EBELEO 1 - Disambi Dipyadipya

¹ NCEMBI, akatôyela babakulu kalikali mu badimuxi ku bicini bingi, yi ku mitôyelu mingi,

² amatutôyela coco ku sula kwa matuku aa noku mu Mwana, amatekayi muna mwokito a bintu bioso ; akapangayi mieciya mioso kudiyi.

³ You udi obo kaikai a dikai dienci, yi kifwanisa kia mwakadilu ănci, yi abamba bintu bioso ku diyi dia ngulu yenci. Pakadi yei amamana kikusudilu ku bwalo bwa mabi bienci, akaxikama ku kidyo kia Bunene kulu wapa ;

⁴ yi mo nako akalwa dika bangele kulu ku lwedi lolu Iwamakitayi dina mwokito diamadika diabo dinene.

⁵ Bwalo bwakatôyelayi ñani a bangele ku dituku dioso ene, Owe ndo Mwanami ; ku dituku dedi ndo kunamakulela ? Yi kabidi ene, Meme nakwakala ku bwalo bwanci Tete, yi yei unakala ku bwalo bwamene Mwana ?

⁶ Yi kabidi, pa kufikisa Mwana a buxi mu loboko, yei amatôya ene, Bangele boso ba Ncembi bamuxingili yei.

⁷ Yi ku bwalo bwa bangele kwatôyayi ene, You amateka bangele banci mpepele, yi basadi banci mwanga ă mudilu ;

⁸ mo ku bwalo bwa Mwana ene, Lukwasa lwebe Ncembi ludi lwa kô kô, yi kita kia nkwami kidi kita kia bufumu bwebe.

⁹ Wamananga nkwami yi wamanyañana kwona ; mbwôso Ncembi, Ncembi ebe, amakuxinga yi manyi a kiango kulu kwa bantu bamasangilañana yinebe.

¹⁰ Yi ene, Owe ku buxi buxi Fumu wakasubisa kibangolelu kia loboko, yi melu kulu adi makisa a makaci ebe ;

¹¹ bebi binafwa, mo Owe wasala ; yi bebi bioso binakala binunu luna kilamba,

¹² yi bea mucwala ndo binabibotaka Owe, yi binakulumunibwa ; mo Owe ulexi, yi mbula yebe kayinaxikila.

¹³ Mo kudi ñani a bangele kwamatôyayi ku kikondo kioso ene, Xikama ku kidyo kiamene binateka bantu katanda ka makasa ebe bamatanda yinebe ?

¹⁴ Ki bad bidimu binengela bungi bwabo biama sala mudimo ă Ncembi, biamatumibw ; ndo kusadila bantu batanalanda kuki ta kupandixibwa kwa môyo mwokito ?