2 TIMOTEO 3 - Disambi Dipyadipya

¹ MO lubukwa bwalo bobu ene, ku matuku a nyuma kunakala bikondo bikola,

² Bwalo bunakala bantu banangi ba mikyeabo, banangi ba bima, bena mwanu, bena kukatala, bena mietangu, batasokwedeya bateteabo yi bamamabo, bata oxinga biloba, batena yi babala,

³ basaka yi nyinga ya paxi, bangangala yi bituku, batendañani ba bantu, batena yi mulangu, bena lopangu, batena yi nyinga ya malo anengela,

⁴ bengañani ba kwenga bantu, bena bosaka, bena masasa, banangi ba kiango, kumoni banangi ba Ncembi ;

⁵ badi yi bufwani bwa mwosambu ă Ncembi, mo bamanyañana ngulu yau ; kulumuka owe kabidi kudi bantu baba.

⁶ Bwalo bwa bena noku, banga bena kwabo bamabwela mu ncibo ya bantu, yi bamakwata babakaxi ba kanana luna misungi bamayibañana yi mabi, bamapucibwa yi minga xindilu mibi,

⁷ badi mu kweyeyeya matuku moso, yi kababiyi pô kufika ku kilubukilu kia sôsôlwo.

⁸ Yi bea biakatanda Yane yi Yambele yi Mosese ndo biatanda bantu baba kabidi yi sôsôlwo, badi bena misalu ku lukanyi, yi ku bwalo bwa kwetabusa kudibo basaluki batupu.

⁹ Kate kabanakokyela ku buxi nyô, bwalo bunamoneka budibi bwabo kudi bantu boso, bea biakalwa moneka bwabo bwa Yane yi Yambele.

¹⁰ Mo owe wamatomba tomba kweyesa kwamene, yi mwosambu amene, yi lukanyi Iwamene, yi kwetabusa kwamene, yi kicwandundu kiamene, yi nyinga yamene, yi bwika bwamene,

¹¹ yi kukolomonebwa kwamene, yi masama amene, yi malo akanguponena ku Antioko, ku Ikonyumu, ku Lustula ; yi makolomona anakakolomonebwa ; yi Fumu akangupaula mu bungi bwabio.

¹² Ya, yi bungi bwabo bamananga kwakala yi mwosambu ă Ncembi mu Kalistu Yisu banakolomonebwa.

¹³ Mo bantu babi yi bena lwomonyi ba mancanga banalekola yi bubi, badi mu kudimba bantu yi badi mu kudimbibwa.

¹⁴ Kaninga sala owe mu bintu biamakweya, yi biamakwetabuxixibwa, bwalo bwalubukwa bantu baba bamakweya owe kudibo ;

¹⁵ yi bwalo bwamalubukwa mikanda ya babala pôi kikondo kiakadi kana kabende, yamalubukwa kukuteka yi bwinu bwalo bwa kupandixibwa, ku kwetabusa kudi mu Kalistu Yisu.

¹⁶ Mukanda mwoso ă Ncembi ămatomenenebwa kudi Ncembi, yi ămalelekyela yi kweyesa yi kutongola yi kukwameya, yi kwekyelesa koku kudi mu nkwami ;

¹⁷ bixeakala muntu a Ncembi amakuka dyendeli, amalungikibwa dyendeli bwalo bwa mudimo mwoso unengela.