ག་ལ་ཏི་ཡཱ་པ། 4 - གློ་བ།

¹ ངས་སྨྲ་གིན་ལབ་ཀྱི་དོན་འདི་ལགས། རྒྱུད་འཛིན་གཅིག་ནོར་གི་རིའི་བདག་པོ་ཡིན་ན། ཁོ་ཕྲུ་བ་ཡིན་མཁན་ཐུག་པའི་ཁོ་གཡོག་པོ་ཅོག་རེ་ལགས།

² ཨ་རྒས་ཀྱིས་བསྐོས་རེ་བཞག་ཞ་དུས་ཚོད་ཐུག་པའི། ཁོ་སྐྱོང་མཁན་དང་གཉེར་པ་ཡི་དབང་འོག་ཏུ་འོང་གི་ལགས།

³ དེ་རེ་ཅོག་རེ་འོ་རང་ཀྱ་ཕྲུ་བ་འོད་དེ་གང་ལ། འདི་འཛམ་བུ་གླིང་གི་ལྷ་ཀྱ་ཡི་དབང་གི་འོག་ལ་ཤོར་འོད་ད་ལགས།

^4-5 ཡིན་ནའང་དུས་ཚོད་ཏག་ཏག་གོ་འོངས་ཚར་ཏེ། དཀོན་མཆོག་གིས་རང་གི་སྲས་བཏང་ང་མཛད་པ་ལགས། དེ་ནས་ཆོས་ཁྲིམས་ཀྱི་འོག་ཏུ་འོད་མཁན་འོ་རང་ཀྱ་ལ་ཐར་པ་མཛད་ཡས་དང་། འོ་རང་ཁོང་གི་སྲས་དང་སྲས་མོ་འབྱུང་ཡས་ལ། ཁོང་པ་བུ་མོ་གཅིག་ནས་ཆོས་ཁྲིམས་ཀྱི་འོག་ཏུ་འཁྲུངས་བ་ལགས།

⁶ ཁྱེད་ཀྱ་སྲས་དང་སྲས་མོ་བྱས་རེ། དཀོན་མཆོག་རང་གི་སྲས་ཀྱི་ཐུགས་ཉིད་འོ་རི་སེམས་ལ་བཏང་ང་མཛད་པ་ལགས། དེ་ནས་འོ་དེའི་ཨབ་བཱ་ཡབ་སྨྲས་རེ་འབོད་ལ་ལགས།

⁷ འོ་བྱས་རེ་ཁྱེད་ཀྱ་ད་བྲན་གཡོག་མིན་ད། དཀོན་མཆོག་གི་སྲས་དང་སྲས་མོ་ལགས། དེ་ནས་སྲས་དང་སྲས་མོ་བྱས་རེ་ཁྱེད་ཀྱ་དཀོན་མཆོག་གི་ཐོག་ནས་རྒྱུད་འཛིན་བྱུང་ང་ལགས།

ག་ལ་ཏི་ཡཱ་པ་ཀྱ་ལ་པའུ་ལུ་ཡི་སྡུག་ང་།

⁸ ཨེན་མ་ཁྱེད་ཀྱ་དཀོན་མཆོག་ལ་ངོ་མེད་ཤེས་ལི་གང་ལ། དཀོན་མཆོག་མེད་མཁན་ལྷ་ཀྱ་ལ་གཡོག་པོ་རྒྱུག་བ་ལགས།

⁹ ཡིན་ནའང་ད་ལྟ་ཁྱེད་ཀྱ་ཡིས་དཀོན་མཆོག་ལ་ངོ་ཤེས། དེ་ནས་དཀོན་མཆོག་རང་གིས་ཁྱེད་ཀྱ་ལ་ངོ་མཁྱེན་དེའང་། ཁྱེད་ཀྱ་གང་གི་བྱས་རེ་འཛམ་བུ་གླིང་གི་ནུས་མཐུ་མེད་ཀྱིན་དང་ཕན་མེད་ཐོག་གིན་ལྷ་ཀྱ་ཕྱོགས་ལ་ལོག་སྟེ། ལྡབ་ལེ་དེ་ཀྱ་ཡི་བྲན་གཡོག་བྱེད་ཡས་འདོད་པ་བྱེད་ད་ལེ།

¹⁰ ཁྱེད་ཀྱ་ཉི་མ་དང་། ཟླ་བ་དང་། དུས་བཟང་དང་། ལོ་ཀྱ་རྩི་ལ་ལགས།

¹¹ ངས་ཁྱེད་ཀྱ་ཡི་ཕྱིར་ལ་དཀའ་ལས་བྱེད་ཀྱིན་གོ་དོན་མེད་ཀྱིན་བྱུང་བ་ཡིན་གྲོ་སྨྲས་རེ་ང་ལ་སྡུག་ང་འོང་བའི།

