༡ པེ་ཏྲོ། 4 - གློ་བ།

དཀོན་མཆོག་གི་ཆེད་དུ་འཚོ་བ།

¹ འོ་བྱས་རེ་མཱ་ཤི་ཀ་ཡིས་འང་སྐུ་ལུས་ལ་སྡུག་པོ་མྱངས་ཀྱིན་ཅོག་རེ། ཁྱེད་ཀྱའང་དེ་རེ་རང་བསམ་བློ་ཁྱེར་ཏེ་རང་ལ་ཤུགས་ཆེ་བཟོས། གི་བྱས་རེ་སྨྲ་ན་ལུས་ལ་སྡུག་པོ་མྱངས་མཁན་གྱིས་སྡིག་པ་སྤོང་ང་ལགས།

² འོ་བྱས་རེ་ལུས་ནང་དུ་བསྡད་ཡས་ཡིན་གྱིན་ཐུག་པའི། ཁྱེད་ཀྱ་མིའི་འདོད་པ་མིན་ད་དཀོན་མཆོག་གི་ཐུགས་དགོངས་ལ་མི་ཚེ་སྐྱོལ།

³ གི་བྱས་རེ་སྨྲ་ན་ཁྱེད་ཀྱ་ཡིས་ཨེན་མ་དད་པ་མི་བྱེད་མཁན་མི་ཀྱ་ཅོག་རེ་ལོག་གཡེམ་དང་། འདོད་ཆགས་དང་། ར་བཟི་གིན་དང་། ཆོ་མེད་ཀྱིན་ལྟད་མོ་དང་། ཆང་ཨ་རག་གི་ཐུགས་སྤྲོ་དང་། ཨམ་ལོག་བ་ལྷ་སྐུ་འདྲ་ལ་མཆོད་ཀྱིན་ལས་ཀ་ཀྱ་ལ་དུས་ཚོད་མང་ང་བསྐྱལ་བ་ལགས།

⁴ ད་ད་ལྟ་ཁྱེད་ཀྱ་ཁོང་ཀྱ་མུ་ལ་ཆོ་མེད་ཀྱིན་སྤྱོད་པ་ངན་པ་ལ་མེད་ཐེ་གིན་བྱས་རེ། ཁོང་ཀྱ་ཧ་ལས་རེ་ཁྱེད་ཀྱ་ལ་སྨད་སྤྲ་བཏང་ང་ལགས།

⁵ ཡིན་ནའང་གསོན་པོ་དང་གཤིན་པོ་གཉིས་ཀྱི་ཁྲིམས་གཅོད་གནང་ཡས་ལ་གྲ་སྒྲིག་འོད་ཀྱིན་ཁོང་པ་ལ་ཁོང་ཀྱ་ཡིས་རྩིས་འབུལ་དགོས་གུ་ལགས།

⁶ འོ་བྱས་རེ་མི་ལ་ཅོག་རེ་གཤིན་པོ་ཀྱ་ལ་ལུས་ལ་ཁྲིམས་གཅོད་བྱེད་འོད་ནའང་། སེམས་ཉིད་ལ་ཁོང་ཀྱ་དཀོན་མཆོག་ཅོག་རེ་གསོན་པོ་གནས་ཡས་ཀྱི་ཆེད་དུ། ཁོང་ཀྱ་ལའང་གཏམ་བཟང་གོ་བཤད་པ་ལགས།

⁷ དོན་གི་རིའི་མཐའ་གོ་ཉེ་སླེབས་འདུག། འོ་བྱས་རེ་ཁྱེད་ཀྱ་སྨོན་ལམ་བརྒྱབ་ཡས་ཀྱི་ཆེད་དུ་རང་ཚོད་ཟིམ་གྱིན་དང་གཟབ་གཟབ་འབྱུང་དགོས།

⁸ དེ་གི་རི་ནས་གལ་ཆེ་ཤོས་གོ་ཁྱེད་ཀྱ་གཅིག་གིས་གཅིག་ལ་སེམས་གཏིང་ནས་བྱམས་པ་བྱེད། གི་བྱས་རེ་སྨྲ་ན་བྱམས་པ་ཡིས་སྡིག་པ་མང་ང་ལ་བཀབ་ཐུབ་བ་ལགས།

⁹ དེ་ནས་སྡུག་སྐད་མ་བརྒྱབ་བ་གཅིག་གིས་གཅིག་ལ་མགྲོན་པོ་བསུས།

¹⁰ ཁྱེད་ཀྱ་ནང་ནས་མི་རེ་རེ་ལ་དཀོན་མཆོག་ནས་གནང་སྦྱིན་ཐོབ་ཐ་བྱས་རེ། དཀོན་མཆོག་གི་ཐུགས་རྗེའི་གནང་སྦྱིན་སྣ་ཚོགས་ཐོབ་ཐ་གཉེར་པ་ཀྱ་ཅོག་རེ། རང་ལ་ཐོབ་ཐ་གནང་སྦྱིན་གོ་གཅིག་གིས་གཅིག་ལ་ཞབས་ཕྱི་ཞུ་ཡས་ལ་བེད་སྤྱོད་བྱེད།

