabo uxekwenca nako.

²⁴ Yi mbata kabidi akakwelexebwa kudibo dia ñani yinabo uxebikidibwa ene, munene.

²⁵ Mo akabatôyela ene, Bafumu ba mabila badi yi bufumu kulu kwabo, yi bobo badi yi bumanya kulu kwabo bamabikidibwa ene, Balwangwasani.

²⁶ Mo nonu kanunakala noku ; kate you adika munene yinenu akali bea luna mwamuki, yi mwamukulu akali bea luna you asadila bena kwanci.

²⁷ Ñani adika munene, you axikama ku mesa ndo you asadila mesa ? Ka you axikama ku mesa ? Mo meme ndi pakacikaci penu bea you unwasadila.

²⁸ Mo nonu nudi bobo bamaxina yinami mu bielekyexelu biamene.

²⁹ Yi meme nwalungikila bufumu, bea biamangulungikila Tetemi bufumu,

³⁰ binuxedya yi binuxenwa nonu yinami ku mesa amene mu bufumu bwamene ; yi nunaxikama ku nkwasa, basambodi kusambola malungu a Isalele disangi yi abidi.

³¹ Ximono, Ximono, mona, Satana amalomba dia kunwangata ndo kunwesa luna biesesabo masangu ;

³² mo meme namakulombela owe, bitaxepwangwa kwetabusa kwebe ; yi owe, panakala wamapinana kabidi, ukolesi bakunyi bebe.

³³ Yi akamwambila ene, Fumu, ndo kuya yinebe, namananga kuya yi ku lukanu yi ku lufu.

³⁴ Yi akamwambila ene, Nkwatôyela Pita, ene, Ntala kanakwela diyi ku lelo you, buxi bunanyañana owe manyañana asatu dia kungulubukwa.

³⁵ Yi akabatôyela ene, Panakanutuma kutena nkonka, yi kutena mwosokye, yi kutena makaka, nwakasaka yi kintu kioso ? Bobo ene, Kañana.

³⁶ Yi akabambila ene, Kate nkyekyu, you udi yi nkonka amucwali yinanci, yi mo nako kabidi mwosokye ; yi you udi makaci matupu, aodisi kilamba kienci, aoli mwele.

³⁷ Bwalo bunwatôyela ene, Diyi dedi diamafundibwa dixefikixibwa mu bwalo bwamene, ene, Akabadibwa yi boni ; bwalo bunakala diyi dioso yi kifikilu ku bwalo bwamene.

³⁸ Yi bakatôya ene, Fumu, mona, kunu kudi miele ibidi. Yi akabambila ene, Kwamakuka.

³⁹ Yi akabatuka yi akaya bea biakadi mwosambu ănci ku lupongo lwa Olife, yi beyi kabidi bakamulandudila.

⁴⁰ Yi pakadi utani ku kidi, akabatôyela ene, Nulombi binutaxebwela mu kielekyexelu.

⁴¹ Yi akanamuka kudibo bea lwedi lubili muntu kwela dibwe, yi akakonya binu paxi yi akalomba

⁴² ene, Tete, ndo wananga, ncula mpamba you kundi ; kaninga kumoni nyinga yamene kate yebe yikixibwi.

⁴³ Yi mwangele akamoneka kudiyi a mu diulu udi mu kumukolesa.

⁴⁴ Yi bwalo bwakadiyi yi kipekye kingi ku mucima ănci akalomba kulomba kungi. Yi kiya kienci kiakamata bea luna mampumpu manene a maxi adi mu kupona pa loboko.

⁴⁵ Yi pakakwemanayi ku kulomba kwanci, pakalwayi kudi beyi banci, yi akabasañana badi mu tulu bwalo bwa buxitu.

⁴⁶ Yi akabambila ene, Nwalala tulu kukai ? Nwombuluki, nulombi, binutaxebwela mu kielekyexelu.