¹² སྤུན་ཀྱ་བོ། ང་ཁྱེད་ཀྱ་ཅོག་རེ་དེ་གི་རི་ནས་ཐར་གྱིན་ཅོག་རེ། ཁྱེད་ཀྱའང་ང་ཅོག་རེ་འབྱུང་རོགས་བྱེད་སྨྲས་རེ་ང་ཁྱེད་ཀྱ་ལ་ཞུ་བ་འབུལ་ལ་ཡིན། ཁྱེད་ཀྱ་ཡིས་ང་ལ་ཨ་གིའང་མ་བྱས་སོང་།

¹³ ངས་ཨེན་ལ་ཁྱེད་ཀྱི་རྩ་རུ་གཏམ་བཟང་བཤད་ཀྱིན་གྱི་དོན་དག་གོ། ངའི་གཟུགས་མེད་ཐང་ང་བྱས་རེ་ལགས་སྨྲས་རེ་ཁྱེད་ཀྱ་ལ་ཤེས་ཡས་འོད་ད་ལགས།

¹⁴ དེ་ནས་ང་ཐང་ང་མེད་ཀྱིན་གོ་ཁྱེད་ཀྱི་ཕྱིར་ལ་ཚོད་ལྟ་བྱུང་རེའང་། ཁྱེད་ཀྱི་ང་ལ་ནམ་དོག་ཡང་ན་མཐོང་ཆུང་མ་བྱས་སོང་། ཡིན་ནའང་དཀོན་མཆོག་གི་བང་ཆེན་དང་ཡེ་ཤུ་མཱ་ཤི་ཀ་ཡིན་གྱིན་ཅོག་རེ་ང་ལའང་ཁས་ལེན་བྱས་སོང་།

¹⁵ ད་འོ་དེ་གང་ལ་ཁྱེད་ཀྱི་ཚོར་གྱིན་དགའ་སྤྲོ་གོ་ག་རུ་ལ་སོ། ཁྱེད་ཀྱ་ཡིས་བྱེད་ཐུབ་ཡས་འོད་ན། ངའི་ཕྱིར་ལ་ཁྱེད་རི་མིག་བཏོན་དེའང་ང་ལ་སྟེར་ཡས་འོད་སྨྲས་རེ་ང་དཔང་པོ་སྟེར་ཐུབ་ཡས་འོད།

¹⁶ ངས་ཁྱེད་ཀྱ་ལ་བདེན་པ་བཤད་དེ། ད་ད་ལྟ་ང་ཁྱེད་ཀྱི་དགྲ་ལ་གྱུར་སེ།

¹⁷ ཟོག་པོ་བསླབ་བྱ་བསླབས་མཁན་ཀྱ་ཡིས་ཁྱེད་ཀྱ་ལ་ཁོ་རི་ཕྱོགས་ལ་གཡོས་ཡས་དམི་ཅིག་གི་ཐབས་ཤེས་སྟོན་འདིག།ཡིན་ནའང་ཁོང་ཀྱ་ཡི་དམིགས་ཡུལ་དགའ་མིན་འདུག། དེ་ནས་ཁྱེད་ཀྱིས་ཁོང་ཀྱ་ལ་དམི་ཅིག་གི་རྩི་ལ་ཤོག་སྨྲས་རེ། ཁོང་ཀྱ་ཡིས་ཁྱེད་ཀྱ་ལ་འེ་ཀྱ་ནས་ཁ་འབྲལ་ཡས་བྱེད་ད་ལགས།

¹⁸ དོན་བཟང་པོ་ཕྱིར་ལ་འདོད་པ་ཆེ་བྱེད་ན་དགའ་ལགས། ཡིན་ནའང་ང་ཁྱེད་ཀྱི་མུ་ལ་འོད་དེ་གང་ལ་གཅིག་ཀ་མ་ལགས།

¹⁹ ངའི་བརྩེ་བའི་ཕྲུ་བ་ཀྱ་བོ། ཁྱེད་ཀྱ་མཱ་ཤི་ཀའི་གཤིས་ཀ་ཅོག་རེ་མ་བྱུང་གིན་ཐུབ་པའི། ང་ཁྱེད་ཀྱི་ཕྱིར་ལ་ཡང་ད་སྐྱེ་ཟུག་ལ་འོད་ཀྱིན་ཅོག་རེ་འདུག།

²⁰ ད་ལྟ་ང་ཁྱེད་ཀྱི་མུ་ལ་འོད་ན། ངའི་སྐད་ཀྱི་གདངས་བསྒྱུར་ཡས་རེ་བ་འོད། གི་བྱས་རེ་སྨྲ་ན་ང་ཁྱེད་ཀྱི་ཕྱིར་ལ་མགོ་འཐོམས་ཏེ་བསྡད་འོད།

ཧ་གར་དང་ས་རཱ།

²¹ ཁྱེད་ཆོས་ཁྲིམས་ཀྱི་དབང་གི་འོག་ལ་བསྡད་ཉིད་འདོད་མཁན་ཀྱ། ང་ལ་སྨྲོས་དང་། ཆོས་ཁྲིམས་ཀྱིས་སྨྲ་གིན་གོ་ཁྱེད་ཀྱ་ཧ་མེད་གོ་ར་བའི།

