LUKA 13 - Disambi Dipyadipya

¹ KU kikondo kieki kwakadi bantu koku bakamwambila dia bena Ngalili, bakaputola Pilata maxi abo yi malongi abo mosa.

² Yi Yisu akabapingasa ene, Nonu nwencenca ene, bena Ngalili baba bakadika bena Ngalili boso yi kwona, bwalo bwakatatabo bintu bebi ?

³ Nwatôyela ene, Kañana ; kate ndo nonu kanusodibela, nunafwa bungi bwenu mo nako.

⁴ Yi bwalo bwa bantu baba disangi yi yenana, bakapona kitangi kia matafwadi kulu kwabo mu Siloama kiakabaxipa ; nonu nwencenca ene, bobo bakadika bantu boso bena mbata bakala mu Yelusaleme ?

⁵ Nwatôyela ene, Kañana ; kate ndo nonu kanusodibela, nunafwa bungi bwenu mo nako.

⁶ Yi akatôya mwele ou ene, Muntu akadi yi kikuyi kia maxika kiakai kunibwa mu klbidi kienci kia finyo ; yi akalwa palala mamoma kudikio, yi akadi kasoasañana pô.

⁷ Yi akatôyela munami a kibidi kia finyo ene, Mona, mbula isatu ndo yinamalwa palala mamoma ku muci ou ă kikuyi, yi kisoasafiana pô ; uxindi ; ămalengola loboko kabidi kukai ?

⁸ Kaninga yei akamupingasa ene, Fumu, ulekyeli mbula you kabidi binadima loboko padiu yi nakwela tufi ; yi ndo unakama mamoma, ndo beci ?

⁹ Kaninga ndo kumoni, kunyuma unauxinda paxi.

¹⁰ Yi akadi mu kweyesa mu kinga kixingidilu ku Sabado.

¹¹ Yi mona, mwamukaxi akadi yi kidimu kia bubombu mbula disangi yi mbula yenana, akalumbeyebwa kwe, yi akadi kasolubukwa kudisangola pô.

¹² Yi Yisu pakamumonayi akamubikila, yi akamutôyela ene, Mwamukaxi, wamalekyelebwa bubombu bwebe.

¹³ Yi akabaka bianca bienci kulu kwand ; yi akaxombolebwa mangwoso yi akatumbisa Ncembi.

¹⁴ Mo fumu a kidngidilu akadi yi bituku bwalo bwakapandisa Yisu ku Sabado, akapingasa yi akatôyela bantu ene, Matuku adiko asambomo axekisa bantu mudimo ; mbwôso nulwi pandixibwa ku matuku aa, yi kumoni ku dituku dia Sabado.

¹⁵ Mo Fumu akamupingasa yi akatôya ene, Bena mancanga ; ki muntu mwoso udi yinenu amasula fiombi anci ku Sabado, ndo mpundu anci ku kidilu, kuya muxiya ku mai ?

¹⁶ Ki lolo mwamukaxi you udi mwana a Abalami, amasuka Satana mbula yei disangi yi yenana, uxesudibwa musukilu ou ku dituku dia Sabado ?

¹⁷ Yi pakatôyayi bintu bebi, bungi bwabo bakatanda yinanci bakaxipibwa bundu ; yi kimbukuma kincimancima kiakaxekyeleia bwalo bwa makisa a dikai akakwencebwa kudiyi.

¹⁸ Mbwôso akatôya ene, Bufumu bwa Ncembi bwafwana kifiani ? Yi nakubwelekyesa yi luna kifiani ?

¹⁹ Bulexi yi luna mutongu ă mutadi ăkangata muntu ăkakwelayi mu kibidi kienci ; yi ăkalunda yi ăkalwa muci munene ; yi nyonyi ya kulu yakaxikama ku matamba anci.

²⁰ Yi akatôya kabidi ene, Nakwelekyesa bufumu bwa Ncembi yi luna kiñani ?

²¹ Bulexi yi kiolubixilu kiakangata mwamukaxi, kiakasokokayi mu ncedi isatu ya bukula biakakwolubixibwa bungi bwabu.

²² Yi akatanga mala yi tula tubende, udi mu kweyesa bantu yi mu kwenda lwa Yelusaleme.

²³ Yi muntu akamwapangusa ene, Fumu, bantu bapandixibwa badi babende ? Mo yei akabatôyela ene,

²⁴ Nufwilafiani ndo kubwela mu mbelo mubende, bwalo bunwatôyela ene, Bantu bangi banapalala kubwela munda yi kabanalubukwa pô.

²⁵ Panakala fumu a ncibo amabika yi amancibika mbelo bu, yi nonu nunabanga kwemana kunci yi kukwakwala ku lukuki ene, Fumu utudipudili ; yi yei unapingasa, unanutôyela ene, Kinubiyi kunwapulwa ;

²⁶ mbwôso nonu nunabanga kutôya ene, Twakadya yi twakanwa ku mpala ebe, yi Owe wakakweyesa mu ncila yecu.

²⁷ Yi yei unatôya ene, Nwatôyela ene, Kinubiyi kunwapulwa ; nuncuki kundi bungi bwenu badi bakixi ba bubi.

²⁸ Koku kunakala bidilu yi kukuya kwa meno, panunamona Abalami yi Isaka yi Yakobo yi bungi bwa badimuxi mu bufumu bwa Ncembi, mo nonu mikyenu nwamatenyekyebwa kunci.

²⁹ Yi banalwa kulolwa munyinya yi kuyeya munyinya, yi ku Nôdo yi ku Sudu, yi banaxikama ku bidya mu bufumu bwa Ncembi.

³⁰ Yi mona, banga bena nyuma banakala ku buxi, yi banga bena buxi ku nyuma.

³¹ Ku ola you kwakalwa banga baFalixi, bakamutôyela ene, Batuka, ncuka kunu, bwalo bwakyeba Elodo kukuxipa.

³² Yi akabatôyela ene, Nuyi ambila mubwabwa ou ene, Mona, ngwapaula bidimu bibi, yi ngwancincidisa bantu masama abo lelo, yi mankyelo ; yi ku dituku diamusatu nakumana nya.

³³ Kaninga bwalo bwamene budi ndo kwenda lelo yi mankyelo yi mayipi, bwalo butabiyi mudimuxi kuncimina kunci kwa Yelusaleme.

³⁴ Yelusaleme, Yelusaleme, bula bwamaxipa badimuxi, yi bwamabelela bobo mabwe bamatumibwa kudibu, nxesangisa bana bebe matuku mangi, bea biasangisa ncolo bana banci muxi mwa bipambwi bienci, yi nonu nwakanyafiana.

³⁵ Mona, ncibo enu amanuxiyidibwa kanana ; yi nwatôyela ene, kanunangumona pô pôi kikondo kinunatôya ene, You atumbixibwi ulolwa mu dina dia Fumu.