1 KOLINTI 7 - Disambi Dipyadipya

¹ NKYEKYU ku bwalo bwa bintu binwakangufundila ; kudi kunengela ndo muntu kasobaka mwamukaxi.

² Kaninga ku bwalo bwa madibi, mwamulumi mwoso akali yi anci mukaxi, yi mwamukaxi mwoso akali yi anci mwamulumi.

³ Mwamulumi alongoli mukasanci walo bwalelekyela yi nkwami ; mo nako kabidi mwamukaxi yi bayenci.

⁴ Mwamukaxi kiena yi bumanya kulu kwa mumbidi ănci mikyenci, ate kudi mwamulumi ; mo nako abidi mwamuiumi kiena yi bumanya ulu kwa mumbidi ănci mikyenci, ate kudi mwamukaxi.

⁵ Kanunciikañani kutena nwamakwetabusaana nako kakondo, binuxedinamuna likyenu bwalo bwa kulomba ; yi nusangilanani kabidi, ximbi Satana uxenwelekyesa bwalo bwa nyinga mibi.

⁶ Kaninga ngwatôya diyi dedi, bea luna kwetabusa noku, kumoni bea kulanga mulangu.

⁷ Mo nxenanga kumona bantu boso bea mikyemi. Kate muntu mwcso udi yi dilongi dienci kudi Ncembi ; you yi mwosambu ou, you yi mwosambu yiwa.

⁸ Mbwôso ngwatôyela banciki yi bakaxi ba bafu ene, kudi loko yinabo ndo basala bea bindi meme.

⁹ Mo akali kababiyi kudiximba bayi mabakwa ; bwalo bwa kubaka dibakwa kwamadika loko, kunyungula ku mudilu kumoni.

¹⁰ Ku bwalo bwa bena mabakwa, meme ngwatôya, (mo meme kumoni, kate Fumu), ene, mwamukaxi kancuki kudi bayend.

¹¹ Kaninga ndo amancudibwa, asali kutena dibakwa, sungu abondanani yi bayenci ; yi mwamulumi kakadeyi mukasanci.

¹² Mo ku bwalo bwa banga bantu, meme ngwatôya, kumoni Fumu, ene, aka mwakunyi udi yi mukaxi utasokwetabusa, yi yei amona loko kusala yinand, you kamukadeyi.

¹³ Yi mwamukaxi mwoso udi yi bayend utasokwetabusa, akali yei amona loko kusala yinand, you kaxiyi bayend.

¹⁴ Bwalo bwamabalolebwa mwamulumi utasokwetabusa kudi mukaxi ; yi mwamukaxi utasokwetabusa amabalolebwa kudi mwakunyi ; ximbi bana benu baxeakala yi lobindu ; mo nkyekyu badi babala.

¹⁵ Mo ndo you utasokwetabusa amancuka, ancuki. Mwakunyi ndo a babalumi ndo a babakaxi kiena yi dibambu ku malo a noku, mo Ncembi amatubikila ndo kwakala yi polo.

¹⁶ Owe mwamukaxi walubukwa beci, ndo ambeci unapandisa bayebe ? Owe mwamulumi walubukwa bed, ndo ambeci unapandisa mukaxebe ?

¹⁷ Mo bea biamakwabanyila Fumu muntu mwoso, yi bea biamabikila Ncembi muntu mwoso, ndo bixekwendayi. Yi ngwalungika noku ku bwalo bwa bikokye bioso.

¹⁸ Muntu mwoso amabikidibwa, amakwelebwa bwadi ? Katulowi muna mwontonto. Muntu amabikidibwa udi muna mwontonto ? Kyelebwi bwadi.

¹⁹ Kwelebwa bwadi kudi kanana, yi mwontonto udi kanana ; kate kunama kwa milangu ya Ncembi kudi bwalo.

²⁰ Muntu mwoso asali mu mudlmo ăkabikidibwayi yinau.

