2 KOLINTI 11 - Disambi Dipyadipya

¹ NXENANGA nonu kwekyela yinami kiekyelo ku bwalo bwa budibi bubende ; nwekyeli yinami lolo sôsôlwo.

² Bwalo buntani yi mwokunyo ku bwalo bwenu yi mwokunyo ă Ncembi ; bwalo bunakanusuka kudi mwamulumi umoumwe, binxenulongola luna muxika a babala kudi Kalistu.

³ Kaninga ngwacina ximbi ambeci bea biakadimba nyoka Efe ku bwanya bwanci bixesaludibwa nkanyi yenu bwalo bwa mucima umoumwe yi bwalo bwa babala unuxeakala yinau ku mpala a Kalistu.

⁴ Bwalo ndo you ulolwa ambila dia munga Yisu ututakwambidili, ndo nwangata munga Mwoxixi unutangacili, ndo lunga losangu lunengela lunutakwacili, nuxekwekyela yinanci sôsôlwo.

⁵ Bwalo bungwencenca ene, meme kiena muxi mwa batumibwi banga isanga badika yi butumibwi bwabo.

⁶ Mo isanga ntani muna kanana ku kutôya, kaninga kiena noku ku kilubukilu ; kate twakadi mu kwebesa bwalo dyendeli kunudi ku bintu bioso.

⁷ Meme nakakwenca bubi, pa kudipwesa mikyemi, binuxebandixibwa ? bwalo bunamanwambila losangu lunengela lwa Ncembi kutena difuto ?

⁸ Nakasanca binga bikokye, ndi mu kwangata difuto kudibo bwalo bwa kunusadila nonu.

⁹ Yi pakadi ntani yinenu yi nakakwayila, kiakadi yi muntu mwoso buxitu ; bwalo bwakangulongola bakunyi bintu binakasaka, bakalwa ku Makyedonia. Yi ku kintu kioso ndo ku namadiximba mikyemi, kiakali kwenu yi buxitu ; yi nakudiximba noku.

¹⁰ Bea bidi sôsôlwô a Kalistu munda mwamene, mwanu ou noku kaunakandibwa ku bwalo bwamene mu mbata ya Akaya.

¹¹ Ku bwalo kai ? Bwalo buntasonunanga ? Ncembi amalubukwa.

¹² Mo bingwencenca nakubienca kabidi, ndo kubancudila kipoma bamapalala kipoma ; mbwôso ku bwalo bwoso bwañanabo mwanu, banasañanibwa isanga luna bitudi coco.

¹³ Bwalo butani bena noku batumibwi ba mancanga, basadi ba ncimi ; bamadipilula mikyeabo ku batumibwi ba Kalistu.

¹⁴ Kumoni lolo kika-makama ; bwalo budiapilula Sata-na mikyenci ku mwangele a obo.

¹⁵ Mbwôso kumoni bwalo bunene ndo basadi banci badiapilula kabidi ku basadi ba nkwami. Dicindu diabo dinakala lwedi lwa makisa abo.

¹⁶ Ngwatôya kabidi ene, muntu kangwenci meme ene, mudibi ; kate ndo nako, nungwangati lolo bea mudibi, binxedianina mwanu biamene kabidi kabende.

¹⁷ Diyi dingwatôya ngwatôya kumoni luna dia Fumu, kate bea yi budibi, yi mucima ou ă kwana.

¹⁸ Bwalo bwañana bantu bangi yi mwaninu ă munyu, meme kabidi nakwana mwanu.

¹⁹ Bwalo bunwekyela ekyela yi badibi yi kiango, bwalo bunudi nonu bena bwinu.

²⁰ Bwalo bunwekyela yi muntu ndo unwapwesa ku bupika, ndo unudedya bintu, ndo unwabamba, ndo amadibandisa mikyenci, ndo unwakuma ku mpala.

²¹ Bwalo bwa bundu ndo bungwatôya, luna ndo coco twakadi yi kulebela. Kaninga ku kintu kioso kitani muntu yi mucima, (ngwatôya ku budibi), ndo kintani meme yi mucima kabidi.

²² Bobo badi bena Ebeleo ? Ka meme kabidi. Bobo badi bena Isalele ? Ka meme kabidi. Bobo badi bana ba Abalami ? Ka meme kabidi.

²³ Bobo badi basadi ba Kalistu ? (Ngwatôya luna muntu amapasuka). Ka meme namadika. Ku nkambi kukamba, meme ka kulu ; ku ncibo ya nkanu kubwela, meme ka kulu ; ku miekolola yitena lwedi ; ku ngufu kufwa, matuku mangi ;

²⁴ Kudi bena Yuda ndo kunakakumibwa makuma atano a miekolola masangi anai atena mwokolola umoumwe.

²⁵ Makuma asatu ndo nakakumibwa tunonge ; diela dimodimwe ndo nakakwelebwa mabwe ; mapudeya asatu ndo nakapudeyebwa kibusu ; butuku bumobumwe yi munyinya umoumwe ndo nakadikisa mu mai manene ;

²⁶ ku ngendo matuku mangi ; yi ku mitete ya ncedi ; yi ku mitete ya befi ; yi ku mitete kudi bubila bwamene ; yi ku mitete kudi bena mabila ; yi ku mitete munda mwa bula ; yi ku mitete mu mbata a kisobe ; yi ku mitete ku mai manene ; yi ku mitete kudi bakunyi ba mancanga ;

²⁷ yi ku nkambi, yi ku mpeya, yi ku kukyesa kwa butuku ; yi ku ncak yi nyota ; yi ku ncilu mingi ya bidya kuncila ; yi ku maxika yi butaka

²⁸ Kutena kutôya dia amo malo buxitu budiko bungwalula ku dituku ku dituku, mutete ku bwalo bwa bikokye bioso.

²⁹ Ñani udi kulebela, yi meme kisolebela ? Ñani amapwexebwa, yi meme kisonyungula ?

³⁰ Akali meme ndi yi dibambu dia kwana mwanu, nakwana mwanu bwalo bwa bintu bia kulebela kwamene.

³¹ Ncembi yi Tete a Fumt Yisu,—you amatumbixibwa mieciya mioso,—amalubukwa ene, meme kisodimba.

³² Ku Damasako, mulopwe muxi mwa Aletasa fumu, akanama bula bwa bena Damasako ndo kungukwata ;

³³ yi ku mbelo mubende kunakapwexebwa munda mwa kisakwa, pa kididi ; yi nakakwongoloka mu makaci anci.