Zekaria 3 - KITABU KITAKATIFU

Muporofeti yalora Musaalisi Munene mu Malola

¹ Maku Yahova yamanyia Joshua musaalisi munene nasingi imbiri we engelosi yeeye. Setani yaali nasingi ku mukono gwigwe mulungi ni yenya kumuyaara.

² Engelosi wa Yahova yavolera Setani, “Yahova akogondokele ive Setani! Yahova wayanza Jerusalemi akogondokele. Mundu uyu aveeye kuli imbimbu yavavugula kutura mu muliru.”

³ Joshua yaali nasingi imbiri wengelosi yaali ni yiviiki zinguvu ziafunya.

⁴ Engelosi yavolera vatumikiri veve vumwigulu, “Mutulizi zinguvu ziayiviki zifunyaa yizi.” Maku yavolera Joshua, “Ndatuliza vwoni vuvwo kandi ndakuha zinguvu zimbia wiviki.”

⁵ Yahova yalaga vatumikiri kuviika Joshua kelemba kinifu kumutwi gwigwe; vakora ndio, kandi vamuvika zinguvu zimbia lwengelosi wa Yahova yaali na siingi hene yaho.

⁶ Maku engelosi yavolera Joshua ndi,

⁷ Yahova Wuvunyali umali kovora: “Niiva ulatia malago gange kandi okole miyinzi ja ndakuuha, ulazizagilira kuva munene mu Litembeli harara ni ving'oze via lio. Ndahulira lisaala liilio, kuli mbulira lisaala lie zingelosi vaveeye imbiri wange.

⁸ Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

⁹ Mbikaa imbiri wa Joshua ligina lilala liveeye ni zimoni 7. Ndang'ola kwigulu kwalio amang'oda, kandi mulidiku lilala ndakatulizi ho vwoni vwikivala yiki.

¹⁰ Mu lidiku yilio, mundu sa mulala kumunyi alakagenihizi mutende weve muchiriri chu muzabibu gwigwe kandi mu chiriri chu musaala gwu mukuyu gwigwe.”