¹¹ དོན་གི་རིའི་ཐོག་ནས་ཡེ་ཤུ་མཱ་ཤི་ཀའི་ཐོག་ནས་དཀོན་མཆོག་གི་གཟི་བརྗིད་འབྱུང་ཡས་ཀྱི་ཆེད་དུ། ཁྱེད་ཀྱ་ནས་ཆོས་བཤད་མཁན་གྱིས་དཀོན་མཆོག་གི་བཀའ་གསུངས་ཀྱིན་ཅོག་རེ་བཤད་དགོས། དེ་ནས་ཁྱེད་ཀྱ་ནས་ཞབས་ཕྱི་ཞུ་མཁན་གྱིས་དཀོན་མཆོག་གིས་གནང་ན་སྟོབས་ཀྱི་སྒོ་ནས་ཞབས་ཕྱི་ཞུ་དགོས། དུས་གཏན་དུ་གཟི་བརྗིད་དང་དབང་ཁོང་པ་ཡི་ལགས། ཨ་མེན།

མཱ་ཤི་ཀ་བ་བྱུང་རེ་སྡུག་པོ་མྱངས་ཀྱིན།

¹² གཅེས་བའི་ཀྱ་བོ། ཁྱེད་ཀྱ་ལ་ཆོད་ལྟ་བྱེད་ཡས་ལ་མེ་ཅོག་རེ་སྡུག་པོ་ཁྱེད་ཀྱི་ཁར་ལ་བབ་ན། ཁྱེད་ཀྱ་ལ་མཁྱན་ཚ་གཅིག་བྱུང་གིན་ཅོག་རེ་ཧང་མ་སང་།

¹³ ཡིན་ནའང་མཱ་ཤི་ཀ་གཟི་བརྗིད་ལ་མངོན་ཏེ་གང་ལ། ཁྱེད་ཀྱ་དམི་ཅིག་གི་ཉམ་དགའ་དང་། དགའ་སྤྲོ་སྐྱེས་ཡས་ཀྱི་ཕྱིར་ལ། ད་ལྟ་ཁྱེད་ཀྱ་མཱ་ཤི་ཀའི་སྡུག་པོ་མུ་ལ་འཁུར་རི་གང་ལ་ཉམ་དགའ་བྱེད།

¹⁴ དེ་ནས་མཱ་ཤི་ཀའི་མཚན་གྱིས་བྱས་རེ་ཁྱེད་ཀྱ་ལ་སྨད་སྤྲ་ཕོག་ན། ཁྱེད་ཀྱ་བྱིན་རླབས་ཆེ་ལགས། གི་བྱས་རེ་སྨྲ་ན་གཟི་བརྗིད་དང་དཀོན་མཆོག་གི་ཐུགས་ཉིད་ཁྱེད་ཀྱ་ནང་གནས་འོད་ད་ལགས།

¹⁵ ཡིན་ནའང་ཁྱེད་ཀྱ་ནས་སུའང་སྲོག་བཅད་ཀྱིན། ཡང་ན་རྐུ་མ་རྐུ་གིན། ཡང་ན་ངན་པ་བྱེད་ཀྱིན། ཡང་ན་ཐེ་གཏོགས་བྱེད་ཀྱིན་ལ་ཅོག་རེ་སྡུག་པོ་མ་མྱོང་ང་ཤོག

¹⁶ གི་ཡིན་ན་ཁྱེད་ཀྱ་མཱ་ཤི་ཀ་བ་བྱུང་རེ་སྡུག་པོ་མྱངས་ན། ཁོ་ངོ་མ་ཚ་ཤོག། ཡིན་ནའང་མཱ་ཤི་ཀའི་མཚན་དེ་ལ་རང་ཁོས་དཀོན་མཆོག་ལ་བསྟོད་པ་བཏང་བར་ཤོག།

¹⁷ གི་བྱས་རེ་སྨྲ་ན་དཀོན་མཆོག་གི་ནང་མི་ནས་རང་འགོ་འཛུགས་ཏེ་ཁྲིམས་བཅད་ཡས་ཀྱི་དུས་བབ་འདུག། དེ་ནས་དེ་འོ་རང་ཀྱ་ནས་འགོ་བཙུགས་ན་དཀོན་མཆོག་གི་གཏམ་བཟང་མི་བརྩིས་མཁན་ཀྱ་ཡི་འབྲས་བུ་གོ་གི་འབྱུང་བའི་འོད་གྲོ།

¹⁸ དེ་ནས་གསུང་རབ་ལ་དེ་རེ་གསུངས་འོད་ད་ལགས། དྲང་བདེན་ཀྱ་ཡི་ཐར་པ་ལ་གག་བ་འོད་ན། མེད་དྲང་ང་དང་སྡིག་ཅན་ཀྱ་ལ་གི་འབྱུང་བའི་འོད་གྲོ་བའི།

¹⁹ འོ་བྱས་རེ་དཀོན་མཆོག་གི་ཐུགས་དགོངས་ཀྱི་ཐོག་ནས་སྡུག་པོ་མྱངས་མཁན་ཀྱ། ལས་བཟང་ང་བྱེད་འདིག་གང་ལ་རང་གི་སྲོག་བློ་གཏད་ཆོག་པ་དཀོན་མཆོག་ལ་བཅོལ་དགོས།།