KIEBEXELU 13 - Disambi Dipyadipya

¹ YI akakwemana ku yimbwi ya mai manene. Yi meme nakamona Nyama udi mu kuximuna mu mai manene, udi yi xiba disangi yi micwe sambwali. Yi ku xiba yenci kwakadi bilongo disangi, yi kulu kwa micwe yenci kwakadi mena a mietangu.

² Nyama unakamona akafwana ngasama, yi makasa anci akadi luna makasa a nyama a usula, yi musuku ănci luna musuku ă ntambwi ; yi cici akamupa ngulu yenci, yi lukwasa lwanci, yi bumanya bungi.

³ Yi kwakadi luna ndo mucwe ănci umoumwe ăkatapibwa pôi ku lufu, yi mbuta anci a lufu akancincidixibwa ; yi loboko luncimancima Iwakakama kama bwalo bwa Nyama.

⁴ Yi bakaxingila cici, bwalo bwakapayi Nyama bumanya bwanci, yi bakaxingila Nyama ene, Nani ulexi yi Nyama, yi ñ ani ubili kutanda yinanci ?

⁵ Yi musuku ăkamupebwa udi mu kutôya malo manene yi mietangu ; yi bumanya bwakamupebwa bwa kukisa makisa ngondo masangi anai yi ngondo ibidi.

⁶ Yi akadipula musuku ănci ndo kutangola Ncembi mietangu, kutangola dina dienci yi ncibo anci a bixeba, yi bobo bamaxikama mu diulu.

⁷ Yi kwakamupebwa ndo kutanda yi bena babala mbita, yi kubapidila ; yi bumanya bwakamupebwa kulu kwa bulungu bwoso yi bantu boso yi ludimi lwoso yi bubila bwoso.

⁸ Yi bantu boso bamaxikama ku loboko banamuxingila, batena yi dina diabo difunda mu mukanda ă môyo ă Mwana a mukwakwa akaxipibwa pôi kibangolelu kia loboko.

⁹ You udi yi dicu, a-ombwi.

¹⁰ Ndo muntu amacwala bantu ku busungi, unaya ku busungi ; ndo muntu unaxipa yi mwele, udi yi bwalo bwa kuxipibwa yi mwele. Kunu kudi bwika bwa bena babala yi kwetabusa kwabo.

¹¹ Yi nakamona munga Nyama udi mu kuximuna ku loboko ; akadi yi xiba ibidi luna mwana a mukwakwa, yi akatôya bea luna cici.

¹² Yi akakisa yi bumanya bwoso bwa Nyama a buxi ku mpala anci. Yi akaxingidisa loboko yi bantu baxikama koku Nyama you a buxi, akancincidixibwa mbuta anci a lutu.

¹³ Yi akakwenca bilayixilu binene, bixepwesayi isanga mudilu pôi kulu pôi paxi, ku mpala ya bantu.

¹⁴ Amadimba lolo bantu baxikama ku loboko ku bwalo bwa bilayixilu biakamupebwa ndo kwenca ku mpala a Nyama, udi mu kwambila bantu baxikama ku loboko ene, bapangi kifwanisa kia Nyama, akadi yi mbuta a mwele mo akakala yi môyo.

¹⁵ Yi kwakamupebwa ndo kupa kifwanisa kia Nyama mwoxixi, bixetôya kifwanisa kia Nyama ; bixexipisayi lolo bungi bwa bantu batasoxingila kifwanisa kia Nyama.

¹⁶ Yi amalanga ene, bantu boso, yi babende yi banene, yi badidi yi bakombi, yi bena bula yi bapika, bapebwi kilembetelu, ndo ku kidyo kiabo ndo ku mpala ;

¹⁷ bitaxelubukwa muntu mwoso ndo kwola ndo kwodisa, utena you amangata kilembetelu, ndo dina dia Nyama, ndo iubadi lwa dina dienci.

¹⁸ Kunu kudi bwinu. You udi yi lukanyi abali lubadi lwa Nyama ; bwalo budilu lubadi lwa muntu ; yi lubadi lwanci ludi nkama isambomo yi masangi asambomo yi isambomo.