1 KOLINTI 15 - Disambi Dipyadipya

¹ NKYEKYU bakunyi, nwasakolela losangu lunengela lunakanwambila, lunwakangata kabidi, lunwemana munda mwalu kabidi,

² lunwamapandixibwa yinalu kabidi ; ndo nwanamata ku diyi dedi dinakanwambila losangu yinadio, kutena nwamakwetabusa kanana.

³ Bwalo bunakanulongola buxi bwa bintu bioso diembi dinakangata kabidi ene, Kalistu akafwa ku bwalo bwa mabi ecu luna biakatôya mikanda ya Ncembi ;

⁴ yi ene, akancikibwa ; yi ene, amabixibwa ku diba diamusatu luna biakatôya mikanda ya Ncembi ;

⁵ yi ene, akamoneka kudi Kyefasa ; kunyuma kudi disangi yi babidi ;

⁶ kunyuma akamoneka kudi bakunyi badika lwedi Iwa nkama itano ndongo, bamasala kicini kiabo kinene pôi nkyekyu, mo banga bamalala tulu.

⁷ Kunyuma akamoneka kudi Yakobo ; kunyuma kudi batumibwi boso.

⁸ Ku sula kwa bantu boso, kwakamonekayi kundi meme kabidi, bea kudi muntu amalelebwa kunyuma kwa kikondo.

⁹ Bwalo bunamafwila banga batumibwi bubende nci, utasolelekyela yi kubikidibwa ene, mutumibwi, bwalo bunakakolomona kikokye kia Ncembi.

¹⁰ Kaninga bwalo bwa lwoxixi lwa Ncembi ndo bundi munapwakala, yi lwoxixi lwanci Iwakangupebwa kalwakadi kanana ; kate nakabadika bungi bwabo yi kukamba kwa mudimo mungi ; mo kumoni meme, kate lwoxixi Twa Ncembi lwakadi yinami.

¹¹ Mbwôso ndo meme ndo bobo, coco twamakwămbila noku yi nonu nwakakwetabusa noku.

¹² Aka lolo Kalistu amakwambididibwa ene, akabixibwa kudi bafu, banga badi yinenu bamatôya beci ene, kwombuluka kwa bafu nyô ?

¹³ Mo akali kwombuluka kwa bafu kakunako, Kalistu lolo akadi kasobixibwa ;

¹⁴ yi ndo Kalistu akadi kasobixibwa, kwambila kwecu kudi kanana, yi kwetabusa kwenu kudi kanana kabidi.

¹⁵ Ya, yi coco twamasañanibwa batôbôdi ba ncimi dia Ncempi, bwalo butwamatôbôla dia Ncembi ene, akabisa Kalistu ; utabisayi ndo bafu kabasobixibwa.

¹⁶ Bwalo ndo bafu kabasobixibwa, Kalistu lolo kiena mubisa.

¹⁷ Yi ndo Kalistu kiena mubisa, kwetabusa kwenu kudi kanana ; nukidi mu mabi enu.

¹⁸ Mbwôso bobo kabidi bamalala tulu mu Kalistu bamancimina nya.

¹⁹ Ndo tutani yi mudingidilu bwalo bwa Kalistu mo ku môyo ou, twamadika bantu boso bena maxitu.

²⁰ Mo nkyekyu Kalistu amabixibwa kudi bafu, somo a buxi a bantu bamalala tulu.

²¹ Bwalo bwakalwa lufu kudi muntu, kudi muntu kabidi kulolwa kwombuluka kwa bafu.

²² Luna bifofwa bantu boso mu Adami, binatekyebwa bantu boso yi môyo mu Kalistu kabidi.

²³ Kaninga muntu mwoso mu kikondo kienci ; Kalistu ndo somo a buxi, kunyuma bobo badi bena Kalistu ku kilulu kienci.

²⁴ Kunyuma kunalwa ku sula, panalongolayi bufumu kudi Ncembi Tete, panakala amapwesa bunene bwoso, yi bumanya bwoso, yi ngulu mioso.

²⁵ Bwalo bunakalayi yi bufumu pôi kikondo kinakalayi amapwesa batandañani boso muxi mwa makasa anci.

²⁶ Mutandañani a ku sula unalengolebwa udi lufu.

²⁷ Bwalo bwamapwesayi bintu bioso muxi mwa makasa anci. Mo patôyayi ene, Bintu bioso biamapwexebwa, twalembetela ene, you kasopwexebwa akapwesa bintu bioso muxi mwanci.

²⁸ Yi panakala bintu bioso biamapwexebwa muxi mwanci, kunyuma Mwana kabidi mikyenci unapwexebwa muxi mwa you akapwesa bintu bioso muxi mwanci, bixeakala Ncembi bintu bioso mu bintu bioso.

²⁹ Ape kutena noku, bobo pako banakwenca beci bamanumeyebwa ku micwe ya bafu ? Ndo bafu kabasobixibwa pô, kukai lolo bantu bamanumeyebwa ku micwe yabo ?

³⁰ Kukai coco kabidi twamakwemana yi mutete ku ola mwoso ?

