2 KOLINTI 12 - Disambi Dipyadipya

¹ NDI yi dibambu dia kwana mwanu isanga kakuna ndc kutetowa ; kate nakubetôya nkyekyu dia bimonenu yi biebexelu bia Fumu.

² Ngwalubukwa muntu mu Kalistu, pa Iwedi lwa mbula disangi yi inai, (ndo mu mumbidi, meme kisolubukwa ; ndo kunci kwa mumbidi, kisolubukwa ; Ncembi amalubukwa) ; muna noku akakwacibwa kulu pôi ku diulu diamusatu.

³ Yi ngwalubukwa muna noku, (ndo mu mumbidi ndo kunci kwa mumbidi, meme kisolubukwa ; Ncembi amalubukwa),

⁴ mwakakwacibwayi munda mwa Paladisi, yi akakwombwa meyi atabiyi kusakolebwa, atasolelekyela muntu kutôya.

⁵ Dia muna noku ndo dinakwana mwanu, kaninga dia mikyemi meme kinakwana mwanu utena dia mabombu amene.

⁶ Bwalo ndo nxekyeba kwana, kixeakala mudibi ; bwalo bunatôya sôsôlwo ; mo nkyekyu ngwalekyela ximbi muntu mwoso uxekwenca ku bwalo bwamene kulu kwa lwedi lungwamonayi ndo lungwombombwayi.

⁷ Yi ximbi nxebandixibwa kulu kwa lwedi bwalo bwa biebexelu bungi, mweba ăkangupebwa mu munyu, muna lutumu a Sătana, ndo kungukuma kuma ximbi nxebandixibwa kulu kwa lwedi.

⁸ Ku bwalo bobu meme nakalomba Fumu malomba asatu, mweba ăncuki kundi.

⁹ Yi yei akangwambila ene, Lwoxixi lwamene lukwakuka ; bwalo bwamakukixibwa ngulu yamene mu bubombu. Mbwôso nakwanina mabombu amene mwanu yi kiango kingi, bixexikama ngulu ya Kalistu kulu kwamene.

¹⁰ Mbwôso ngwaxekyelela mabombu, yi nkisu, yi makombi, yi kukolomonebwa, yi bipoma bia kusama, ku bwalo bwa Kalistu ; bwalo pakala meme ndi kulebela ndo pangwakala yi ngulu.

¹¹ Namalwa mudibi, yi nonu nwamanguteka noku. Bwalo bunxekwalakanibwa kunudi ; bwaio buntena muxi mwabo mwa bantu badi batumibwi banene, ku kintu kioso, isanga meme ndi kanana.

¹² Bilayixilu sôsôlwo bia mutumibwi biakakwencebwa pakacikaci penu yi bwika bwoso, ku bilayixilu, yi ku bikamakama, yi ku makisa a ngulu.

¹³ Nonu nwakatekyebwa muxi mwa binga bikokye mu kintu kai ? kitena ene, meme mikyemi kiakadi yi buxitu kunudi. Nungulekyeli kwona koku noku.

¹⁴ Mona, kieki kikondo kiamusatu ndo kinamakwenca ene, ndolwa kunudi ; yi kinakala kwenu yi buxitu ; bwalo buntasopalala bima bienu, kate mikyenu. Bwalo butaxebumbila bana batete bintu, kate batete baxebumbila bana bintu.

¹⁵ Yi meme nakuxekyelela kunumanina bintu, yi kunumaninibwa mikyemi bwalo bwa bidimu bienu, ndo isanga pa kudika kununanga kungi, meme nxepwekyelela yi kunangibwa kabidi.

¹⁶ Kaninga isanga nako, meme kianutekyela buxitu ; mo bwalo bunakadi yi bwanya nakanukwata ku buluba.

¹⁷ Meme nakanudimba ndo kudiangacila bintu bienu kudi muntu mwoso abo a bantu banakatuma kunudi ?

¹⁸ Nakalomba Tito, yi nakatuma yinanci mwakunyi. Tito pako akanudimba ndo kwangata bintu bienu ? Ka twamakwenda yi Mwoxixi umoumwe ? Ka bipokye biecu bilexi ?

¹⁹ Nonu nwakisa kikondo kincimancima, ene coco tudi mu kudielela mwalo kunudi. Twatôya ku mpala a Ncembi mu Kalistu ; mo twencenca bintu bioso, banangibwi, bwalo bwa kunwabaka nonu.

²⁰ Bwalo bungwacina ximbi ambeci pandolwa, nxenusañana kumoni bea bingwananga, yi meme nxesañanibwa kunudi bea binutasonanga ; ximbi ambeci bitumba bidiko, yi miekunyo, yi bisusu, yi nkalu, yi mietangu, yi mieñonuñonu, yi masasa, yi minyingu ;

²¹ ximbi pandolwa kabidi Ncembi amene uxengupwesa ku bwalo bwenu ; yi meme nakudidila bantu bangi bidilu bamakwona isanga pôi nkyekyu, yi kabadibeleli bwalo bwa mbindu, yi budibi, yi bwefi, biamakisabo.