LOMA 3 - Disambi Dipyadipya

¹ MBWÔSO sombo yasomboka buna Yuda idi ya beci ? Yi ndo kwelebwa bwadi kudi kutetowa kai ?

² Noku kudi kutetowa kungi. Buxi, bwalo bwakabaxiyidibwa bunami bwa kunama mambi a Ncembi.

³ Mbwôso kai ? Ndo banga bakasaka yi kwetabusa, kusaka kwabo kwa kwetabusa kunateka kwetabusa kwa Ncembi kanana ?

⁴ Ai, kumoni ; mo Ncembi akali sôsôlwo yi muntu mwoso ncimi. Bea biakafundibwa ene, Bixesuwixibwa Owe ku meyi ebe, yi bixepila Owe panakala Owe udi ku kimu.

⁵ Mo ndo kwona kwecu kwamasubisa nkwami ya Ncembi, coco tunatôya beci ? Ncembi amasaka yi nkwami amafikisa bisusu ? (Ngwatôya yi mutôyelu ă bantu).

⁶ Ai, kumoni. Ape ndo noku, Ncembi unasambola foboko beci ?

⁷ Mo ndo sôsôlwo a Ncembi amalekola ku kinemu kienci kingi bwalo bwa lodimbu lwamene, kukai meme kabidi nkiabelebwa ene, mwoni ?

⁸ Yi kukai katuxetôya (bea bitwamadimbididibwa, yi bea biatôyabo kudi banga bantu ene, coco ene,) Twenci bubi bixelwa kunengela ? Lopelo lwabo ludi yi nkwami.

⁹ Mbwôso kai ? Coco twamadika kunengela ? Kumoni noku pô. Bwalo butwamasanya yi bena Yuda yi bena Ngiliki buxi ene, badi muxi mwa bubi bungi bwabo ;

¹⁰ bea biakafundibwa ene, Kakuna muntu umoumwe yi nkwami, kumoni isanga umoumwe ;

¹¹ kakuna umoumwe alembetela, kakuna umoumwe apalala Ncembi.

¹² Bungi bwabo bamaungaunga ; bamasaluka bo-a-bwoso ; kakuna umoumwe encenca kunengela ; kanana, kumoni isanga umoumwe.

¹³ Muminu ăbo udi lukita ololwo ; ku ndimi yabo kwamatôyabo yi ncimi ; mulanga ă nyoka udi muxi mwa milomo yabo ;

¹⁴ musuku ăbo ămakwolubila yi mpolo yi bululu.

¹⁵ Makasa abo adi yi lungwoso lwa kuncula maxi.

¹⁶ Lufu yi mpeya bidi mu ncila yabo ;

¹⁷ yi ncila a polo, bobo kabamulubukwa.

¹⁸ Bowa bwa Ncembi kabuna ku meso abo.

¹⁹ Mo twalubukwa ene, bintu bioso biamatôya bwadi, bwamatôyela bantu badi muxi mwa bwadi, bixencibikibwa musuku mwoso, bixeakala bungi bwa loboko bena lopelo ku mpala a Ncembi.

²⁰ Mbwôso ku makisa a bwadi kakunasuwixibwa munyu mwoso ku mpala anci ; bwalo ku bwadi kudi kilubukilu kia bubi.

²¹ Mo nkyekyu nkwami ya Ncembi yamakwebexebwa kutena bwadi, yamatôbôlelebwa ntôbô kudi bwadi yi kudi badimuxi ;

²² nkwami yei ya Ncembi yilolwa ku kwetabusa kwa Yisu Kalistu kudi bantu boso, yi idi kulu kwa bantu boso betabusa. Bwalo butasoxiyañana bantu pô ;

²³ bantu boso bamakwona yi bamaxikila pa lwedi lwa dikai dia Ncembi.

²⁴ Bamasuwixibwa kanana bwalo bwa lwoxixi Iwanci ku mucwe ă kipikudilu kidi munda mwa Kalistu Yisu.

²⁵ You ndo amateka Ncembi nkwasa a mwengo ku kwetabusa, bwalo bwa maxi anci ; ndo kwebesa nkwami yenci isanga ku bwalo bwa kulekyela kwa mabi akakwenccbwa buxi, akalekyela Ncembi ku mwengo ănci ;

²⁶ ndo kwebesa nkwami yenci ku kikondo kia nkyekyu kieki, bixeakalayi yi nkwami yi bixeakalayi musuwixi a you udi muna kwetabusa kwa Yisu.

²⁷ Mbwôso kwana kwa mwanu kudi kupai ? Kwamancidikibwa. Ku mwosambu ă beci ? A makisa ? Kañana, kate ku mwosambu ă kwetabusa.

²⁸ Bwaio butwabala munda ene, muntu amasuwixibwa ku kwetabusa, kutena makisa a bwadi.

²⁹ Ncembi udi Ncembi a bena Yuda batupu ? Ki a mabila kabidi ? E, a mabila kabidi.

³⁰ Bwalo budiyi Ncembi umoumwe unasuwisa bantu bamakwelebwa bwadi ku kwetabusa, yi bena mientonto bwalo bwa kwetabusa.

³¹ Coco lolo twamalengola bwadi bwalo bwa kwetabusa ? Ai, kumoni ; kate twamasubisa bwadi.