1 Yoane 1 - Lobala

Iloɓa sa ɓomɔɔ

¹ Yaaɓaka o etatele, yaaokaka ɓanga, yaawɛnɛkyɛ ɓanga na miyo ma ɓanga, yaalembetelaka ɓanga na yaakumaka ɓanga na maɓɔkɔ Eli yo Iloɓa saalophɛ ɓomɔɔ

² — phɔ ɓomɔɔ phamiwɛninya, na ɓanga towɛnɛkyɛ yango mɛna towɔ tombe na eyimola ɓomɔɔ pha ɓoɓɛlɛ na ɓoɓɛlɛ, phaaɓaka oka Tata, phamba ya miwɛninya oka ɓanga —

³ yaawɛnɛkyɛ ɓanga na ya okaka ɓanga, toeyimole yango na ɓɛ̀ɛ mɛ, phɔ na ɓɛ̀ɛ oangane na ɓanga. Emba iyangana sa ɓanga eli iyangana na Tata na ná Ŋwana wɛ Yesu Klisto.

⁴ Emba toekomele ɓaɓona phɔ nkyisa ya ɓanga iɓe ya phɛlɛ.

Ŋwaphongo ali moo

⁵ Kyeka simo eyaoka ɓanga nɛ, yango ekyembe eyimola ɓanga eye: Ŋwaphongo ali moo, oka yɛ, tewali nɔnɔ ŋwana enzɔmbi.

⁶ Ɓo towɔ oɓokye: Toangana nɛ, bibi totambule o enzɔmbi, mɛna tokate tolombe kyela na maphɔɔ ma phɛlɛ.

⁷ Kasi ɓo totambule o moo ɓoli yo mampenza moo, mɛna ɓanga ɓasɔ toangana elele yɔnɔyɔ, emba malongo ma Yesu, Ŋwana wɛ, malokunyole masumu masɔ.

⁸ Ɓo towɔ oɓokye: Teloli na masumu, tomikatele ɓanga mampenza, na maphɔɔ ma phɛlɛ temali onte ya ɓanga.

⁹ Kasi ɓo toyambole masumu ma ɓanga, oli yo moto okokokya maphɔɔ malakyi yo, na oli yo moto wa ɓosembo, alolimbisa masumu ma ɓanga, amba na lokunyola na ɓoɓe pha ɓanga ɓosɔ.

¹⁰ Ɓo towɔ oɓokye: Teloli ɓato ɓa masumu, mɛna tomobuye moto wa ɓɔɔlɛ, na iloɓa sɛ tesili onte ya ɓanga.