KIEBEXELU 1 - Disambi Dipyadipya

¹ KIEBEKELU kia Yisu Kalistu kiakamupa Ncembi, ndo kwebesa basadi banci bintu bixepona mangwoso ; akatuma mwangele and, yi akalubukisa musadi anci Yoano,

² akatôbôlela diyi dia Ncembi nt, yi ntôbô a Yisu Kalistu, isanga bintu bioso biakamonayi.

³ Balwangwasanibwi yi you abala, yi bobo bombombwa meyi a kidimuxilu kieki, yi bamanama malo amafundibwa momu ; bwalo butani kikondo pepe.

⁴ Yoano kudi bikokye sambwali bidi mu Asia ; lwoxixi lwakali yinenu yi polo, kudi You udiko, yi akadiko, yi unakala ; yi kudi Miexixi sambwali idi ku buxi bwa lukwasa lwanci ;

⁵ yi kudi Yisu Kalistu, mutôbôdi a kibaku, you akalelebwa kudi bafu buxi, yi Fumu a bafumu ba loboko. Kudi you amatunanga, amatukusula mabi ecu mu maxi anci ;

⁶ yi amatuteka bufumu, makanda ku mpala a Ncembi anci yi Tetenci ; kudiyi kwakali dikai yi mpinyu ku mieciya ya mieciya. Amen.

⁷ Mona, ulolwa yi mabaxi ; yi diso dioso dinamumona, yi bobo bakamubongola ; yi mabila moso a loboko anadila ku bwalo bwanci. Mo nako, Amen.

⁸ Fumu Ncembi ndo atôya ene, Meme ndi Alafa yi Omenga ; You udiko, yi akadiko, yi unakala, Ncembi Xadai.

⁹ Meme, Yoano, mukulwenu yi mwabanyanani yinenu ku mpeya, yi mu bufumu yi mu bwika budi mu Yisu, nakadi mu kisala kiabikilabo ene, Patamoso, bwalo bwa diyi dia Ncembi yi bwa ntôbô a Yisu.

¹⁰ Nakadi mu Mwoxixi ku dituku dia Fumu, yi nakakwombwa diyi dikola kunyuma kwamene bea diyi dia mpungi,

¹¹ diakatôya ene, Funda bintu biamamona mu mukanda, utumi kudi bikokye sambwali ; ku Efeso, ku Sumuna, ku Pengamo, ku Tiatila, ku Sadisi, ku Filadelefia, yi ku Laodikia.

¹² Yi meme nakakulumuka ndo kumona diyi diamatôya yinami ; yi binakakulumuka nakamona minda sambwali, ya ôlo ;

¹³ yi pakacikaci pa minda pakadi muntu luna Mwana a muntu amalata kifunda kiamafika ku makasa anci, yi amakoba mwokaba ă ôlo ku mabele anci.

¹⁴ Mucwe ănci yi nyonyi yenci biakadi susu, luna nyonyi ya mikwakwa ya susu, luna “ neige ” ; yi meso anci bea luna mwanga ă mudilu ;

¹⁵ makasa anci lolo luna kiengele obo, bea ndo kiamasusudibwa mu dilungu ; yi diyi dienci bea diyi dia mai mangi.

¹⁶ Yi akadi yi mitoto sambwali mu kianca kienci kia kidyo ; yi mu musuku ănci mwakabatuka mwele ă kucwa, ă mpala ibidi ; yi mpala anci luna diba diamalumuka yi ngulu yenci.

¹⁷ Panakamumona lolo, nakapona paxi ku makasa anci luna mufu. Yi akabaka kianca kienci kia kidyo kulu kwamene ene, Kucini ; meme ndi you a buxi, yi you a ku sula,

¹⁸ yi you a môyo. Nakadi mufu, mo mona, ndi yi môyo ku mieciya ya mieciya, yi ndi yi fungula ya lufu yi ya Adese.

¹⁹ Mbwôso funda bintu biapumona, yi bintu biapwakala nkyekyu, yi bintu bilolwa kunyuma kwa bintu bebi.

²⁰ Bwalo busokoka bwa mitoto sambwali yapumona mu kianca kiamene kia kidyo, yi minda sambwali ya ôlo. Mitoto sambwali idi bangele ba bikokye sambwali bebi ; yi minda sambwali idi bikokye sambwali.