2 KOLINTI 9 - Disambi Dipyadipya

¹ MO ku bwalo bwa mudimo ă kupapapa bena babala bintu, kakuna bwalo meme kunufundila.

² Bwalo bunamalubukwa nyinga yenu, yingwanina mwanu kudi bena Makyedonia, ene, Mbata a Akaya akalungikibwa mbula muncimancima ; yi mulukutu ěnu ămnyingisa bantu bangi bangi.

³ Kaninga namatuma bakunyi, bitaxetekyebwa mwanu ěcu kanana ku bwalo bwenu ku mucwe ou ; binuxeakala nwamalungikibwa bea binakatôya.

⁴ Ximbi ambeci ndo banga bena Makyedonia balolwa yinami, yi banwasañana kanusolungikibwa, coco (kumoni kutôya ene, nonu) baxefwa bundu bwalo bwa kwetabusa koku.

⁵ Mbwôso nakakwenca loko ndo kubondabonda bakunyi, bayi kwenu buxi, basangisi mwosangu ěnu ăka xiyidibwa kilaka buxi, bixelungikibwau luna ku bwalo bwa mucima, kumoni luna bwa bwefi.

⁶ Mo ngwatôya ene, you akuna palipaii unabuka palipali ; yi you akuna yi mucima unengela unabuka yi mucima unengela.

⁷ Muntu mwoso enci bea biamakwelayi lukanvi mu mucima ănci ; kumoni yi buxitu, ndo ku dibambu ; bwalo bwananga Ncembi mupanani upapa yi kiango.

⁸ Yi Ncembi ubili kuiekolesa lwoxixi lwoso kunudi ; mbwôso nonu, binwakala yi bwokokya bwoso matuku moso mu bintu bioso, nuxelekola kwakala yi mudimo mwoso unengela.

⁹ Bea biakafundibwa ene, Amacakanisa bintu ca ; amapa bakombi ; nkwami yenci yasala kô kô.

¹⁰ You lolo alongola mitongu kudi mukuni, yi bidya bia kudya, unanulongola mitongu ya kukuna yi unayilundisa ; yi unalelesa mamoma a nkwami yenu ;

¹¹ nonu pako pa kutekyebwa yi bodidi ku kintu kioso, nunakala yi kupa kwoso kwa kuxingisa bantu biloba ku mpala a Ncembi, pa kulongolebwaku kutudi.

¹² Mudimo ă busadi bobu kauna mo kwombudisa lwedi lwamasaka bena babala yinalu kutupu, kate ămalelesa kabidi biloba bingi ku mpala a Ncembi.

¹³ Bobo lolo bamatumbisa Ncembi ku bwalo bwa kilembetelu kia busadi bobu, ku mucwe ă diedya dienu dinwasakola bwalo bwa losangu lunengela lwa Kalistu, yi ku mucwe ă kupa kwenu kudibo yi kudi bantu boso ;

¹⁴ yi bobo mikyeabo kabidi, ku ndombu yabo yalombabo ku bwalo bwenu, banwadidila kungi bwalo bwa lwoxixi lwa Ncembi lungi ludi yinenu.

¹⁵ Ncembi axingibwi biloba bwalo bwa dilongi dienci ditabiyi kusakoiebwa dyendeli.