³¹ Ngwatôya ku bwalo bwa mwanu ěnu ungwañana mu Kalistu Yisu Fumwecu ene, ntanafwa dituku dioso.

³² Ndo namatanda yi nyama ku Efeso yi mutandilu ă bantu, kutetowa kwamene kudi kupai ? Ndo bafu kabasobixibwa, tudi, tunwi, bwalo butufofwa mankyelo.

³³ Kanudimbibwi ; kusangila yi malo mabi ndo kwasalula miesambu yinengela.

³⁴ Nubiki yi mwosambu ă nkwami, kanwoni ; bwalo butena banga bantu yi kilubukilu kia Ncembi ; ngwatôya noku ndo kunuxipa bundu.

³⁵ Kate munga muntu unatôya ene, Bafu babixibwa beci ? balolwa yi mumbidi ă mwocindu kai ?

³⁶ Mudibi, kintu kiakuna owe kakisobixibwa yi môyo kutena kiamafwa.

³⁷ Yi kintu kiakuna owe, kusokuna mumbidi ou unakalakio yinau, kate mutongu mutupu, ambeci ă mwobeli, ndo ă bunga butonga.

³⁸ Mo Ncembi amaupela mumbidi ămamonayi loko, yi ku mutongu mwoso mumbidi ău mikyeu.

³⁹ Munyu mwoso kauna munyu umoumwe ; kate munyu umoumwe udiko ă bantu, munga munyu ă nyama, munga munyu ă nyonyi, munga ă yixi.

⁴⁰ Mimbidi idiko lolo ya mu diulu, yi mimbidi ya ku loboko ; kate dikai dia mu diulu didi pabwadio, yi dikai dia ku loboko didi pabwadio.

⁴¹ Dikai didiko dimodimwe dia diba, yi dinga dikai dia ngondo, yi dinga dikai dia mitoto ; bwalo bwaxiyañana mutoto yi mutoto dikai.

⁴² Mo nako kabidi yi kwombuluka kwa bafu. Mumbidi ămakunibwa yi musalu, ămabixibwa kutena musalu ;

⁴³ ămakunibwa yi lukisu, ămabixibwa yi dikai ; ămakunibwa yi bubombu, ămabixibwa yi ngulu ;

⁴⁴ ămakunibwa mumbidi ă mwosambu ă bantu, ămabixibwa mumbidi ă mwosambu ă Mwoxixi. Ndo mumbidi udiko ă mwosambu ă bantu, mumbidi udiko kabidi ă mwosambu ă Mwoxixi.

⁴⁵ Mbwôso kwamafundibwa ene, Muntu a buxi Adami akapangibwa muna môyo ; Adami a ku sula udi ndo mwoxixi a kupañana môyo.

⁴⁶ Kaninga ou kiena buxi ă mwosambu ă Mwoxixi, kate ou ă mwosambu ă bantu ; yi kunyuma ou ă mwosambu ă Mwoxixi.

⁴⁷ Muntu a buxi udi muna loboko, a yimbwi ; muntu amubidi udi muna diulu.

⁴⁸ Bea bidi you a yimbwi ndo biapwakala bantu kabidi badi bena yimbwi ; yi bea bidi you a diulu biapwakala bantu kabidi badi bena diulu.

⁴⁹ Yi bea bitwamacwala kifwanisa kia you a yimbwi ndo bitunacwala kabidi kifwanisa kia you a diulu.

⁵⁰ Nkyekyu ngwatôya noku, bakunyi ; ene, munyu yi maxi kaubiyi kukita bufumu bwa Ncembi mwokito, yi musalu kausokita mwokito utena musalu.

⁵¹ Numoni, meme nwebesa bwalo bwa bwisa ; katunalala tulu bungi bwecu, mo tunapiludibwa bungi bwecu,

⁵² mu kakondo kabende nci, mu kikuminu kia diso mbodya, ku mpungi a ku sula ; bwalo bunatôya mpungi, yi bafu banabixibwa kutena musalu, yi coco tunapiludibwa.

⁵³ Bwalo budi mumbidi ou ă musalu yi dibambu dia kulata mumbidi utena musalu, yi mumbidi ou ă kufwa uxelata mumbidi utena yi kufwa.

⁵⁴ Mbwôso panakala ou ă musalu ămalata ou utena musalu, yi ou ă kufwa ămalata ou utena yi kufwa, ku kikondo kieki kunafikixibwa diyi diakafundibwa ene, Lufu lwamaminibwa mu bumanya.

⁵⁵ Owe lufu, bumanya bwebe budi kupai ? Owe lufu, kisuminu kiebe kidi kupai ?

⁵⁶ Kisuminu kia lufu kidi bubi, yi ngulu ya bubi idi bwadi.

⁵⁷ Mo Ncembi axingibwi biloba utupapa coco bumanya kudi Fumwecu Yisu Kalistu.

⁵⁸ Mbwôso bakunyi bamene banangibwi, nwakali kukola bô, kutena kunyinga, nulekoli matuku moso yi mudimo ă Fumu ; bwalo bunwalubukwa ene, mudimo ěnu kauna kanana mu Fumu.