2 TIMOTEO 2 - Disambi Dipyadipya

¹ MBWÔSO subixibwa owe, mwanami, mu lwoxixi ludi munda mwa Kalistu Yisu.

² Yi bintu bebi biamakwombwa owe kundi ku mpala ya bena ntôbô bangi, ubabumbisibio badi bena kibaku, banalelekyela yi kweyesa banga bantu kabidi.

³ Tata biebe yinami bea disalai dinengela dia Kalistu Yisu.

⁴ Kakuna muntu umoumwe, ndo udi yi mudimo ă busalai, amaputolañana yi malo a môyo paxi, bixemuxekyelesayi amamwangata disalai.

⁵ Aka lolo muntu amaxindañana bibula, kasolatixibwa kilongo kutena amaxinda yi nkwami.

⁶ Muna mudimo amakamba mudimo uxeakala muntu a buxi a kudya dikapa dia mixekye.

⁷ Elañana nkanyi munda bwalo bwa diyi dingwatôya, bwalo bunakupa Fumu kilubukilu mu bintu bioso.

⁸ Ela Yisu Kalistu lukanyi, mubixibwi kudi bafu, muna bana ba Dafidi, bea bidi losangu lwamene lunengela,

⁹ lunamatacila kusama isanga ku nkanu luna muna bwalo bubi ; kate diyi dia Ncembi kadisosukibwa lukanu.

¹⁰ Ku mucwe ou ndo kungwombombwa bintu bioso yi bwika bwalo bwa bantu basungudibwi, bixeangatabo kupandixibwa kwa môyo kudi munda mwa Kalistu Yisu yi dikai dia kô kô.

¹¹ Diyi didi diyi dia ko ; bwalo ndo twamafwa yinanci, tunakala yi môyo kabidi yinanci ;

¹² ndo twatata yi bwika tunakala kabidi yi bufumu yinanci ; ndo coco tumwabila mwabu, yei kabidi unatwabila mwabu ;

¹³ ndo coco katuna yi kibaku, yei amasala yi kibaku ; bwalo butasolubukwayi kudiaba mikyenci mwabu.

¹⁴ Ubelesi malo aa nkanyi, ubatôbôleli yi ngulu ku mpala a Fumu, ene, kabatandañani ku bwalo bwa meyi, butena yi kutetowa kwoso, mo budi ku kuponexebwa kwa bantu bombombwa.

¹⁵ Palala yi mulukutu kudilongola mikyebe yi mwalakanu ă kwalakanibwa kudi Ncembi, musadi utena yi bwalo bwa kufwa bundu, udi mu kukala kala diyi dia sôsôlwo swi.

¹⁶ Mo dimbuka ku bwalo bwa ntabakani ya mwotangu ; bwalo bunakwenda bantu mpala kulu mu malo atena bowa bwa Ncembi,

¹⁷ yi diyi diabo dinantenta luna mbuta a kixenga. Badi yinabo ndo Umenayo yi Fileto.

¹⁸ Ku bwalo bwa sosôlwo, bobo bamapengowa ; bamatôya ene, kwombuluka kwa bafu kwamadika nkyekyu ; yi bamaponesa kwetabusa kwa banga bantu.

¹⁹ Kaninga kibangolelu kia Ncembi kiamasala bô, kidi yi kilembetelu kieki ene, Fumu amalubukwa bantu badi banci ; yi ene, Muntu mwoso amatamba dina dia Fumu ancuki ku bwalo butena nkwami.

²⁰ Mo mu ncibo munene mudi mpamba, kumoni ya ôlo mutupu, ndo ya kipiko kia mpalata ; kate ya mici kabidi, yi ya dibumba ; minga ya bowa, yi minga ya kanana.

²¹ Aka lolo muntu udiakusula mikyenci dyendeli ku mucwe ă yel noku, unakala mpamba a bowa, amabalolebwa, amalelekyela yi mudimo ă fumu a mpamba, amalungikibwa bwalo bwa mudimo unengela.

²² Mo cina xindilu mibi ya mapulwa, yi labela nkwami, kwetabusa, nyinga, polo, yi bantu baba bamakwabila Fumu mu mucima ă babala.

²³ Mo nyañana miapangusu ya budibi yitena yi bwinu, bwalo bwalubukwa ene, yamalelesañana mbata.

²⁴ Yi musadi a Fumu kaxetanda, kate uxeakala kulebela kudi bantu boso ; udi yi kieyexelu kia kweyesa, muna kicwandundu ;

²⁵ udi mu kukwameya bantu yi diedya bamatanda ; ndo ambeci Ncembi uxebelesa lwombixi bwalo bwa kilubukilu kia sôsôlwo ;

²⁶ yi bixebikabo mu mupeto ă diabolo bamasañanibwa yi môyo kudiyi, bixesadilabo nyinga yenci ya Ncembi.