Zaburi 98 - KITABU KITAKATIFU

Nyasaye aveeye mwamihi wi lirova

¹ Mwimbiri Yahova lwimbu luhia; kigira umali kokora vindu viokogenyia! Kuzinguru zizie mwene kandi ku vunyali vwivwe vutakatifu, Yahova umali konyoora liguuta.

² Yahova yalandiza uvuguuti vwivwe; yakola zinguru zizie ziokohonyia zimanyikane ku zihiiri ziosi.

³ Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

⁴ Mwimbiri Yahova kigira uvusangari, O, munyi vandu vosi vi lirova. Mumwizominyi ni zinyimbu kandi Isango yuvusangali!

⁵ Mwimbi zinyimbu zie lizominywa ku Yahova! Mukubi zinyimbu zindahi ku vukana!

⁶ Mukubi visiliva kandi zinziga, muhanzuki kigira uvusangari ku Yahova, mwami wiitu.

⁷ Leka inyanza ihuumi harara na viosi iviveeye mu! Mwimbi, O, munyi vandu vi lirova harara ni viosi vimenyi mu!

⁸ Munyi migera, mukubi makono ginyu! Munyi vigulu, mwimbi harara, nuvusangali imbiri wa Yahova,

⁹ kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.