1 KOLINTI 8 - Disambi Dipyadipya

¹ NKYEKYU bwalo bwa bintu biamalongolebwa ngixi, twalubukwa ene, bungi bwecu badi yi kilubukilu. Kilubukilu ndo kiamakwolubisa muntu disasa, mo nyinga yamamwabaka luna ncibo,

² Aka muntu encenca ene, amalubukwa kintu kioso, ukidi kasolubukwa bea bixelubukwayi.

³ Mo ndo muntu, mwoso ananga Ncembi, kayou amalubukibwa kudiyi.

⁴ Mbwôso ku bwalo bwa bintu kudya biamalongolebwa ngixi malongi, twalubukwa ene, ngixi udi kanana ku loboko, yi ene, munga Ncembi kienako utena umoumwe,

⁵ Isanga banga badiko bamabikidibwa ene, baNcembi, ndo mu diulu ndo pa loboko, (bea biapwakala baNcembi bangi, yi bafumu bangi),

⁶ kate ku bwalo bwecu, Ncembi udiko umoumwe, Tete ; bintu bioso bidi ndo bienci ; yi coco tudi yi moyo ku bwalo bwanci ; yi Fumu umoumwe, Yisu Kalistu ; kudiyi kwamapangibwa bintu bioso, yi coco tudi yi môyo kudiyi.

⁷ Kaninga mu bantu boso kamuna kilubukilu kia noku ; banga bakidi yi kilubukilu kia munda kia ngixi pôi ola you badedya bea kudya kintu kiamalongolebwa ngixi ; yi bwalo budi kilubukilu kiabo kilebeia, kiamapindixibwa.

⁸ Mo bidya kabisotuteka yi dikasa dinengela ku mpala a Ncembi ; coco ndo katusodya, katusopwekyelela ; yi coco ndo tudedya, katusotetowa.

⁹ Mo nudingili ximbi bumanya bwenu bobu noku buxeakala kiponexelu kia bantu balebela.

¹⁰ Ndo muntu mwoso ukwamona owe muna kilubukiiu wamaxikama ku bidya ku nkinda a ngixi, ka kilubukiiu kienci kia you udi kulebela kinasubixibwa ndo kudya bintu biamalongolebwa ngixi ?

¹¹ Mo nako bwalo bwa kilubukilu kiebe, you muntu ulebela unandmina,—mwakunyi you akafwila Kalistu.

¹² Mo nako pa kwonena bakunyi, yi pa kutapa kilubukilu kiabo kiiebela, nwamakwonena Kalistu.

¹³ Mbwôso ndo nyama kudya kwamaponesa muna kwami, meme kinadya munyenye kabidi nyô nyô, bintaxeponesa muna kwami.