2 YOANO 1 - Disambi Dipyadipya

¹ MWAMUKULU kudi mukyelengi a babakaxi musungudibwi yi bana banci, bangwananga mu sôsôlwo ; yi kumoni meme mutupu, kate bantu boso kabidi bamalubukwa sôsôlwo,

² ku mucwe ă sôsôlwo amasala munda mwecu, yi unakala yinecu kô kô.

³ Lwoxixi lunakala yinecu, yi mwengo, yi polo, kudi Ncembi Tete, yi kudi Fumu Yisu Kalistu, Mwana a Tete, mu sôsôlwo yi mu nyinga.

⁴ Nakaxekyelela kungi bwalo bunamasañana banga bana bebe badi mu kwenda mu sôsôlwo, bea bitwamangata mulangu kudi Tete.

⁵ Nkyekyu lolo nkwabondabonda, idyanga, kumoni bea kukufundila mulangu mupyamupya, kate ou utwakangata pôi bubangabanga, ene, tunangañani.

⁶ Kunu lolo kudi nyinga, ene, twendi bea biamalelekyela Smilangu yenci. Kunu kudi mungu, ene, byekyene binwamakwombwa pôi bubangabanga ndo binuxekwenda momu.

⁷ Ewalo bwamabatuka badimbañani bangi ku loboko, bobo batasosakola Yisu mulu mu munyu. Nako ndo mudimbañani yi Anti-Kalistu.

⁸ Nuditebeli mikyenu, bitutaxencimisa mutwamakisa, kate bituxeangata mafuto dyendeli.

⁹ Muntu mwoso amasokowa ku buxi, utasosala mu kweyesa kwa Kalistu, kiena yi Ncembi. You amasala mu kweyesa, yei udi yi Tete yi Mwana.

¹⁰ Aka muntu mwoso ulolwa kwenu, yi kasocwala kweyesa koku, kanumwangati munda mwa ncibo, kanumwedi môyo ;

¹¹ you pako umwelela môyo amasangila yi makisa anci mabi.

¹² Bwalo buntani yi mambi mangi a kunufundila, kisonanga ku lupepa yi mai a mukanda ; kate ngwencenca ene, nakulwa kwenu, kulwa ambilañana ku mpala, bixekuka kiango kiecu.

¹³ Bana ba muna kwebe a babakaxi musungudibwi bakwatumina môyo.