१ थेसालोनीकेपा 3 - ॱलोवातीमोथेउला थेसालोनीकेरु झावा 1 होझ्येरी हेक्याई शो़पा घोम ॱमाथुक्वा, हेराङ च्यीगा एथेनेरु धेये ढो़ झ्येवी। 2 खेक्याई धेपा तेन्पो शोये धाङ सेमस्युक पारयेला धेनी मास्यीकागी ताम्शाङ स्येयेला, को़न्क्षोकगी को़का लेजेपा धाङ हीकी पी़न तीमोथेउला खेक्याचारु झावी। 3 दुङा देगी खेक्याई धेपा ङ्याम्दु ॱमाच्युक्वास्योक। दुक्पु ङ्याङ घोगीलाक ॱनेरी, खेक्याला स्येये हो़तालाक। 4 घीझ्येरी ॱनाना हेक्या खेक्याई मुला हो़ती घाङला, होराङ दुक्पु ङ्याङ घोगीलाक ॱनेरी, एन्दुरु हीकी खेक्याला ॱनेवी। धेनी होदेरेराङ झ्युजुङ। धा होदे खेक्या स्येलालाक। 5 ॱली़गीनगी खेक्याला गोवा कोरती, हीकी काल्लेगो दो़न्दाक मेगीन लाहुङ साम्दी, खेक्याई धेपागी कोरला स्येयेला घुक ॱमाथुक्पा, तीमोथेउला ङी झावी। 6 हीना धान्दा तीमोथेउ खेक्या चाने होरी, खीकी धेपा धाङ चेवागी कोरला ताम शाङा हेक्याला स्येजुङ। धेनी हेक्या खेक्याला थुक्दो़ हो़गीन च्योक्रे, खेक्या हेला नाम्हीना ढेन्ये धाङ हेला थुक्येला दो़पा हो़गीनगोवा घोरजुङ। 7 होझ्येरी पी़न्दाक्याओ, खेक्याई धेपागी झ्येरी हीकी दुक्ङेल धाङ दुक्जोङ घाङला हेला सेम्सो जोरजुङ। 8 खेक्या चोवोगी नाङ धेपाला तेन्पो ॱनेना, हेक्या ॱङोन्ने सो़न्पो हीन। 9 खेक्याई झ्येरी को़न्क्षोकगी डुङदु, हेला घाटो क्षे झ्युजुङ। दे धाङ खेक्याई क्षीला, को़न्क्षोकला हेक्या थुक्जेक्षे घाङगी झ्येरी पुये? 10 खेक्याला ॱङो़न्सुमदु थुक्ती, खेक्याई धेपाला ॱमेछाङगीन घी दुक, होदेगो डुप्येला हेक्या ॱङीङ थाक्पाने ङीन-छेन ॱमो़लाम श्यी़री धेता हीन। 11 धा होरी याप को़न्क्षोक धाङ होरी चोवो येशुगीराङ, हेला खेक्याचारु डोयेला लाम डाढीक ॱनाङवास्योक। 12 धेनी हीकी खेक्याला चेवा झ्यीगीन च्योक्रे, चोवोगी खेक्याला च्यीकगी च्यीकला चेवा धाङ मी घीरीमुला चेवा फेरी मेछो़ली जेदास्योक। 13 होरेझ्येरी चोवो येशु खोङबागी धाम्पे मीक्यामुला फेई घाङला, होरी याप को़न्क्षोकगी डुङदु, खेक्याई सेम तेन्पो धाङ धाम्पा धाङ क्यो़न मेगीन जेदास्योक। |
© 2023, Wycliffe Bible Translators, Inc. and Nepal Bible Society
Wycliffe Bible Translators, Inc.