1 TIMOTEO 3 - Disambi Dipyadipya

¹ DIYI didi diyi dia ko ; aka muntu amapalala mudimo ă munami a kikokye, amakyeba mudimo unengela.

² Mbwôso munami udi yi dibambu dia kwakala kutena bwalo bubi, muna mukaxi umoumwe, muna bweso, muna mulangu, muna bileli mu bintu bioso, amakwekyela yi kwangata angata bantu babene ; udi yi kieyexelu kia kweyesa ;

³ kumoni muna mulaku ă malufu, kumoni mukumañani a bantu  ; kate kulebela, kumoni mwelesafiani a mbata, kumoni muna ndôi a bima ;

⁴ muntu amabumba bena ncibo anci mikyenci yi nkwami, udi yi bana banci bamwedeya yi diedya yi buxitu bwoso.

⁵ Kaninga ndo muntu kasolubukwa mwa kubumba ncibo anci mikyenci, unanama kikokye kia Ncembi beci ?

⁶ Kumoni mwenyambango, ximbi pa kwolubixibwa disasa uxepona mu lopelo lwa diabolo.

⁷ Bunga bwalo kabidi ; uxeakala yi ntôbô yinengela kudi bantu badi kunci ; ximbi uxepona mu dikamu kukamibwa yi mu mupeto ă diabolo.

⁸ Basadi kabidi ba kikokye baxeakala bena buxitu, kumoni bena ndimi ibidi, kumoni bena nkolwa ya malufu, kumoni yi biloko bia bima bia mbindu ;

⁹ udi mu kubamba bwalo busokoka bwa kwetabusa mu kilubukilu kia munda kia babala.

¹⁰ Bobo lolo belekyexebwi buxi ; kunyuma, basali mudimo ă basadi ba kikokye, akali kabena yi bwalo bubi.

¹¹ Babakaxi mo nako baxeakala bena buxitu, kumoni bena mietangu, mo bena mulangu, bena kibaku mu bintu bioso.

¹² Basadi ba kikokye bakali bena mukaxi umoumwe, badi mu kubumba bana babo yi ncibo yabo loko.

¹³ Bwalo bwa bantu bamasala mudimo loko ă basadi ba kikokye bamadiangadla kikupu kinengela, yi dikimu dingi ku mucima mu kwetabusa kudi mu Kalistu Yisu.

¹⁴ Nkwafundila bintu bebi, bwalo buntanadingila kulwa kudi mo nkyekyu ;

¹⁵ mo ndo ngwaxikama kikondo, bixelubukwa owe muxeakala muntu yi mwosambu unengela mu ncibo a Ncembi, udi kikokye kia Ncembi a môyo, mutondo ă sôsôlwo yi kisubixilu kienci.

¹⁶ Yi bwalo busokoka budi bunene kutena mbata, bwa bowa bwa Ncembi. You akakwebexebwa mu munyu akasuwixibwa ku Mwoxixi, akamonebwa kudi bangele, akakwambidibwa kudi mabila, akakwetabuxidibwa ku loboko, akangacibwa kulu mu dikai.