3 YOANO 1 - Disambi Dipyadipya

¹ MWAMUKULU kudi Ngayo munangibwi, ungwananga mu sôsôlwo.

² Munangibwi, ngwakyeba uxetundwa mu bintu bioso, uxeakala yi mumbidi kukola, bea biaputundwa kidimu kiebe.

³ Bwalo bunakaxekyelela kungi, pakalwa bakunyi, yi bakatôbôla ntôbo dia sôsôlwo ebe, bea biendenda owe mu sôsôlwo.

⁴ Meme kiena yi kinga kiango kiamadika malo aa angwombombwa dia bana bamene ene, badi mu kwenda mu sôsôlwo.

⁵ Munangibwi, wamakwenca mudimo ă kibaku ku kintu kioso kiamakixila bakunyi, isanga badi bantu babene ;

⁶ bamatôbôla dia nyinga yebe ku mpala a kikokye ; bobo ndo unabendesa ku lwendo lwabo yi mwendexelu ă Ncembi, unakwenca bimpe ;

⁷ bwalo bwamabatukabo ku mucwe ă Dina, kutena kwangata kintu kudi mabila.

⁸ Mbwôso coco tuxeangata bena noku, bituxeakala basadisañani yi sôsôlwo.

⁹ Nakafundila kikokye diyi ; kate Diotolefe, amananga kwakala ku kidi kia buxi yinabo, kasotwangata.

¹⁰ Mbwôso, aka ndolwa, nakwela makisa anci lukanyi amakisayi, utwatabakanina ntabakani ya meyi mabi ; mo kasoxikila papo ; mikyenci kasoangata bakunyi, yi bobo baxebangata, yei amabakanda, yi amabatenyeka mu kikokye.

¹¹ Munangibwi, kwokodi bubi kate okola kunengela. You encenca kunengela udi munda Ncembi ; you encenca bubi kamoneni Ncembi.

¹² Demetelio amatôbôlebwa ntôbô kudi bantu boso, yi ku sôsôlwo mikyenci ; yi coco kabidi twatôbôla ntôbô yi wamalubukwa ene, ntôbô yecu idi sôsôlwo.

¹³ Nakadi yi mambi mangi a kukufundila, kate kisokyeba kukufundila yi mai a mukanda yi kaci ;

^14-15 mo ngwencenca ene, nakukumona mangwoso, yi tunakwambilañana ku mpala. Polo akali yinebe. Bimbila bikwelela môyo. Ela bimbila môyo ku dina ku dina.