LUKA 1 - Disambi Dipyadipya

¹ BWALO bwamalanda bantu bangi kulungika diembi dia malo amakwetabuxibwa sôsôlwo pakacikaci pecu,

² byaka biamatulongolabo bakadi batebedi pôi bubangabanga, yi bambidi ba diembi ;

³ mbwôso meme kabidi namamona loko, (bwalo bunamatomba tomba malo moso pôi ku bubangabanga), ndo kukulwandwadila diembi, mukyelengi Teofilo,

⁴ bixelubukwa owe bwalo sôsôlwo bwa malo aa amakweyexebwa owe ku musuku.

⁵ Ku matuku a Elodo, Fumu a Yudiya, kwakadi bokanda, dina dienci ene, Sakalia, a kibumbu kia Abia ; yi akadi yi mukasanci a bana ba Alono, dina dienci ene, Elisabete.

⁶ Yi bubidi bwabo bakadi yi nkwami ku mpala a Ncembi, badi mu kwenda yi milangu mioso ya Fumu yi mixiyilu yenci mioso kutena kubunca.

⁷ Yi bakadi kabena yi mwana, bwalo bwakadi Elisabete kikuta, yi bubidi bwabo bakalekola yi mbula yabo bungi.

⁸ Yi pakakwencayi mudimo ănci ă bubokanda ku mpala a Ncembi, ku kikondo kia kibumbu kienci,

⁹ kwakadi bwalo bwanci, luna biakadi mwosambu ă bubokanda, ndo kubwela mu tempelo a Fumu kuya osa bukula bwa manonu.

¹⁰ Yi kimbukuma kincimancima kia bantu bakadi mu kulomba kunci ku kikondo kiakakwosabo manonu.

¹¹ Yi mwangele a Ncembi akamoneka kudiyi, udi mu kwemana ku mwanca ă kidyo ă kilongolelu kia manonu.

¹² Yi Sakalia akatepexebwa pakamumonayi, yi bowa bwakamukwata.

¹³ Mo mwangele akamwambila ene, Kucini Sakalia, bwalo bwamakwombwebwa lulombu lwebe, yi mukaxebe Elisabete unakulelela mwana yi unamwenyika dina dienci ene, Yoano.

¹⁴ Yi owe unakala yi kiango yi kimenye, yi bantu bangi banaxekyelela kulelebwa kwanci.

¹⁵ Bwalo bunakalayi munene ku mpala a Fumu ; yi unancila kunwa malufu ndo a mwosolo ndo a nkodl, yi unakwolubixibwa yi Mwoxixi a babala isanga pôi difu dia mamanci.

¹⁶ Unakulumuna bana ba Isalele bangi kudi Fumu Ncembi abo.

¹⁷ Yi unakwenda ku mpala anci yi mucima ă Eliya yi ngulu yenci, ndo kukulumuna micima ya batete kudi bana babo, yi bena ntamu ku bwinu bwa bena nkwami, ndo kulungikila Fumu bantu bamamukwameyelebwa.

¹⁸ Yi Sakalia akakwambila mwangele ene, Nakulubukwa nako beci, bwalo bundi kinunu yi mukasami amalekola yi mbuia yenci bungi ?

¹⁹ Yi mwangele akapingasa, yi akamwambila ene, Meme ndi Ngabiele, ngwemana ku mpala a Ncembi, yi namatumibwa kulwa tôya yinebe yi kukwambila losangu lolu lunengela.

²⁰ Yi mona, unakala kimeme, yi kunalubukwa kutôya pôi dituku dinafika malo aa, bwalo butakwetabuxili meyi amene, anafikixibwa ku kikondo kiao.

²¹ Yi bantu bakadi mu kukungila Sakalia, yi bakakama bwalo bwakamanayi kikondo noku mu tempelo.

²² Yi pakabatukayi, akadi kasolubukwa kutôya yinabo ; yi bakalembetela ene, amamona kimonenu mu tempelo. Yi yei akabebesa ebesa ku bianca biend, yi akasala kimeme.

²³ Yi pakadi matuku amakukixibwa a mudimo anci, akaya ku ncibo anci.

²⁴ Kunyuma kwa matuku aa, kwakwembita mukasanci Elisabete, yi akasokoma ngondo itano ene,

²⁵ Fumu amangwencela nako ku matuku amangudingilayi, ndo kuncula bundu bwamene pakadkaci pa bantu.

