LOMA 15 - Disambi Dipyadipya

¹ MO coco badi yi ngulu tudi yi dibambu dia kucwala mabombu a bena kulebela, yi katuxedixekyelesa mikyecu.

² Muntu ecu mwoso axekyelesi muna kwanci mu bwalo bunengela ndo kumwabaka.

³ Bwalo butadixekyelesa mikyenci Kalistu kabidi, kate bea biakafundibwa ene, Mietangu ya bantu bakwatangola Owe yakanguponena meme.

⁴ Bwalo bintu bioso biakafundibwa kalikaii biakafundibwa bwalo bwa kutweyesa coco, bituxeakala yi mudingidilu ku bwalo bwa bwika yi ku bwalo bwa kibondelu kitwamabondebwa ku mukanda ă Ncembi.

⁵ Mo Ncembi a bwika yi a kibondelu anupi ndo kwakala yi lukanyi lumolumwe, muntu yi muna kwanci muntu yi muna kwanci, bea bialelekyela yi Kalistu Yisu ;

⁶ binuxesangila yi mucima umoumwe yi musuku umoumwe ndo kutumbisa Ncembi, yi Tete a Fumwecu Yisu Kalistu.

⁷ Mbwôso nwangatanani bea biakanwangata Kalistu nonu bwalo bwa dikai dia Ncembi.

⁸ Bwalo bungwatôya ene, Kalistu amatekyebwa musadi a bena bwadi bwelelabo ku mumbidi, bwalo bwa sôsôlwo a Ncembi ; bixesubisayi bilaka biakaxiyidibwa batetecu ba kalikali ;

⁹ yi bixetumbisa mabila Ncembi bwalo bwa mwengo ănci ; bea biakafundibwa ene, Ku bwalo bobu ndo nakusakola kudi Owe pakacikaci pa mabila, yi nakwembikixila dina diebe.

¹⁰ Yi atôya kabidi ene, Nuxekyeleli nonu mabila yi bantu banci.

¹¹ Yi kabidi ene, Nutumbisi Fumu, nonu mabila moso ; yi bungi bwa bantu bamukumbuli.

¹² Yi kabidi, Esaya ene, Dicina dinakala dia Yese, yi muntu unakwemana ndo kubumba mabila ; kudiyi kunadingidila mabila.

¹³ Ncembi lolo a mudingidilu anwolubisi yi kiango kioso yi polo pa kwetabusa, binuxelekola yi mudingidilu ku ngulu ya Mwoxixi a babala.

¹⁴ Yi meme kabidi mikyemi namakwetabuxixibwa ku bwalo bwenu bakunyi bamene, ene, nonu mikyenu kabidi nwamakwolubila yi kunengela, nwamakwolubixibwa yi kilubukilu kioso, yi nubili kudimusañana.

¹⁵ Kaninga namanufundila yi mucima mungi bakunyi, ku lwedi, bea ndo kunwelesa nkanyi, bwalo bwa lwoxixi lwamangupebwa kudi Ncembi,

¹⁶ meme kwakala musadi a Kalistu Yisu kudi mabila, ndi mu kulongola losangu lunengela lwa Ncembi, bixetekyebwa dilongi yi fionu diamalongebwa, isanga bena mabila, diamabalolebwa kudi Mwoxixi a babala.

¹⁷ Mbwôso ndi yi mwanu ă kwana mu Kalistu Yisu mu bintu bitani bwalô bwa Ncembi.

¹⁸ Bwalo bunacina kutôya dia bintu bioso bitena bebi biamakwenca Kalistu kundi ndo kuteka mabila yi diedya, ku kutôya yi ku kukisa,

¹⁹ ku ngulu ya bilayixilu yi ya bikamakama, ku ngulu ya Mwoxixi a babala. Mbwôso namacakanisa losangu lunengela lwa Kalistu dyendeli pôi ku Yelusaleme yi kucimba pôi ku Iluliko.

²⁰ Lomo lwamene lwamakwapema ndo kwambila losangu lunengela kutatambibwa Kalistu kalikali, bintaxekwabaka kulu kwa kibangolelu kia munga muntu ;

²¹ kate bea biakafundibwa ene, Banamona kudi bantu bataluli losangu Iwoso lwanci kudibo ; yi bobo batakwombwa banalembetela.

²² Mbwôso kabidi namakandibwa matuku mangi bwalo bwa kulwa kwenu.

²³ Mo nkyekyu bwalo bungwasaka yi kinga kidi ku mbata yei noku, yi bwalo bunapwakala yi nyinga mbula mingi ya kulwa kwenu,

²⁴ oka lolo nceya ku Esepanya ngwencenca ndo kunumona ku lwendo lwamene, yi kwendexebwa mu ncila amene yikwa kunudi, ndo nakukukanana ku buxi isanga kabende yinenu.

²⁵ Mo nkyekyu nceya ku Yelusaleme, ndi mu kusadila bena babala.

²⁶ Bwalo bwamamonabo kiango kudi bena Makyedonia yi bena Akaya ndo kusanga mwosangu bwalo bwa bakombi badi yi bena babala ku Yelusaleme.

²⁷ Bamamona kiango sôsôlwo, yi badi yinabo bena mbata. Bwalo ndo bena mabila bamakwabanyixibwa ku bintu biabo bia Mwoxixi, badi yi bwalo bwa kubalongola kabidi bintu bia munyu.

²⁸ Mbwôso panakala namamana kwenca noku, yi namabapetesa dimoma dedi, nakudika panudi kuya ku Esepanya.

²⁹ Yi ngwalubukwa ene, pandolwa kunudi nakulwa yi kiolubilu kia mulwangwasanu ă Kalistu.

³⁰ Mo nwabondabonda bakunyi, kudi Fumwecu Yisu Kalistu yi ku nyinga ya Mwoxixi, ene, nukolesi kulombañana yinami ndombu ku mpala a Ncembi ku bwalo bwamene ;

³¹ binxepaudibwa kudi bantu batasokwetabusa mu Yudiya ; yi bixeakala mudimo ñonu kudi bena babala undi yinau ku Yelusaleme ;

³² binxelwa kunudi mu kiango ku nyinga ya Ncembi, yi binxesubixibwa yineñu ndongo.

³³ Yi Ncembi a polo akali yinenu bungi bwenu. Amen.