1 TIMOTEO 2 - Disambi Dipyadipya

¹ MBWOSO ngwabondabonda, buxi bwa bintu bioso, ene, balombeli yi miapangusu, yi ndombu, yi milombelelu, yi biloba, ku micwe ya bantu boso ;

² ku micwe ya bafumu yi ya bena bikupu bioso, bituxeakala yi môyo ă nya yi ă polo, yi bowa bwoso bwa Ncembi yi mwosambu ă buxitu.

³ Bwalo bobu budi bunengela yi bwa ñonu ku meso a Ncembi Mupandixi ecu ;

⁴ amananga bantu boso bapandixibwi, yi bafiki ku kilubukilu kia sôsôlwo.

⁵ Bwalo budiko Ncembi umoumwe, yi musambodi umoumwe pakacikaci pa Ncembi yi bantu, mikyenci ndo muntu, Kalistu Yisu,

⁶ akadilongola mpiku ku micwe ya bantu boso ; ntôbô kutôbôlebwa ku bikondo biayo.

⁷ Meme nakatekyebwa mwambidi ayo yi mutumibwi ayo (ngwatôya sôsôlwo, kisodimba), mweyexi a mabila mu kwetabusa yi mu sôsôlwo.

⁸ Mbwôso ngwakyeba babalumi balombeli mu kidi kioso, badi mu i kwombulula makaci a babala, kutena bisusu yi kutena mwoxituxitu.

⁹ Mo nako kabidi babakaxi badibongesi yi bilamba bia lwedi, yi bundu yi lukanyi lwa mulangu ; kumoni yi nyonyi miluka, ndo yi ôlo, ndo yi mabwe a lwoxixi, ndo yi bilamba bia maso akola,

¹⁰ kate yi makisa anengela bea bialelekyela yi babakaxi badi mu kusakola mwosambu ă Ncembi.

¹¹ Mwamukaxi a-eyi yi polo yi diedya dioso.

¹² Mo kisokwetabuxila mwamukaxi kweyesa, ndo kwakala yi bumanya kulu kwa mwamulumi kumoni, kate kwakala yi polo nya.

¹³ Bwalo bwakapangibwa Adami buxi, kunyuma Efe ;

¹⁴ yi Adami akadi kasodimbibwa, kate mwamukaxi biakadimbibwayi akapona mu kwona.

¹⁵ Kaninga unapandixibwa ku kulela kwanci, akali bamaxina yi kwetabusa yi nyinga yi kubalolebwa, yi lukanyi lwa mungu.