²² གསུང་རབ་ལ་བྲིས་འོད་ད་ལགས། ཨབ་ར་ཧམ་ལ་བི་ཛ་གཉིས་འོད་ད་ལགས། བྲན་གཡོག་མ་ཕྱོགས་ནས་གཅིག་དང་རང་དབང་འོད་མཁན་སྐྱེས་དམན་ནས་གཅིག།

²³ ཡིན་ནའང་བྲན་གཡོག་མ་ཕྱོགས་ནས་བྱུང་བྱ་བི་ཛ་གོ་འཇིག་རྟེན་གྱི་ལུགས་སྲོལ་ནས་སྐྱེས་བ་ལགས། དེ་ནས་རང་དབང་འོད་མཁན་སྐྱེས་དམན་ནས་སྐྱེས་ཀྱ་གོ་དཀོན་མཆོག་གི་དམ་བཅའ་སྒྲུབ་ཡས་ལ་ལགས།

²⁴ འདི་ནི་དཔེ་གཅིག་བཞག་ན་སྐྱེས་དམན་དེ་གཉིས་བོ་དམ་བཅའ་གཉིས་ལགས། སི་ནཱ་རི་ནས་བྱུང་བྱ་དམ་བཅའ་གཅིག་གོ་བྲན་གཡོག་གི་ཕྱིར་ལ་ཕྲུ་བ་སྐྱེས་མཁན་ཧ་གར་ལགས།

²⁵ ཧ་གར་གྱིས་ཨ་རབ་ཡུལ་གྱི་སི་ནཱ་རི་ལ་སྟོན་ད་ལགས། དེ་ན་ད་ལྟ་ཡི་ཡེ་རུ་ཤ་ལེམ་མུ་ལ་ཆ་བཞག་ན་སྒྲིག་གི་ལགས། གི་བྱས་རེ་སྨྲ་ན་མོ་མོ་རི་ཕྲུ་བ་ཀྱ་མུ་ལ་ཆོས་ཁྲིམས་ཀྱི་བྲན་གཡོག་ལ་འདུག།

²⁶ ཡིན་ནའང་ནམ་མཁའི་ཡེ་རུ་ཤ་ལེམ་གོ་ལ་རང་དབང་འོད་ད་ལགས། དེ་ནས་མོ་འོ་རི་ཨ་མ་ལགས།

²⁷ གི་བྱས་རེ་སྨྲ་ན་གསུང་རབ་ལ་བྲིས་འོད་ད་ལགས། ཕྲུ་སྐྱེས་མི་ཐུབ་མཁན་རབས་ཆད། དགའ་སྤྲོ་བྱེད། སྐྱེ་ཟུག་མ་མྱོང་མཁན་ཀྱ་བོ། ཉམ་མོ་དགྱེས་རེ་སྐད་ཆེ་རྒྱོབ། གི་བྱས་རེ་སྨྲ་ན་ཁྱོ་ག་འོད་མཁན་སྐྱེས་དམན་ནས་གཡུགས་ཏེ་བཞག་ཞ་སྐྱེས་དམན་ལ་ཕྲུ་བ་མང་ང་འདུག

²⁸ ད་སྤུན་ཀྱ་བོ། ཁྱེད་ཀྱ་དཀོན་མཆོག་གི་དམ་བཅའི་སྒོ་ནས་སྐྱེས་ཀྱ་ཨི་སཱག་ཅོག་རེ་ཕྲུ་བ་ལགས།

²⁹ ཡིན་ནའང་འོ་དེ་གང་ལ་འཇིག་རྟེན་གྱི་ལུགས་སྲོལ་ནས་སྐྱེས་ཀྱ་ཡིས་དམ་པའི་ཐུགས་ཉིད་སྒོ་ནས་སྐྱེས་ཀྱ་གོ་ལ་གནོད་བསྐྱལ་གྱིན་ཅོག་རེ། ད་ལྟ་དེ་རེ་རང་འདུག།

³⁰ ཡིན་ནའང་གསུང་རབ་ཀྱི་གི་གསུངས་བའི། བྲན་གཡོག་མ་དང་མོའི་བི་ཛ་ལ་བཏོན་ཏེ་རྫོངས། གི་བྱས་རེ་སྨྲ་ན་བྲན་གཡོག་མ་ཕྲུ་བ་ལ་རང་དབང་འོད་མཁན་བི་ཛ་མུ་ལ་དཀོན་མཆོག་གི་དམ་བཅའི་ཐོབ་ཐང་འཐོབ་ཀྱི་མ་ལགས།

³¹ འོ་བྱས་རེ་སྤུན་ཀྱ་བོ། འོ་རང་བྲན་གཡོག་མ་ཡི་ཕྲུ་བ་མིན་ད། རང་དབང་འོད་མཁན་སྐྱེས་དམན་གྱི་ཕྲུ་བ་ལགས།།