KOLOSAI 3 - Disambi Dipyadipya

¹ MBWOSO ndo nwakabixibwa yi Kalistu ndongo, nupalali bintu bidi kulu kwapwakala Kalistu, uxikamini ku kidyo kia Ncembi.

² Nubaki lukanyi Iwenu ku bintu bidi kulu, kumoni ku bintu bidi pa loboko.

³ Bwalo bunwakafwa, yi môyo ěnu ămasokokyebwa yi Kalistu munda mwa Ncembi.

⁴ Panakwebexebwa Kalistu, udi môyo ěcu, ku kikondo kieki nonu kabidi nunakwebexebwa yinanci mu dikai.

⁵ Mbwôso nufwisi bicini bienu bidi pa loboko ; budibi, lobindu, bwefi, nyinga mubi, yi luxindilu, (ludi bea kixingilu kia bwanga bwa muntu) ;

⁶ ku mucwe ăbio ă bintu bebi kulolwa bisusu bia Ncembi kulu kwa bana ba ntamu.

⁷ Mu bintu bebi ndo munwakakwenda kalikali kabidi panwakadi yi môyo ěnu munda mwabio.

⁸ Mo nkyekyu nudipululi kabidi bintu bebi bioso ; bituku, bisusu, mwoxingi, mwotangu, kutôya kwoso kubi mu musuku ěnu.

⁹ Kanudimbañani ndimbu, bwalo bunwamancula muntu a kalikali yi makisa anci,

¹⁰ yi nwamalata muntu mupyamupya, utanapingaxibwa mupyamupya ku kilubukilu kia kulubukwa dyendeli, luna kifwanisa kia you akamupanga ;

¹¹ koku kakuna muna Ngiliki yi muna Yuda, ndo bwadi yi mwontonto, ndo mwopata, muna Skuti, mupika, mwana a bula ; kate Kalistu udi bintu bioso, yi mu bantu boso.

¹² Mbwôso nonu basungudibwi ba Ncembi, bena babala yi banangibwi, nulati mucima ă mwengo, bonkangi, diedya, kifwamasundu, kicwandundu ;

¹³ nwekyelañani yi kiekyelo kia mwengo ; nulekyelañani, akali muntu mwoso udi yi muna kwanci bwalo ; bea biakanulekyela Fumu ndo binuxekwenca nonu.

¹⁴ Yi nulati nyinga kulu kwa bintu bebi bioso, idi mwokaba ă kukuka dyendeli.

¹⁵ Polo lolo a Kalistu asamboli mu micima yenu, unwakabikidibwa kudiu kabidi mu mumbidi umoumwe ; yi nwakali bena biloba.

¹⁶ Diyi dia Kalistu dixikami munda mwenu yi bodidi bwadio mu bwinu bwoso ; nweyesañani yi nudimusañani mu misambu, yi mu ncemba, yi mu miembikixilu ya Mwoxixi ; nudi mu kwembikisa yi lwoxixi mu micima yenu ku mpala a Ncembi.

¹⁷ Yi kintu kioso klnwencenca, ndo ku kutôya ndo ku kukisa, nwenci bintu bioso mu dina dia Fumu Yisu, nudi mu kuxingila Ncembi Tete biloba kudiyi.

¹⁸ Bakaxi, nudipwesi mikyenu kudi babayenu, luna bialelekyela mu Fumu.

¹⁹ Babalumi, nunangi bakaxi benu, yi kanwakadi yi bululu ku bwalo bwabo.

²⁰ Bana, nwedeyi batetenu yi bamamenu mu bintu bioso, bwalo budi bwalo bobu ñonu mu Fumu.

²¹ Batete, kanuxengexi bana benu, bitaxepwexebwabo ku micima.

²² Basadi, nwedeyi bantu mu bintu bioso badi bafumu benu ku munyu ; kumoni yi mudimo ă meso bea ndo kuxekyelesa bantu, kate yi mucima umoumwe, nudi mu kucina Fumu.

²³ Kintu kioso kinwencenca, nwenci yi mucima, bea kudi Fumu, kumoni kudi bantu ;

²⁴ bwalo bunwalubukwa ene, nunangata sayi ya mwokito kudi Fumu ; nonu nwasadila Fumu Kalistu.

²⁵ Bwalo you akisa bubi unangata kabidi bubi bobu bwamakisayi ; yi kikanda kakisoyibwa kudi bantu.