LUKA 14 - Disambi Dipyadipya

¹ YI pakabwelayi mu ncibo a muntu munene a baFalixi ku Sabado ndo kudya bidya, bobo bakadi mu kumutebela.

² Yi mona, muntu akadiko ku mpala anci akakwolubila mwona.

³ Yi Yisu akakwapangusa kudi beyexi ba bwadi yi kudi baFalixi ene, Kwalelekyela yi bwadi kupandisa ku Sabado sungu kumoni ?

⁴ Mo bakapudikila. Yi akamwangata yi akamupandisa yi akamulekyela.

⁵ Yi akabakulumuna ene, Ñani udi yinenu unakala yi ndo mpundu anci ndo nombi anci amapona mu didiba, yi kasomuncula mangwoso ku dituku dia Sabado ?

⁶ Yi bakadi kabasolubukwa kumupingaxila malo aa.

⁷ Yi akatôyela bantu mwele bakaswadibwa, pakamonayi mwakasungulabo nkwasa ya buxi, ene,

⁸ Panakala wamaswadibwa kudi muntu mwoso kudya bidya bia dibakwa, kuxikami ku kidi kia buxi, ximbi ambeci munga amakudika munene amaswadibwa kudiyi,

⁹ yi you amakuswala yinanci unalwa kutôyela ene, Xiyila you muntu kidi ; yi owe unabanga kupwekyelela yi bundu kuya ku kidi kia muxi.

¹⁰ Kate panakala wamaswadibwa, yaka ya xikami mu kidi kia muxi ; mbwôso palolwa you akakuswala, uxekutôyela ene, Kimbila, banda ku mukunci ; nako unakala yi kinemu ku mpala a bantu boso baxikama ku mesa yinebe.

¹¹ Bwalo bunapwexebwa muntu mwoso udiabandisa mikyenci ; yi you udiapwesa mikyenci unabandixibwa.

¹² Yi akatôyela muntu you akamuswala ene, Panalungika owe lubaki ndo lwa munyinya ndo lwa butuku, kubikidi bimbila biebe, ndo bena kwebe, ndo bilungu biebe, ndo bena bula badi yi madidi ; ximbi ambeci bobo kabidi baxekuswala biabo, yi uxesayidibwa nako.

¹³ Kate panalungika owe lubaki, swala bakombi yi bena bikomo yi bena bitumbi yi bafofo ;

¹⁴ yi owe unalwangwasanibwa ; bwalo butenabo yi sayi ya kukusayila ; yi unasayidibwa ku kwombuludibwa kwa bena nkwami.

¹⁵ Yi munga akaxikama ku mesa yinanci, pakakwombwayi bintu bebi akamwambila ene, Mulwangwasanibwi ndo you unadya bidya mu bufumu bwa Ncembi.

¹⁶ Mo akamutôyela ene, Muntu akalungika lubaki Iwa butuku lunene, yi akaswala bantu bangi.

¹⁷ Yi akatuma musadi anci ku kikondo kia lubaki, kuya ambila bantu bakaswadibwa ene, Nulwi, bwalo bwamapya bintu bioso nkyekyu.

¹⁸ Yi bakabanga kwela mwalo bungi bwabo ndongo. You a buxi akamutôyela ene, Napwola kibidi, yi ndi yi dibambu dia kuya kimona ; nkwalomba ungulekyeli.

¹⁹ Yi munga ene, Napwola nombi disangi, yi nceya yelekyesa ; nkwalomba ungu lekyeli.

²⁰ Yi munga ene, Napwangata mukasami dibakwa, mbwôso kibiyi kulwa.

²¹ Yi musadi you akalwa ambila fumwanci dia malo aa moso. Yi fumu a ncibo akadi yi bituku yi akatôyela musadi anci ene, Yaka mangwoso mu mielongo yi mu ncila ya bula, yi fikisa kunu bakombi yi bena bikomo yi bena bitumbi yi bafofo.

²² Yi musadi akatôya ene, Fumu, kwamakixibwa bea biaputôya, yi kidi kikiasala.

²³ Yi fumu akatôyela musadi ene, Yaka ku ncila ya mboma yi ku bimana ; yi ubabambi dibambu dia kubwela, bixekwolubixibwa ncibo amene.

²⁴ Bwalo bunwatôyela ene, kakuna umoumwe a bantu baba bakaswadibwa unakikisa lubaki lwamene.

²⁵ Yi bimbukuma binene bia bantu biakasangila yinanci ; yi akakulumuka yi akabatôyela ene,

²⁶ Ndo muntu mwoso ulolwa kundi, yi kasonyañana tetenci yi mamanci yi mukasanci, yi bana banci yi bakunyi banci yi bangasananci, ya, yi môyo ănci kabidi, kabiyi kwakala mweyi amene.

²⁷ Muntu mwoso utasokwombulula nkulusu anci mikyenci, Sutasongulandudila, kabiyi kwakamweyi amene.

²⁸ Ñani lolo udi yinenu amakyeba kwabaka kitangi utasoxikama buxi ndo kwela diso lukanyi, ndo udi yi bintu bia kukimana ?

²⁹ Ximbi ambeci panakala amakwabaka kibangolelu yi kabiyi kukimana, bantu boso bamakimona baxebanga kumukyeca

³⁰ ene, You muntu akabanga kwabaka, yi akadi kabiyi kumana.

³¹ Fumu kai lolo, ndo uyeya tanda yi munga fumu mbita, kasoxikama buxi ndo kwela lukanyi, ndo ubili yi bantu disangi dia nkone dimodimwe kupomana yi you ulolwa kulwa tanda yinanci, udi yi bantu masangi a nkone abidi ?

³² Yi ndo kumoni, mbwôso pakala you ukidi kulekule, unatuma lutui mu, yi unakwapangusa dia polo.

³³ Mbwôso mo nako muntu mwoso yinenu utasoxiya bintu bioso biapwangatayi, kasolubukwa kwakala mweyi amene.

³⁴ Mukyeli pako udi loko ; mo ndo isanga mukyeli ămasaluka, unacudibwa yi kai ?

³⁵ Kausolelekyela ndo kuteka mu kibidi, ndo ku dilundu ; mo bamawecikisa kunci. You udi yi macu a kwombwa, aombwi.