LUKA 15 - Disambi Dipyadipya

¹ YI basangi ba milambu boso yi boni bakadi mu kulwa lwa lwa pepe yinanci ndo kumwombwa.

² Yi baFalaxi yi bafundi ba mikanda bakapindufa ene, You muntu ndo angata boni yi kiango yi udedya yinabo.

³ Yi akabatôyela mwele ou ene,

⁴ Muntu kai udi yinenu udi yi nkama a mikwakwa yi amancimisa umoumwe, utasoxiya mikwakwa masangi dibwa yi mikwakwa dibwa ku mbata a kisobe kuya palala ou ămabungwa biamausokololayi ?

⁵ Yi panakala amausokolola kawapeya kulu kwa makyepa anci udi mu kuxekyelela.

⁶ Yi panakala amafika ku ncibo anci kabikila bimbila bienci yi bena kwanci ene, Nuxekyeleli yinami, bwalo bunamasokolola mukwakwa ămene ăkabungwa.

⁷ Nwatôyela ene, mo nako kunakala kiango mu diulu bwalo bwa mwoni umoumwe amadibela, kiamadika kiango kia bena nkwami masangi dibwa yi dibwa batena yi bwalo kwa kudibela.

⁸ Yi mwamukăxi kai udiko, udi yi mpalata disangi yi amancimisa umoumwe, utasonamika mwinda, utasokomba ncibo, yi utasopalala bikyebikye binakala amamusokolola ?

⁹ Yi panakala amamusokolola, kabikila bimbila bienci yi bena kwanci ene, Nuxekyeleli yinami, bwalo bunamasokolola mpalata unakancimisa.

¹⁰ Mo nako, nwatôyeia ene, kiangp kidiko ku mpala a bangele ba Ncembi bwalo bwa mwoni umoumwe amadibela.

¹¹ Yi akatôya ene, Muntu umoumwe akadi yi bana babidi.

¹² Yi mwamuki abo akatôyela tetenci ene, Tete, mpi dikapa dia bima binxekita kunyuma. Yi akababanyila bima biakadi yinanci.

¹³ Yi kunyuma kwa matuku mabende, kwakasanga mwamuki you bintu bioso, yi akancuka kuya ku mbata kulekule ; yi akacakanisa bima bienci koku ku budibi bwoso.

¹⁴ Mo pakadi amamana bintu bioso pakalwa lukombo lwa ncala a bubi ku mbata you, yi akabanga kwayila.

¹⁵ Yi akaya sangila yi munga muna mbata you ; yi yei akamutuma ku bibidi bienci kuya disa ngulubi ya mbuxi.

¹⁶ Yi akakyeba kungi kudiokutisa difu dienci yi mbusu yakadya ngulubi ya mbuxi ; yi kakwakadi muntu umupapa kintu.

¹⁷ Yi pakakulumukayi ku mucima akatôya ene, Ki basadi badiko bangi ba tetemi bokuta yi bidya yi baxiya binga, yi meme ntanafwa yi ncala.

¹⁸ Nakwombuluka kuya kudi tetemi yi nakumwambila ene, Tete, namakwona ku mpala a diulu yi ku meso ebe ;

¹⁹ kisolelekyela kabidi yi kubikidibwa ene, mwanebe ; unguteki musadi luna bantu bebe ba mudimo.

²⁰ Yi akakwombuluka kulwa kudi tetenci. Mo pakadi ukidi kulekule, tetenci akamumona, yi akakwombwa mwengo ; yi akaya lubilu, akamupotamina, yi akamunyita nyita.

²¹ Yi mwana akamutôyela ene, Tete, namakwona ku mpala a diuiu yi ku meso ebe ; kisolelekyela yi kubikidibwa ene, mwanebe.

²² Kaninga tete akatôyela basadi banci ene, Nubatusi mwombonda ou ădika lwoxixi, numulatisiu ; nuteki pako kikyeta ku kianca kienci, yi makaka ku makasa anci ;

²³ yi nucwali kunu mwana a ñombi utwamalundisa munene, numuxipi ; tudi bidya lolo, yi tuxekyeleli.

²⁴ Bwalo bwakadi mwanami you mufu, yi amapinana yi môyo ; akancimina yi amasokololebwa. Yi bakabanga kuxekyelela.

²⁵ Yi mwananci a babakulu akadi mu kibidi ; yi pakalwayi yi pakadi amakokyela pepe yi ncibo, akakwombwa biombelu yi kusa kwa masa.

²⁶ Yi akabikila musadi a bena midimo, yi akamwapangusa dia bintu bebi.

²⁷ Yi akamutôyela ene, Mwakunyebe amalwa ; yi tetebe amaxipa mwana a ñombi munene, bwalo bwamamwangatayi ngengele ngengele yi loko.

²⁸ Kaninga akasamwa bituku, yi akanyafiana kubwela. Yi tetenci akaya kunci yi akamubonda bonda.

²⁹ Mo akapingasa yi akatôyela tetenci ene, Mona, namakusadila mbula yei noku mingi, yi kiaxipa mulangu ěbe mwoso ; yi owe kungupeli meme mwana a mbuxi pô binxexekyelela yi bimbila biamene ;

³⁰ kaninga papulwa you mwanebe, amadya bima biebe yi badibi, wapumuxipila mwana a fiombi munene.

³¹ Mo akamutôyela ene, Mwana, owe udi yinami matuku moso, yi bintu bioso bidi biamene bidi ndo biebe.

³² Kaninga kwapulelekyela ndo kuxekyelela yi kwakala yi kiango ; bwalo bwakafwa you mwakunyebe yi udi yi môyo ; akadi amancimina, yi amasokololebwa.