Johannes 1 - Predigimo ä Johannesko 1930

O ANGLUNO KAPITLO.

¹ Anglunes ssass i Worba. Dai i Worba ssass ga o Del.

² O Del ssass i Worba. Godi ssass anglunes ga o Del.

³ Inkregi Baiyura anda les gerdjilass, bi lesko nai kantschi gerdjilass, sso gerdjilass.

⁴ Ande les ssass o Draiyo. O Draiyo ssass o Udut ä Manuschengo.

⁵ O Udut schainiy andi Ratt. Ä Tunarikora tschi hatschardä la.

⁶ Ssass et Manusch, ä Dewlestar bischado, godo buschollass Johannes.

⁷ Godo Manusch dass Hiribel ä Ududestar, hod ssa de badschan.

⁸ Woï nass o Udut, ferri Hiro penellass ba Udut.

⁹ Godi ssass o tschatscho Udut, sso ingregone Manuschen, sso andi Luma awen, Metscho del.

¹⁰ Ssass andi Luma, dai i Luma anda les gerdjilass, de i Luma les tschi bindjardass.

¹¹ Awilass ande besko, de leske Jene tschi linnä les opre.

¹² Getschi Jene lennas les opre, godolen delass Soor, Dewleske Schawe de gerdjon, sso ande lesko Anaw badschan.

¹³ Sso nai anda Ratt, tsch’anda Gindo ä Masesko, tsch’anda Gindo ette Manuschesko, ferri anda Del, sso gerdjilas.

¹⁴ Dai i Worba ssass Maass, dai beschellass dela me, ame dikassas lesko Jossago, o Jossago ä Schawestar ä Dadestar, perdo Echteschago dai Tschatschimo.

¹⁵ Johannes worbiyass bra les, ssibiyass dai pendass: „Gado ssass, sso pendem bra les: Bala ma awla, sso angla ma ssass, ei woï mai ssigo ssass ssar me“.

¹⁶ Dai anda lesko Budimo ame ssa lam Echteschago ba Echteschago.

¹⁷ O Skirimo dass o Moses, o Echteschago dai o Tschatschimo anda Jesus Christus gerdjilass.

¹⁸ Konig tschi diklass ä Dewles, o tschatscho Schawo, sso andi Dadeski Angala ssi, godo amenge pendass.

¹⁹ Dai gado o Hiro ä Johannesko, ga ä Jidowura bischadä andai Jerusalem Raschayen dai Meschera hod de puschen lestar: Gon ssan tu?

²⁰ Dai woï pendass dai tschi gedundass: me tschi ssim o Christus.

²¹ Dai puschlä lestar: Ei sso? Ssan tu o Elias? Woï pendass: Me tschi ssim. — Ssan tu et Dudoscho? — Dai woï pendass: Nitschi.

²² Dai pendä leske: Sso ssan tu? hod ame de penas godolenge, sso amen bischadä, hod sso tu penes bra tu.

²³ Ale woï: Me ssim et Glaso ette Raschasko bai Pusta: Geren o Dromm ä Rasko! ssar o Dudoscho Jesaias pendass.

²⁴ Dai sso bischadä ssass, godola ssass andai Pharisäern.

²⁵ Dai won puschlä lestar dai pendä leske: Ei ssostar boles, gana tschi ssan tscho Christus, tscho Elias, tschi Dudoscho?

²⁶ O Johannes pendass lenge: Me bolaw Bayessa; de woï dela dume awilass, godoles dume tschi bindjaren.

²⁷ Godoy sso bala ma awla, sso angla ma ssass, sso tschi geraw getschi, hod leske Babutschenge Dora me de putraw opre.

²⁸ O Johannes pendass godo andi Bethabara perdal i Jordan, ga bolelass.

²⁹ O awer Djes diklass o Johannes ä Jesuskas ssar leste awel dai pendass: Diken, gadoy ä Dewlesko Bakro, sso a Lumake Binura igrel.

³⁰ Gado ssi, sso pendem bra les: Bala ma awel et Manusch, sso angla ma ssass: Woï mai ssigo ssass ssar me.

³¹ Dai me tschi bindjardem les, de hod de bindjaren les ando Israël, anda godo awilem me, hod Bayessa de bolaw.

³² Dai o Johannes penellass: Me diklem ga i swunto Godji dele awilass ssar et Gulumbo, dai aschilass bre les.

³³ Dai me tschi bindjardem les, de man gon bischadassass de bolaw Bayessa, godo mange pendassass: Be gas dikessa i swunto Godji, dele d’avel dai be gas i swunto Godji aschla, had godoy godo, sso a swuntona Godjassa bolel.

³⁴ Dai me diklem godo dai dem Hiribel, hod gadoy ä Dewlesko Schawo.

³⁵ O awer Djes, dordjollass o Johannes duye Ssogalowontza.

³⁶ Ssar diklal o Jesuska jal, pendass: Diken, gadoy ä Dewlesko Bakroro.

³⁷ Ä duy Ssogalowura schundä godo, dai gelä balal bala Jesus.

³⁸ Jesuska boldass pe palpale, diklass ga balal awen dai pendass lenge: Sso roden dume Won pendä leske: Meisterinna, ga ratschares?

³⁹ Woï pendass lenge: Awen dai diken. Awilä dai diklä, dai aschilä godo Djes leste. Jek anda godoy duy,

⁴⁰ sso ä Johannestar schundässas dai bala Jesus janas, buschollass o jek Andreas ä Petrusosko Pral.

⁴¹ Godo raklass beske Prales, ä Petruses, dai pendass leske: Ame raklam ä „Messias“ — godo buschol „o Grai“.

⁴² Dai igerdass les ga Jesus. Gana Jesus diklass les, pendass: Tu ssan o Simon, ä Jonasesko Schawo: tu ssite buschos „Kephas“, godoy: „Stanka“.

⁴³ O awer Djes pirellass o Jesus bale andi Galiläa de jal dai raklass ä Philippus dai pendass leske: Awtar manssa.

⁴⁴ O Philippus ssass andai Bethsaïda, anda godo Foro, katar o Andreas dai o Petrus ssass.

⁴⁵ O Philippus raklass ä Nathanaëles dai pendass leske: Ame raklam godoles, sso o Moses dai ä Dudoscha skirindä bra les, o Jesuska, ä Josephesko Schawo andai Nazareth.

⁴⁶ O Nathanaël pendass leske: Sso schai awel andai Nazareth Laschimo? O Philippus pendass leske: Aw dai dik les.

⁴⁷ O Jesuska diklass ga leste awel dai pendass: Diken gado et tschatscho Jidowoy bi Hamischagosko.

⁴⁸ O Nathanaël pendass leske: Katar bindjares ma? Jesuska pendass palpale: Mek o Philippus tut kardassass, hat ssar dela Gobadschi tu ssannas, ma me diklemmas tu.

⁴⁹ Nathanaël pendass les palpale: Tu ssan ä Dewlesko Schawo, o Grai bai Israël!

⁵⁰ O Jesuska be godo pendass: Tu badschas, ga pendem tuke ssar dela Gobadschi ssannas me diklem tu, tu mai baro dikessa.

⁵¹ Dai pendass leske: Tschatschimassa, Tschatschimassa, me penaw dumenge: Akanik dikna o Tscheri puterdo, dai ga ä Andjela opre dai dele janna bey Manuschengo Schawo.