1 KOLINTI 16 - Disambi Dipyadipya

¹ NKYEKYU ku bwalo bwa mwosangu ă kusangila bena babala, nwenci nonu kabidi bea binakatôyela bikokye bia Ngalatia.

² Ku diba dia buxi dia lumingu, muntu mwoso enu adibumbili dibomba bienci bea biapwakalayi yi bintu, bitaxesangibwa miesangu pandolwa.

³ Yi binamafika, bantu boso banunakwalakana nonu ku mikanda, nakubatuma bayi fikisa dilongi dienu ku Yelusaleme.

⁴ Ndo lolo kwalelekyela meme kuya kabidi, bobo banaya yinami.

⁵ Yi nakulwa kunudi binamamana kudika mu Makyedonia, bwalo bungwadika mu Makyedonia.

⁶ Mo ambeci nakubesala yinenu, isanga ambeci kumana ngondo ya maxika yinenu ; binuxengwendesa ku lwendo Iwamene kwoso kungwendenda.

⁷ Bwalo buntasonanga kunumona nkyekyu mu ncila ; bwalo bungwencenca ene, nakuxina yinenu kikondo ndo Fumu unakwetabusa.

⁸ Mo nakusala ku Efeso pôi Pentekosto.

⁹ Bwalo bwamangudipudibwa mbelo munene yi a mudimo unengela, yi bono bamatanda bado bangi.

¹⁰ Akali lolo Timoteo ulolwa, nudingili bixeakalayi yinenu kutena bowa ; bwalo bwakisayi mudimo ă Fumu bea bingwakisa meme kabidi.

¹¹ Mbwôso muntu umoumwe kumutamuna kumoni, mo numuxindikisi yi polo, alwi kundi ; bwalo bumwadingila yi bakunyi.

¹² Ku bwalo bwa muna kwecu Apolo, nakamubondabonda kungi, alwi kunudi yi bakunyi ; mo akadi kiena yi nyinga pô ya kulwa nkyekyu ; mo unalwa panamonayi kipoma kia loko.

¹³ Nudingili, nwemani mu kwetabusa bô, nwenci bea babalumi, nwakali yi ngulu.

¹⁴ Bintu bienu bioso biencebwi yi nyinga.

¹⁵ Nkyekyu meme nwabondabonda bakunyi, (nwalubukwa ncibo a Stefanasa ene, udi somo a buxi a Akaya, yi ene, bamadilungika ndo kusadila bena babala),

¹⁶ ene, nwedeyi bena noku, yi muntu mwoso kabidi amasangila yi mudimo ou, yi encenca mudimo.

¹⁷ Ngwaxekyelela kilulu kia Stefanasa yi Fôtunato yi Akaiko, bwalo bwamankisabo bintu biakasaka ku bwalo bwenu.

¹⁸ Bwalo bwamasubisabo kidimu kiamene yi kienu ; mbwôso nunemeki bena noku.

¹⁹ Bikokye bia mu Asia binwelela môyo. Akwila yi Pilisikila banwelela môyo mungi mu Fumu, yi kikokye kitani mu ncibo abo.

²⁰ Bungi bwa bakunyi banwelela môyo. Nubisanani yi kunyita kwa babala.

²¹ Môyo kundi meme, Paulu, mufunda yi kianca kiamene mikyemi.

²² Aka muntu mwoso kasonanga Fumu, afingibwi difingu. Fumu ulolwa.

²³ Lwoxixi lwa Fumu Yisu Kalistu lwakali yinenu.

²⁴ Nyinga yamene yakali yinenu bungi bwenu mu Kalistu Yisu. Amen.