EFESO 6 - Disambi Dipyadipya

¹ BANA, nwedeyi batetenu yi bamamenu mu Fumu ; kudi yi nkwami ndo kwenca noku.

² Nemeka tetebe yi mabebe, (ou ndo mulangu ă buxi musangisa yi kilaka),

³ bixeakala bwalo bwebe loko, yi bixeakala owe yi môyo kikondo kingi ku loboko.

⁴ Yi nonu batete, kanuxengexi bana benu biakalabo yi bisusu, kate nubabunguli yi kiekyelo kia Fumu, yi mulangu ănci.

⁵ Basadi, nwedeyi bantu badi bafumu benu mu munyu, yi bowa yi lukomba, yi mucima umoumwe bea ndo kwedeya Kalistu.

⁶ Kumoni ku mudimo ă ku meso kutupu, bea ndo kuxekyelesa bantu ; kate bea basadi ba Kalistu, nudi mu kwenca nyinga ya Ncembi pôi ku mucima ;

⁷ nudi mu kusala mudimo yi mucima unengela bea kusadila Fumu, kumoni bantu.

⁸ Bwalo bunwalubukwa ene, kintu kioso kinengela kiencenca muntu mwoso, kakieki kinangatayi kabidi kudi Fumu, ndo mupika ndo mwana a bula.

⁹ Yi nonu bafumu ba basadi, nwenci bebi bintu ku bwalo bobu, yi nulekyeli kubaxekyeya ; bwalo bunwalubukwa ene, Fumwabo yi Fumwenu udi mu diulu, yi yei kasoyila bantu kikanda.

¹⁰ Pôi nkyekyu nukolexebwi mu Fumu, yi mu ngulu ya mpinyu yenci.

¹¹ Nulati kilamba kincimancima kia bipiko bia Ncembi, binuxelubukwa kwemana ku mpala a malo a lwomonyi a diabolo.

¹² Bwalo butena mbita utwatanda mbita a munyu yi maxi, kate yi makalanga yi mamanya yi mafumu a mwedima ou a bungi bwa loboko, yi malo mabi a bidimu mu melu kulu.

¹³ Mbwôso nwangati kilamba kindmandma kia bipiko bia Ncembi, binuxelubukwa kutanda mu diba dia bubi ; yi binuxelubukwa kwemana panakala nwamakwenca bintu bioso.

¹⁴ Mbwôso nwemani, nwamakoba makondu enu yi sôsôlwo, yi nwamalata kibukilu kia kiedi kia nkwami,

¹⁵ yi nwamalata makaka ku makasa enu a kilungikilu kia losangu lunengeia lwa polo.

¹⁶ Nwangati lolo ngabwe a kwetabusa ununalubukwa yinand kuncima mipulu mioso ya mudilu ya you a bubi.

¹⁷ Yi nwangati kifulu kia kipandilu kia môyo, yi mwele ă Mwoxixi, udi diyi dia Ncembi.

¹⁸ Nulombi ku bikondo bioso mu Mwoxixi, yi kulomba kwoso yi kubondabonda kwoso ; nudingili bwalo bobu yi mwoxinu mwoso yi mulombelelu mwoso ku bwalo bwa bena babala boso

¹⁹ yi ku bwalo bwamene, bixengupebwa mutôyelu, pa kudipula musuku ămene, ă kusakola bwalo busokoka yi mudma bwa losangu lunengela,

²⁰ lundi mukyend ku bwalo bwalu ku nkanu ; binxetôya yi mucima ku bwalo bwalu bea binxetôya.

²¹ Mo binuxelubukwa kabidi malo amene, bingwakala, Tikiko, mwakunyi munangibwi yi musadi a kibaku mu Fumu, unanulubukisa bintu bioso,

²² unamatuma kunudi ku mucwe ou binuxelubukwa mwakadilu ěcu, yi bixebondabondayi micima yenu.

²³ Folo akali yi bakunyi, yi nyinga misangisa yi kwetabusa, kudi Ncembi yi kudi Fumu Yisu Kalistu.

²⁴ Lwoxixi lwakali yi bungi bwabo bananga Fumwecu Yisu Kalistu kutena musalu.