LOMA 2 - Disambi Dipyadipya

¹ MBWÔSO kuna yi kipandukilu pô, owe muntu mwoso asambola. Ku bwalo bobu bwamasambola owe munga muntu, ndo kwamadibela mikyebe ; owe wasambola wencenca malo aa noku mikyebe.

² Twalubukwa lolo ene, sambo asambola Ncembi udi yi sôsôlwo ku bwalo bwa bantu bencenca malo aa noku.

³ Owe lolo muntu, asambola bantu bencenca malo aa yi wakisa noku mikyebe, owe wencenca ene, unapanda kusambola kwa Ncembi ?

⁴ Sungu watamuna bodidi bwanci bwa kunengela, yi bwa kiekyeio kienci kia mwengo, yi bwa kicwandundu kienci, kutena kulubukwa ene, kunengela kwa Ncembi kukwaxiya xiya ku kudibela ?

⁵ Mo ku bwalo bwa kukola kwebe, yi bwa mucima ěbe utasokulumuka, owe udi mu kudibumbila bisusu ku dituku dia bisusu yi dia kiebexelu kia kusambola kwa Ncembi kwa nkwami.

⁶ Yei unasayila muntu mwoso bea bidi makisa anci ;

⁷ kudi bantu badi yi kiekyelo kia kwenca kwa kunengela, yi bapalala dikai noku, yi lotumbu, yi môyo utena musalu,— môyo ă kô kô.

⁸ Kate ku bwalo bwa bantu belesa mbata, bamadiula sôsôlwo, yi bedeya bwalo butena yi nkwami, unabasayila yi bisusu yi bituku ;

⁹ mpeya yi buxitu ku mudma ă muntu mwoso encenca bubi ; a muna Yuda buxi yi ă muna Ngiliki kabidi.

¹⁰ Mo dikai yi lotumbu yi polo kudi muntu mwoso encenca kunengela ; kudi muna Yuda buxi yi kudi muna Ngiliki kabidi.

¹¹ Bwalo butasoyila Ncembi bantu kikanda.

¹² Bantu boso bamakwona batena yi bwadi banafwa kabidi kutena bwadi ; yi bantu boso bamakwona badi muii mwa bwadi banabelebwa ku bwadi.

¹³ Bwalo butasosuwa bombwi bombombwa bwadi ku mpala a Ncembi, kate bakixi bakisa bwadi banasuwixibwa.

¹⁴ Panakala bena mabila bamasaka yi bwadi bencenca malo a bwadi ku bwalo bwa buntu bwabo, kababa bamasaka yi bwadi badi bwadi ku bwalo bwabo mikyeabo ;

¹⁵ bwalo bwebesabo mudimo ă bwadi mufunda pa midma yabo ; yi kilubukilu kiabo kia munda kiamatôbôlañana yinabu ntôbô umoumwe ; pakala nkanyi yabo ya munda idi mu kusanyafiana, sungu ambeci idi mu kusuwisafiana :—

¹⁶ ku dituku dinasambola Ncembi malo a bantu masokoka, bea biamatôya losangu Iwamene lunengela, kudi Yisu Kalistu.

¹⁷ Kaninga ambed owe wamabikidibwa ene, muna Yuda, yi wamabakama ku mucima ku bwalo bwa bwadi, yi wamakwana mwanu ku bwalo bwa Ncembi,

¹⁸ yi wamalubukwa mulangu, yi ku bwalo bwamakweyexebwa mu bwadi, ubili kwalakana malo adika lwoxixi.

¹⁹ Wamadietabusa ene, owe udi muxiyi a bafofo, obo a bantu badi ku mwedima,

²⁰ mukwami a bantu baungaunga, mweyexi a babaki, bwalo bwapwangata mu bwadi luna mumbidi ă bwinu yi ă sôsôlwo.

²¹ Mbwôso owe wamakweyesa muna kwebe, kusodieyesa mikyebe ? Owe wamakwambila ene, muntu kaxekweba, webeba ?

²² Owe wamatôya ene, muntu kaxekwendela mukaxi abene, wendela mikyebe ? Owe wamakwombwa ngixi nyete, wasanca bintu bia ngixi ?

²³ Owe wañana mwanu ku bwalo bwa bwadi, wakisa Ncembi pa kuxipa bwadi ?

²⁴ Bwalo bwamatangolebwa dina dia Ncembi pakacikaci pa mabila ku micwe yenu, bea biakafundibwa.

²⁵ Kwelebwa bwadi kudi kutetowa sôsôlwo, akali owe wamanama bwadi ; mo ndo owe udi muxipi a bwadi, kwelebwa kwebe kwa bwadi kwamatulowa mwontonto.

²⁶ Aka lolo muna mwontonto amanama milangu ya bwadi, ki mwonto nto ănci unakwelekyexebwa bea luna kwelebwa kwa bwadi ?

²⁷ Yi muntu ndo muna mwontonto bwalo bwa kulelebwa kwanci, akali amanama bwadi, ki yei unakubela owe udi muxipi a bwadi isanga wapwangata mukanda ă bwadi yi wamakwelebwa bwadi ku mumbidi ?

²⁸ Bwalo butasoakala you muna Yuda udi muna Yuda ku mpala kanana ; yi bobu kabuna bwadi bwamakwelebwa kunci kwa mumbidi kanana ;

²⁹ kate yei ndo muna Yuda udi noku munda ; yi bwadi kwelebwa sôsôlwo bwamakwelebwa ku mucima, yi ku kidimu, kumoni ku mukanda mutupu. Muna noku udi yi mwalakanu, kumoni ă bantu kate ă Ncembi.