²⁶ Mo ku ngondo amusambomo, kwakatumibwa mwangele Ngabiele kudi Ncembi kuya ku bula bwa Ngalili bwamabikidibwa ene, Nasaiete ;

²⁷ kudi muxika akabandudibwa kudi mwamulumi dina dienci ene, Yosefe, a bulungu bwa Dafidi ; yi dina dia muxika diakadi ene, Mali.

²⁸ Yi mwangele akabwela kwakadiyi yi akatôya ene, Môyo, munonebwi ñonu ; Fumu udi yinebe.

²⁹ Mo yei akatepexebwa kungi bwalo bwa diyi dienci, yi akakwelañana nkanyi munda bwalo bwa kubisa kwa noku.

³⁰ Yi mwangele akamwambila ene, Kucini Mali, bwalo bwamamonebwa yi ñonu kudi Ncembi ;

³¹ yi mona, unakwembita mu difu diebe yi unalela mwana yi unamwenyika dina dienci ene, Yisu.

³² Yei unakala munene, yi unabikidibwa ene, Mwana a You adika kulu ; yi Fumu Ncembi unamupa nkwasa a tetenci Dafidi ;

³³ yiunakala yi bufumu kulu kwa nkumbu a Yakobo mieciya mioso ; yi ku bwalo bwa bufumu bwanci, kabunakala yi kipwilu kia kupwa nyô.

³⁴ Mo Mali akakwambila mwangele ene, Nako kunakala beci ? bwalo buntasolubukwa mwamulumi.

³⁵ Yi mwangele akapingasa yi akamwambila ene, Mwoxixi a babala unalwa kulu kwebe, yi ngulu ya You adika kulu unakubukila ; mbwôso mwana a babala unakulelebwa unabikidibwa ene, Mwana a Ncembi.

³⁶ Yi mo na, Elisabete kilungu kiebe, yei kabidi amakwembita mwana a babalumi ku bununu bwanci, yi you udi ngondo amusambomo a you akabikidibwa ene, Kikuta.

³⁷ Bwalo bwoso bwancuka kudi Ncembi kabunakodya kwencebwa.

³⁸ Yi Mali akatôya ene, Mona, ndi musadi a Fumu ; kwakali yinami bea bidi diyi diebe. Yi mwangele akancuka kudiyi.

³⁹ Yi Mali akakwombuluka ku matuku yia yi akaya lungwoso ku mbata a mpongo, mu bula bwa Yuda,

⁴⁰ yi akabwela mu ncibo a Sakalia, yi akakwela Elisabete môyo.

⁴¹ Yi pakakwombwa Elisabete kubisa kwa Mali, kana kakatamba mu difu dienci ; yi Elisabete akakwolubixibwa yi Mwoxixi a babala ;

⁴² yi akakwamena yi diyi dikola, yi akatôya ene, Mulwangwasanibwi ndo owe pakacikaci ba babakaxi, yi mulwangwasanibwi ndo Mwana a difu diebe.

⁴³ Yi kukai kwamangwencebwa noku, mama a Fumwami ndo kulwa kundi ?

⁴⁴ Mona lolo, pakalwa diyi dia Môyo ěbe ku macu amene, kana kaputamba mu difu diamene bwalo bwa kiango.

⁴⁵ Yi mulwangwasanibwi you akakwetabusa, bwalo bunakwencebwa mambi akamwambidibwa kudi Fumu.

⁴⁶ Yi Mali akatôya ene, Mucima ămene ndo ătumbisa Fumu,

⁴⁷ yi kidimu kiamene kiamaxekyelela Ncembi Mupandixi amene.

⁴⁸ Bwalo bwamatebelayi musadi anci isanga ndi kanana ; yi mona, pôi nkyekyu panangubikila mieciya mioso ene, Mulwangwasanibwi.

⁴⁹ Bwalo bwamangwencela You a ngulu makisa manene, yi dina dienci didi babala ;

⁵⁰ yi mwengo ănci udi pôi ku mieciya yi mieciya ku bwalo bwa bantu bamwacina.

⁵¹ Amakwenca yi ngulu yi kibokô kienci ; amacakanisa bena disasa ku lukanyi lwakakwelabo mu mucima ăbo.

