1 TIMOTEO 5 - Disambi Dipyadipya

¹ KUKAMI mwamukulu dikamu, kate umubondibondi bea tete ; mapulwa bea bena kwebe ;

² babakaxi badi babakulu bea bamama, babakaxi badi babaki bea bangasanebe, yi babala mwoso.

³ Nemeka bakaxi ba bafu badi bakaxi ba bafu sôsôlwo.

⁴ Mo ndo mukaxi mwoso a mufu udi yi ndo bana ndo bakilo, bobo beyi buxi kwebesa bena kidi kiabo bowa bwa Ncembi mikyeabo, yi kusayila bateteabo yi bamamabo ; bwalo budi noku yi nonu ku meso a Ncembi.

⁵ You lolo udi mukaxi a mufu sôsôwo yi amakyenga, udi yi mudingidilu ănci ămadingidilayi Ncembi, yi amaxina xina yi milombelelu yi ndombu, yi ku butuku yi ku munyinya.

⁶ Mo mwamukaxi you amakwekyela ekyela yi kiango kia paxi udi mufu isanga udi yi moyo.

⁷ Langa bintu bebi iolo, bixeakalabo kutena bwalo kubakaminibwa dikamu.

⁸ Mo ndo muntu mwoso kasolungika bidya bwaio bwa bantu banci, yi bwalo pako bwa bena nkumbu anci, amanyañana kwetabusa, yi amadika muntu bubi utena mwetabuxi.

⁹ Mukasa a mufu, ndo kunamibwa ku mukanda, uxeakala kumoni muxi mwa mbula masangi asambomo, akadi mukaxi a mwamulumi umoumwe,

¹⁰ amatôbôlelebwa ntôbô bwalo bwa makisa anengela ; ndo amalundisa bana, ndo amakwekyela yi kwangata kwa bena ngendo, ndo amakusula makasa a bena babala, ndo amakwapola maxitu a bena maxitu, ndo amalukutila mudimo mwoso unengela.

¹¹ Mo nyañana bakaxi ba bafu badi babaki, bwalo panakalabo yi budibi ku bwalo bwa Kalistu, bamakyeba kuya mabakwa ;

¹² badi yi lopelo bwalo bwamanyañanabo kwetabusa kwabo kwa buxi.

¹³ Yi beyeya kabidi kwakala bena bixituxitu, bamakwendañana ku ncibo ku ncibo ; yi kumoni bena bixituxitu batupu, kate bena ximandwandwa kabidi yi bena kisoka, badi mu kutôya malo ataxetôyabo.

¹⁴ Mbwôso ngwananga ku bwalo bwa bakaxi ba bafu badi babaki, ene, bayi mabakwa, baleli bana, banami ncibo, kabaxiyidi mutandanani kipoma kia kutangola mwotangu ;

¹⁵ bwalo kwamapengowa banga bantu isanga nkyekyu kuya landa Satana.

¹⁶ Aka mwamulumi mwoso ndo mwamukaxi mwoso amakwetabusa udi yi bakaxi ba bafu ku bulungu bwanci, ubadisi ; yi kikokye kakitekyebwi buxitu ; bixedisakio bantu badi bakaxi ba bafu sôsôlwo.

¹⁷ Babakulu bamanama kikokye loko belekyexebwi ene, bamalelekyela yi kunemekyebwa yi diedya dingi, yi bobo pako bamakamba mu diyi yi mu bweyexi.

¹⁸ Bwalo bwamatôya mukanda ă Ncembi ene, Kusuki musuku ă ñombi panyata nyatayi miebele. Yi ene, Muna mudimo amalelekyela yi difuto dienci.

¹⁹ Ku bwalo bwa mwamukulu, kwombwi bwalo bwoso butena bena ntôbô badiko ndo babidi ndo basatu.

²⁰ Bobo bonona, ubakami makamu ku mpala a banlu boso, bixeakala banga bantu kabidi yi bowa.

²¹ Nkwalanga ku mpala a Ncembi yi a Kalistu Yisu yi a bangele basungudibwi, ene, unami bintu bebi kutena kutebela mimbidi ya bantu, kumoni kwenca kintu kioso bwalo bwa kikanda.

²² Kubaki makaci ebe kulu kwa muntu mangwoso, kwabanyi lolo yi mabi a banga bantu ; udinami mikyebe yi babala.

²³ Kunwi mai kanana kabidi, kate enca yi finyo mubende ku bwalo bwa difu diebe, yi ku bwalo bwa masama ebe a matuku mangi.

²⁴ Mabi a banga bantu adi ku meso, ayeya buxi ku lopelo ; mabi a banga bantu kabidi amabalanda.

²⁵ Mo nako makisa anengela kabidi adi ololwo ; yi aa atena ololwo kabiyi kusokokyebwa.