مقتطفات من الزبور 8 - الترجمة اللبنانية مع القافية

دعاء التسبيح للنبي داود (ع)

¹ اللهُمَّ يا مولانا، ما أعظم إسمَك، بالدِني كِلّا! يلّي جلالَك فوق السّما عَلّا.

² جَعَلْت الرُضَّع والأطفال يسبّحوا إسمَك، بوجّ خَصمَك، تَتْسَكِّت أعداءَك وتقوّي حُصنَك.

³ لمّا بشوف السماوات يلّي رفَعْتْها، والقمر والنجوم الّي كَوَّنْتها،

⁴ بْقول لحَالي: مين الإنسان حتّى تفكِّر فيه، مين هوّ البني آدم حتّى تِهتمّ وتْراعيه!

⁵ يا ربّ، جَعَلْت مَرْتَبْتُه شويّ أدنى من المَلايكة وأقلّ وِقار، وأَعْطَيتُه مَقام الملوك وأكاليل الغار،

⁶ سخَّرتُه عكلّ مخلوقاتَك، وخلّيتُه بكلّ شي صاحب القرار،

⁷ الغنم والبقر وحيوانات البرّ كِلّا،

⁸ طيور السّما والسّمك وكلّ شي بِعِيش بالبِحار.

⁹ اللهُمَّ يا مولانا، ما أعظَم إسمَك بالدنيا كِلّا!