⁵² Amapwesa bafumu mu nkwasa yabo yi amabandisa bantu ba kanana.

⁵³ Amakwolubisa bena ncala yi bintu binengela, yi amapingasa bena madidi makaci matupu.

⁵⁴ Amasadisa Isalele musadi anci, bixekwelayi mwengo ănci lukanyi,

⁵⁵ (bea biakatôyelayi batetecu), ăkamonayi Abalami yi mwengo yi bana banci kô kô.

⁵⁶ Yi Mali akasala yinanci bea ndo ngondo isatu, yi akapinana ku ncibo anci.

⁵⁷ Kikondo lolo kia Elisabete kiakakukixibwa kixelelayi mwana, yi akalela mwana a babalumi.

⁵⁸ Yi bena kwanci yi bilungu bienci bakakwombwa mwakalundisa Fumu mwengo ănci yinanci, yi bakaxekyelela yinanci.

⁵⁹ Yi ku dituku dia yenana kwakalwabo ndo kwela mwana bwadi, yi baxemwenyika ene, Sakalia, luna dina dia tetenci.

⁶⁰ Yi mamanci akapingasa ene, Kumoni, kate unabikidibwa ene, Yoano.

⁶¹ Yi bakamutôyela ene, Kakuna muntu umoumwe a bulungu bwebe amabikidibwa dina dedi.

⁶² Yi bakakwapangusa tetenci ku bianca, dina dixenangayi mwana kubikidibwa.

⁶³ Yi akalomba kikidi kia mukanda yi akafunda ene, Dina dienci didi Yoano. Yi bakakama kama bungi bwabo.

⁶⁴ Yi musuku ănci ăkadipudibwa mangwoso, yi ludimi lwanci, yi akatôya, udi mu kutumbisa Ncembi.

⁶⁵ Yi bowa bwakakwata bungi bwabo bakakala pepe yinabo, yi ku mbata a mpongo a Yudiya muncimancima kwakakwambidibwa malo aa moso.

⁶⁶ Yi bungi bwabo bakakwombwa bakabumba malo aa mu micima yabo ene, Ape mwana you unakala beci ? Bwalo bwakadi kianca kia Fumu yinanci.

⁶⁷ Yi tetenci Sakalia akakwolubixibwa yi Mwoxixi a babala, yi akadimusa ene,

⁶⁸ Fumu atumbixibwi, Ncembi a Isalele, bwalo bwamalwayi kudi bantu banci, yi bwalo bwamabancudilayi mpiku kubapikula ;

⁶⁹ amatubixila luxiba lwa kipandilu kia môyo mu ncibo a musadi anci Dafidi.

⁷⁰ Bea biakatôyayi ku misuku ya badimuxi banci ba babala, bamakala pôi kikondo kiakabanga loboko ;

⁷¹ kipandilu kia môyo kudi bantu batanda yinecu, yi ku kianca kia bantu boso batwanyañana ;

⁷² kumonesa lolo batetecu mwengo, yi kwela disambi dienci lukanyi dia babala,

⁷³ yi kiteyi kiakateyayi yi Abalami tetecu ;

⁷⁴ ene, panakala twamapaudibwa mu bianca bia bantu batanda yinecu, uxetupa ndo kumusadila kutena bowa,

⁷⁵ yi babala yi nkwami ku mpala anci matuku ecu moso.

⁷⁶ Yi owe mwana unabikidibwa ene, Mudimuxi a You adika kulu ; bwalo bunadika owe ku buxi bwa mpala a Fumu ndo kulungika ncila yenci ;

⁷⁷ kupa bantu banci kilubukilu kia kupandixibwa kwa môyo, pa kulekyelebwa mabi abo,

⁷⁸ bwalo bwa mucima ă mwengo ă Ncembi ecu. Kukya kwa butuku kwamatulula yinau kulu,

⁷⁹ ndo kutekyela bantu obo bamaxikama mu mwedima yi mudingidingi ă lufu, kuxiya xiya makasa ecu mu ncila a polo.

⁸⁰ Yi mwana akalunda, yi akakolexebwa ku mucima, yi akadi mu mbata ya bisobe pôi dituku dia kumoneka kwanci kudi Isalele.