⁴⁷ Pakadi ukiatôya, mona, kibumbu kia bantu, yi you abikidibwa ene, Yudaxi, muna disangi yi babidi, akaya ku buxi bwabo ; yi akakokyela pepe yi Yisu ndo kumunyita.

⁴⁸ Yi Yisu akamutôyela ene, Yudaxi, wengenga Mwana a Muntu yi kunyita ?

⁴⁹ Yi bobo bakamudinga, pakamonabo bwalo buxepona, bakatôya ene, Fumu, tukumi mwele ?

⁵⁰ Yi muntu umoumwe yinabo akakuma musadi a bokanda bunene yi akaxaka dicu dienci dia kidyo.

⁵¹ Mo Yisu akakulumuna ene, Nulekyeli, ngwenci noku. Yi akabaka dicu dienci kianca yi akamupandisa.

⁵² Yi Yisu akatôyela makanda manene yi tupitene twa tempelo yi babakulu bakalwa tanda yinanci ene, Nonu nwamabatuka byaka bea kutanda yi musanci yi miele yi mici ?

⁵³ Panakadi yinenu ku dituku ku dituku mu tempelo, nwakadi kanusoxombola bianca bienu ndo kungukwata ; kate nkyekyu kudi ola enu, yi bumanya bwa mwedima.

⁵⁴ Yi bakamukwata yi bakamuncula yi bakamufikisa ku ncibo a bokanda bunene. Yi Pita akalanda kulekule.

⁵⁵ Pakadi bamanamika mudilu pakacikaci pa lumbu yi bamaxikama kidi kimokimwe, Pita akaxikama pakacikaci pabo.

⁵⁶ Yi muxika akamumona pakaxikamayi ku obo, yi akamudingila sosonyi, yi akatôya ene, You muntu kabidi akadi yinanci.

⁵⁷ Mo yei akakwaba mwabu ene, Mwamukaxi, kisomulubukwa.

⁵⁸ Yi kunyuma kwa kakondo kabende munga akamumona, yi akatôya ene, Owe udi muna bantu baba. Mo Pita akatôya ene, Mwamulumi, kiena noku pô.

⁵⁹ Yi pakadika lwedi lwa ola umoumwe, munga muntu akatôya yi ngulu ene, Sôsôlwo you akadi yinanci kabidi, bwalo budiyi muna Ngalili.

⁶⁰ Mo Pita akatoya ene, Mwamulumi, kisolubukwa mwatôya. Yi pakadi ukiatôya, ntala akakwela diyi mangwoso.

⁶¹ Yi Fumu akakulumuka yi akatebela Pita. Yi Pita akakwela diyi dia Fumu lukanyi mwakamutôyelayi ene, Buxi bunakwela ntala diyi lelo, bunangunyañana manyañana asatu.

⁶² Pita lolo akabatuka kunci yi akadila kungi.

⁶³ Yi babalumi bakabamba Yisu bakamukyeca yi bakamukuma.

⁶⁴ Yi bakamuncibika kitambala ku meso yi bakamwapangusa ene, Dimusa ; ñani you apukukuma ?

⁶⁵ Yi bakamutôyela minga mietangu mingi ndo kumutangola.

⁶⁶ Yi pakadi butuku bwamakya, pakasangilañana kikokye kia babakulu ba bantu, yi makanda manene yi bafundi ba mikanda ; yi bakamufikisa ku kikokye kiabo ene,

⁶⁷ Ndo Owe udi Kalistu, utwambili. Mo akabatôyela ene, Ndo nakunwambila kanunakwetabusa ;

⁶⁸ yi ndo nxenwapangusa, kanunangupingasa diyi.

⁶⁹ Mo pôi nkyekyu panaxikama Mwana a Muntu ku kidyo kia ngulu ya Ncembi.

⁷⁰ Yi bakatôya bungi bwabo ene, Owe lolo udi Mwana a Ncembi ? Yi akabambila ene, Nonu nwatôya ; meme ngwakala noku.

⁷¹ Bobo ene, Tuxepalala munga ntôbô kukai ? Bwalo butwamakwombwa mikyecu ku musuku ănci.