²¹ Owe wamabikidibwa, udi mupika ? kumoni bwalo ; kate ndo ubili kwakala kanana, tunga noku.

²² Bwalo bwa mupika, ndo amabikidibwa noku mu Fumu, udi kwa Fumu muna bula ; mo nako muna bula ndo amabikidibwa noku udi mupika a Kalistu.

²³ Nwamakwodibwa ku diso ; kanwakadi bapika ba bantu.

²⁴ Bakunyi, muntu mwoso asali yi Ncembi mu mudimo ăkabikidibwayi yinau.

²⁵ Ku bwalo bwa mixika lolo meme kiena yi mulangu ă Fumu ; mo ngwasambola sambo amene bea muntu amangata mwengo kudi Fumu ndo kwakala yi kibaku.

²⁶ Mbwôso ngwencenca ene, kudi kunengela ku bwalo bwa buxitu bwa nkyekyu, muntu kwakala bea bidiyi.

²⁷ Owe wamasukibwa kudi mukaxi ? Kupaladi kusudibwa. Owe wamasudibwa kudi mukaxi ? Kupaladi mukaxi.

²⁸ Mo akali wabaka mukaxi dibakwa, kwakwona ; yi akali muxika uyeya dibakwa, kakwona. Kaninga bena noku banakala yi mpeya ku munyu ; mo ngwakyeba kunuximbila buxitu.

²⁹ Mo ngwatôya diyi dedi bakunyi, ene, Kikondo kitanaxikila ; mbwôso bobo badi bena bakaxi bakali bea kutena bakaxi ;

³⁰ yi bobo badila bea bantu batasodila ; yi bobo baxekyelela bea bantu batasoxekyelela ; yi bobo bolola bea bantu badi bena makaci matupu.

³¹ Yi bobo bencenca yi loboko lolu, kumoni bea kudiencela yinalu kanana ; bwalo bwadikanana mwosambu ă loboko lolu.

³² Mo ngwakyeba nuxeakala kutena maxitu. You utena muna dibakwa ndo anama bintu bia Fumu, mwa kuxekyelesa Fumu.

³³ Yi you udi muna dibakwa ndo anama bintu bia loboko mwa kuxekyelesa mukasanci.

³⁴ Mukaxi lolo amaxiyañana yi muxika. Mwamukaxi utena muna dibakwa ndo anama bintu bia Fumu, bixeakalayi yi babala ku mumbidi yi ku kidimu ; mo you amaya dibakwa ndo anama bintu bia loboko, mwa kuxekyelesa bayenci.

³⁵ Mo ngwatôya noku ndo kunutetowesa ; kumoni kunusukila disudi, kate bwalo bwa mwosambu unengela, binuxedingila bwalo bwa Fumu kutena kubasabasa.

³⁶ Mo ndo muntu encenca ene, kasokwenca yi mwosambu unengela bwalo bwa muxika anci, ndo yei unakala amadika bwabuki bwanci, yi bwalo buxeakala noku, akisi mwanangayi, kasokwona ; babakañani dibakwa.

³⁷ Kaninga you asala mu mucima ănci bô, kutena dibambu dia kwenca noku, mo udi yi bumanya ku bwalo bwa nyinga yenci mikyenci, yi amakwela lukanyi mu mucima ănci ene, uxenama muxika anci mikyenci, yei ndo encenca loko.

³⁸ Mbwôso you umupapa kuya dibakwa encenca loko ; mo you utasomupa kuya dibakwa ndo adika kwenca loko.

³⁹ Mukaxi amasukibwa ku kikondo kincimancima kitani bayenci yi môyo ; mo ndo mwamulumi amalala tulu, udi yi nkwami ndo kuya dibakwa kudi muntu mwoso anangayi ; mo mu Fumu mutupu.

⁴⁰ Kaninga amadika yi kiango kienci ndo amasala noku, ku sambo ungwasambola meme ; yi ngwencenca ene, meme kabidi ntani yi Mwoxixi a Ncembi.