EBELEO 2 - Disambi Dipyadipya

¹ KU mucwe ou ndo kutuxedika kubaka micima yecu ku bintubiamakwombwebwa, ximbi ambe ci tuxexelumuka.

² Bwalo ndo diy diakatôyebwa kudi bangele diakad bô, yi ndo kwona kwoso yi ntamu mioso biakasombolelebwa yi nkwami

³ coco pako tunapanduka beci ndc tunalekyela kunama kipandilu kia môyo kidi kinene noku ? kiakatôyebwa buxi kudi Fumu, yi kiakasubixibwa ku bwalo bwecu kudi bantu bakakwombwa ;

⁴ yi Ncembi kabidi akadi utanatôbôlañana yinabc ntôbô, yi ku bilembetelu yi ku bikamakama, yi ku makisa a ngulu a ntonga yi ntonga, yi ku malongi a Mwoxixi a babala akakwabanyibwa luna biakadi nyinga yenci.

⁵ Bwalo butatekayi loboko yilwa muxi mwa bangele lutanalanda kulwa lutwamakwambilañana ku bwalo bwalu.

⁶ Mo muntu amatôbôla mu kinga kidi ene, Muntu udi kiñani, bixemwela Owe nkanyi ? ndo Mwana a Muntu bixemwengola Owe ?

⁷ Wakamupwesa muxi mwa bangele kabende ; wakamulatisa kilongo kia dikai yi kia kinemu ; wakamuteka kulu kwa makisa a makaci ebe ;

⁸ wakateka bintu bioso muxi mwa makasa anci. Bwalo bwakatekayi bintu bioso muxi mwanci, akadi kasoxiya kintu kioso kitasotekyebwa muxi mwanci. Mo nkyekyu katusobemona bintu bioso biamatekyebwa muxi mwanci.

⁹ Mo twamona you akapwexebwa muxi mwa bangele kabende, Yisu, amalatixibwa kilongo kia dikai yi kia kinemu, bwalo bwa kutata kwanci kwa lufu, bixekikisayi lufu ku mucwe ă muntu mwoso bwalo bwa lwoxixi lwa Ncembi.

¹⁰ Bwalo bwakalelekyela yi you, apwakala bintu bioso ku bwalo bwanci, yi apwakala bintu bioso kudiyi, pa kufikisa bana bangi ku dikai, ndo kukukisa mwembu a kupandixibwa kwabo ku masama akatatayi.

¹¹ Bwalo budi you amabalola yi bobo bamabalolebwa bungi bwabo butonga bumobumwe ; ndo bitasofwayi bundu kubabikila ene, bakunyi ;

¹² ene, Nakwebesa dina diebe kudi bakunyi bamene ; pakacikaci pa kikokye ndo panakwembikixila.

¹³ Yi kabidi ene, Meme nakwakala muntu amamwetabuxila. Yi kabidi ene, Mona, meme yi bana bamampa Ncembi.

¹⁴ Mbwôso bwalo bwamakwabanyañana bana yi maxi yi munyu, yei kabidi mikyenci akasangila yi mwakadilu ou, bixelengolayi you ku lufu akadi yi mpinyu ya lufu, kulexi yi kutôya ene, diabolo ;

¹⁵ yi bixepaulayi bungi bwa bantu bakapwexebwa ku bupika kikondo kia môyo ăbo muncimancima, bwalo bwa bowa bwa lufu.

¹⁶ Bwalo butasokwatayi pako bangele, kate amakwata bana ba Abalami.

¹⁷ Mbwôso kwamalelekyela, yei kutekyebwa mu bintu bioso yi bakunyi banci bileli, bixeakalayi bokanda bunene bwa mwengo yi bwa kibaku mu bintu bidi ku bwalo bwa Ncembi, bixekwambayi bwalo bwa mabi a bantu.

¹⁸ Bwalo bwakatatayi kusama pa kwelekyexebwa ndo bwamalubukwayi kubakwacisa badi mu kwelekyexebwa.